როგორ აფასებს „ბანგურიანი მესტიაში“ მიმდინარე ტურისტულ სეზონს და რა მიმართულებით გეგმავს სასტუმრო განვითარებას
წელს სტანდარტულად სტაბილური სეზონი გვაქვს, მიმდინარე თვეში დატვირთულობა 60-70%-ს აღწევს, - ამის შესახებ, Business Insider Georgia - ს სასტუმრო „ბანგურიანი მესტიაში“ დირექტორმა ლაშა ჯაფარიძემ განუცხადა.
„წელს სტანდარტულად სტაბილური სეზონი მიმდინარეობს. ჩვენი სტუმრების ძირითად ნაწილს ჩინეთიდან და კორეიდან ჩამოსული ტურისტები, ასევე ადგილობრივი სტუმრები წარმოადგენენ. ჯავშნების რაოდენობა ეტაპობრივად იზრდება - აგვისტოს თვეში დატვირთვა დაახლოებით 80%-ს აღწევს, ივლისში კი დაახლოებით 60-70%-იანი მაჩვენებელი გვაქვს.

ჩვენი მთავარი უპირატესობა არის ხედი - მესტიაში ერთ-ერთი საუკეთესო ხედით გვაქვს, რაც სტუმრებისთვის განსაკუთრებით მიმზიდველია. გარდა ამისა, გვაქვს დიდი და გამორჩეული ეზო, რაც მესტიის სასტუმროებში არც ისე მარტივად მოსაპოვებელია. სასტუმროს ტერიტორიაზე განთავსებულია ღია ტერასა, დახურული რესტორანი და კაფე-ბარი, საიდანაც სტუმრებს მესტიის პანორამული ხედით ტკბობა შეუძლიათ.
ჩვენი მიზანია, სტუმრებს სრულყოფილი გამოცდილება შევთავაზოთ - ადგილზე გვაქვს ყველაფერი, რაც მათ კომფორტისთვის სჭირდებათ, დაწყებული კვებიდან, დამთავრებული სასმელებითა და დასვენებისთვის საჭირო სივრცეებით. სტუმრებს შეუძლიათ აირჩიონ, სად გაატარებენ დროს - ღია სივრცეში, დახურულ რესტორანში თუ ეზოს ბარში“, - აცხადებს ლაშა ჯაფარიძე.

„ბანგურიანი მესტიაში“ სამომავლოდ გაფართოებას და 20 ნომრის დამატებას გეგმავს.
„რაც შეეხება სამომავლო გეგმებს, გვაქვს გაფართოების პროექტი და ამ ეტაპზე ვაკვირდებით როგორც ბაზრის დინამიკას, ისე მიმდინარე სეზონის შედეგებს. შემოდგომაზე მივიღებთ გადაწყვეტილებას, დავიწყებთ თუ არა მშენებლობას. ვფიქრობთ ნომრების დამატებაზე, რადგან ხშირად ხდება, რომ მოთხოვნა და ჯავშნების თარიღები ერთმანეთს ემთხვევა და არსებული 36 ნომერი ყველა მსურველის მიღების შესაძლებლობას აღარ გვაძლევს. ამ ეტაპზე განვიხილავთ დაახლოებით 20 ახალი ნომრის დამატებას“, - ამბობს სასტუმროს დირექტორი.
ინფორმაციისთვის, სასტუმრო „ბანგურიანი“ მდებარეობს ქალაქ მესტიის ცენტრში, შემაღლებულ გორაზე.
სხვა სიახლეები
Black Friday ახლოვდება - აღმოაჩინე საქართველოს ბანკის შეთავაზებები
21.11.2026.21:37
Black Friday ახლოვდება, რაც იმას ნიშნავს, რომ შოპინგისთვის განსაკუთრებული დრო იწყება. ამასთან დაკავშირებით, საქართველოს ბანკი მომხმარებლებს მრავალფეროვან შეთავაზებებს სთავაზობს, რომლებიც სხვადასხვა ინტერესსა და საჭიროებაზეა მორგებული.
შეამოწმე შეთავაზებების სივრცე საქართველოს ბანკის მობილბანკში, შეარჩიე შენთვის საინტერესო შეთავაზება და ისარგებლე განსაკუთრებული პირობებით.
ფასდაკლებებთან ერთად, შესაძლებლობა გექნება, მიიღო ქეშბექი, დააგროვო მეტი PLUS და MR ქულა და შოპინგისას დამატებითი სარგებელი მიიღო.
მოემზადე Black Friday-სთვის, აღმოაჩინე შენთვის სასურველი შეთავაზებები და გახადე შოპინგი კიდევ უფრო მომგებიანი.