როგორ აფასებს Rolf Deckenkonstruktionen 2026 წლის პირველ კვარტალს და რა გეგმები აქვს კომპანიას სამომავლოდ
2026 წლის პირველი კვარტლის გეგმას თებერვლის თვეშივე გადავაჭარბეთ და მომდევნო კვარტლებშიც ანალოგიურ შედეგებს ველოდებით , - ამის შესახებ, Business Insider Georgia-ს უჯრედული ჭერების მწარმოებელი საწარმოს Rolf Deckenkonstruktionen -ის მმართველმა პარტნიორმა გიორგი ბეკარაშვილმა განუცხადა.
როგორ აფასებთ 2026 წლის პირველი კვარტლის შედეგებს - გაამართლა თუ არა მოლოდინებმა და რა ძირითადი მაჩვენებლები გამოიკვეთა?
2026 წლის პირველი კვარტლის გეგმას თებერვლის თვეშივე გადავაჭარბეთ და მომდევნო კვარტლებშიც ანალოგიურ შედეგებს ველოდებით. მკვეთრად არის გაზრდილი მოთხოვნა, როგორც მცირე ბისზნესში, ასევე მსხვილ დეველოპერულ კომპანიებში, რასაც შესაბამისი მზადყოფნით ვპასუხობთ.
როგორია თქვენი სამომავლო ხედვა და რა ძირითადი მიზნები გაქვთ წლის დარჩენილი პერიოდისთვის?
2026 წლის ნოემბრიდან დაგეგმილი გვაქვს დამატებით ახალი საწარმოს D სექტორის მშენებლობა, რომელიც წინა 3 სექტორთან შედარებით 3-ჯერ დიდი იქნება. ზოგადად, მიმდინარე წელი ჩვენი სტრატეგიული გეგმის თანახმად ძირითადად უფრო საექსპორტო მიმართულების მაქსიმალურ სტიმულირებას დაეთმობა, რომლის თვალსაჩინო შედეგებსაც წლის ბოლოს ველოდებით.
ინფორმაციისთვის, კომპანია ბაზარზე 2020 წლიდან ოპერირებს. წარმოების დაწყებას წინ უძღოდა მრავალწლიანი გამოცდილება გრილიატოსა და ხაზოვანი (რეიკული) შეკიდული ჭერების იმპორტის, რეალიზაციისა და სრული სამონტაჟო-საგარანტიო მომსახურების მიმართულებით საქართველოში, სომხეთსა და აზერბაიჯანში.
სხვა სიახლეები
როგორია Ruso’s-ის საქმიანობის სპეციფიკა და სამომავლო გეგმები
08.06.2026.16:00
Ruso's დესერტების ბრენდია, რომელიც მომხმარებელს ხელნაკეთ, ვიზუალურად გამორჩეულ ტკბილეულს სთავაზობს. ბრენდის კონცეფციისა და სამომავლო გეგმების შესახებ Business Insider Georgia კომპანიის დამფუძნებელს, რუსო დაუშვილს ესაუბრა.
„სამოყვარულო დონეზე ყოველთვის ვიყავი კულინარიით გატაცებული, თუმცა უფრო აქტიურად პროექტ „მასტერშეფში“ მონაწილეობის შემდეგ გავაგრძელე განვითარება და ჩემი ჰობი საქმიანობად ვაქციე. თავდაპირველად ასორტიმენტი პასკებს მოიცავდა, ამ ეტაპზე კი მომხმარებელს 5 სახეობის დესერტს ვთავაზობთ. ასორტიმენტს მუდმივად ვზრდით, ვტესტავთ ახალ პროდუქტებს და სამომავლოდ გაფართოებასაც განვიხილავთ“,- აცხადებს რუსო დაუშვილი.

კომპანიის მთავარი კონკურენტული უპირატესობა ხარისხზე ორიენტირებული მიდგომაა.
„საკონდიტრო მიმართულებით პროფესიული განათლება არ მაქვს მიღებული, რაც ერთის მხრივ შეიძლება მინუსადაც ჩაითვალოს, თუმცა მეორე მხრივ ეს მეტ თავისუფლებას მაძლევს ექსპერიმენტებისთვის და უფრო გაბედული გადაწყვეტილებების მისაღებად. Ruso’s-ის მთავარი უპირატესობა ხარისხია - ჩვენთვის ძალიან მნიშვნელოვანია მაღალი ხარისხის შენარჩუნება, ამიტომ ვამჯობინებთ, პროდუქტი შედარებით მაღალი ფასის იყოს, თუმცა ხარისხი უცვლელად შევინარჩუნოთ.
პროდუქცია სრულად ხელნაკეთია და მცირე რაოდენობით მზადდება,
რაც მას ინდუსტრიული წარმოებისგან განასხვავებს. თითოეულ დეტალს დიდ ყურადღებას ვაქცევ - განსაკუთრებით პასკების შემთხვევაში, რომლებსაც ყოველთვის ფორმებში ვაცხობ. ჩემთვის ეს არ არის უბრალოდ სამსახური - ეს არის ჰობი, რომელიც დიდ სიამოვნებას მანიჭებს. ვფიქრობ, სწორედ ეს სიყვარული და დეტალებზე ზრუნვა განგვასხვავებს ბაზარზე არსებული სხვა კომპანიებისგან“,- აღნიშნავს კომპანიის დამფუძნებელი.

Ruso’s პროდუქციის მიმართ მოთხოვნა სტაბილურად მზარდია.
„ბოლო პერიოდში მოთხოვნა იმდენად გაიზარდა, რომ მარტო ფიზიკურად ვეღარ ვუმკლავდები, ამიტომ დავამატე თანამშრომლები. სამომავლოდ კი ვგეგმავ ფიზიკური ობიექტის გახსნას, სადაც უფრო მეტ მომხმარებელს მოვემსახურებით.
ეს იდეა დიდი ხანია მაქვს და მჯერა, რომ წარმატებული იქნება. მინდა, მომხმარებელს გავახსენო ის სახლური გემოები, რომლებიც ნოსტალგიურ განცდას იწვევს და ამავე დროს მაღალი ხარისხით გამოირჩევა“,- ამბობს რუსო დაუშვილი.

ინფორმაციისთვის, პროდუქციის შეძენა შესაძლებელია Glovo-ს პლატფორმის მეშვეობით.