„ჩარჩოს სახლმა“ რებრენდინგი განახორციელა და სახელწოდება Urban Art-ით შეიცვალა. განახლებასთან ერთად კომპანიამ საქმიანობის მიმართულებაც გააფართოვა და ჩარჩოების გარდა მომხმარებლებს ფოტოგრაფიის, ხელოვნების, დიზაინისა და სასაჩუქრე მიმართულების პროდუქტებს სთავაზობს. რებრენდინგის მიზეზებზე, ახალ შესაძლებლობებსა და სამომავლო გეგმებზე Business Insider Georgia-ს Urban Art-ის წარმომადგენელი ესაუბრა.

ბოლო პერიოდში კომპანიამ რებრენდინგი განახორციელა - რა გახდა ბრენდის განახლების მთავარი მიზეზი და რა შეიცვალა ამ პროცესის შედეგად?

რებრენდინგის მთავარი მიზეზი იყო სურვილი, რომ ჩვენი სივრცე მხოლოდ ჩარჩოების მაღაზიად აღარ დარჩენილიყო და უფრო ფართო, თანამედროვე და საინტერესო კონცეფცია შეექმნა მომხმარებლისთვის.

„ჩარჩოს სახლის“ სახელიდან Urban Art-ზე გადასვლით შეიცვალა ჩვენი ხედვაც - დღეს ჩვენ აღარ ვსაუბრობთ მხოლოდ ჩარჩოზე. ჩვენი მიზანია, სივრცეში გავაერთიანოთ ხელოვნება, ფოტოგრაფია, დიზაინი და საჩუქრის კულტურა.

გაფართოვდა როგორც პროდუქციის მიმართულება, ისე ჩვენი სამიზნე აუდიტორია. მომხმარებელს უკვე ვთავაზობთ სასაჩუქრე პოსტერებსა და ფოტოებს, რომელთათვისაც ადგილზე ვარჩევთ შესაბამის ჩარჩოს, რათა საბოლოო შედეგი სრულყოფილი და ინდივიდუალური იყოს.

ამასთან, Urban Art მზად არის, ხელი შეუწყოს ქართველ ფოტოგრაფებს და მათ ნამუშევრებს მისცეს შესაძლებლობა, უფრო ფართო აუდიტორიამდე მივიდეს.

რა სიახლეები გაქვთ დღეს მომხმარებლებისთვის პროდუქციისა და მომსახურების მიმართულებით?

დღეს მომხმარებელს უკვე შეუძლია ჩვენთან არა მხოლოდ ჩარჩოს, არამედ მზა ვიზუალური ნამუშევრის - ფოტოსა თუ პოსტერის შეძენა.

ვქმნით შესაძლებლობას, რომ ადამიანმა ერთ სივრცეში შეარჩიოს სასურველი ნამუშევარი, მიიღოს პროფესიონალური რეკომენდაცია და მასთან შესაბამისი ჩარჩოც შეარჩიოს.

გარდა ამისა, განსაკუთრებული სიახლეა ქართველი ფოტოგრაფების ნამუშევრების მიმართულება. გვინდა, Urban Art გახდეს სივრცე, სადაც ქართული ფოტოგრაფია უფრო ხელმისაწვდომი და საინტერესო გახდება როგორც ადგილობრივი, ისე საჩუქრის მაძიებელი მომხმარებლისთვის.

როგორ შეიცვალა მომხმარებლის მოთხოვნა და რა ახალ ტენდენციებს ხედავთ ჩარჩოების დიზაინისა და ინტერიერის მიმართულებით?

დღეს მომხმარებელი უფრო მეტად ეძებს ინდივიდუალურობას. ადამიანებს აღარ სურთ მხოლოდ ფუნქციური პროდუქტი - მათთვის მნიშვნელოვანია, როგორ გამოიყურება ნივთი სივრცეში და რა ემოციას ქმნის.

ჩარჩოც უკვე ინტერიერის მნიშვნელოვანი ნაწილია. განსაკუთრებით აქტუალურია მინიმალისტური და თანამედროვე დიზაინი, სხვადასხვა ფორმატისა და სტილის კომბინირება, ასევე პოსტერებისა და ფოტოების გამოყენება სივრცის პერსონალიზებისთვის.

ჩვენი გამოცდილებით, მომხმარებელი სულ უფრო ხშირად ეძებს ისეთ ნამუშევარს, რომელიც მისთვის ემოციურად მნიშვნელოვანია - იქნება ეს ფოტოსურათი, ხელოვნების ნამუშევარი თუ საჩუქარი. სწორედ ამიტომ გვინდა, ჩარჩო აღარ აღიქმებოდეს მხოლოდ როგორც ნამუშევრის დამცავი ელემენტი - ის თავად გახდეს დიზაინის ნაწილი.

რა მიმართულებით გეგმავთ კომპანიის განვითარებას და რა არის თქვენი მთავარი სამომავლო გეგმები?

ჩვენი მთავარი მიზანია, Urban Art ეტაპობრივად ჩამოყალიბდეს სივრცედ, სადაც ხელოვნება, ფოტოგრაფია და ინტერიერის ესთეტიკა ერთმანეთს შეხვდება.

გვსურს კიდევ უფრო გავაფართოვოთ ქართველი ფოტოგრაფების ნამუშევრების მიმართულება, შევქმნათ მათთვის ახალი შესაძლებლობები და მათი ფოტოები უფრო ფართო აუდიტორიამდე მივიტანოთ.

ასევე ვგეგმავთ პოსტერებისა და ფოტოების კოლექციის გაფართოებას, ახალი დიზაინერებისა და შემოქმედებითი ადამიანების ჩართვას და მომხმარებლისთვის ისეთი გამოცდილების შექმნას, სადაც ნებისმიერი ნამუშევრის შერჩევა და მისთვის იდეალური ჩარჩოს პოვნა ერთიან პროცესად იქცევა.

ჩვენთვის Urban Art მხოლოდ ახალი სახელი არ არის - ეს არის ახალი ეტაპი, ახალი ხედვა და სივრცე, სადაც გვინდა, რომ ადამიანმა საკუთარი გემოვნებისა და ემოციის შესაბამისი ხელოვნება იპოვოს.

ინფორმაციისთვის, Urban Art and Frames ქალაქ თბილისში, აღმაშენებლის N120-ში მდებარეობს. სამუშაო საათების 11:00-20:00 ორშაბათიდან შაბათის ჩათვლით.