„ჭრიჭინა“ ჯანსაღი და ნატურალური ტკბილეულის ბრენდია, რომელიც ბაზარზე დაახლოებით ერთი წლის წინ გამოჩნდა. არსებულ მოთხოვნასა და სამომავლო გეგმებზე Business Insider Georgia კომპანიის დამფუძნებელს, თამარ გაგნიძეს ესაუბრა.

„თამამად შემიძლია ვთქვა, რომ სტაბილურად იზრდება მომხმარებელთა რაოდენობა და შესაბამისად, წარმოებულ პროდუქტსაც უფრო მეტი რაოდენობით ვამზადებ. ჩემი პროდუქტი ძირითადად ემიგრანტებზე იყიდება - ვყიდი როგორც შეფუთულ, ისე ჩვეულებრივ მდგომარეობაში.

მოთხოვნა განსაკუთრებით მაღალია ემიგრანტების მხრიდან. ვინც ერთხელ მაინც შეიძინა პროდუქტი, ხშირად მეორედ, მესამედ და უფრო მეტჯერაც ბრუნდება. მთელი წლის განმავლობაში გაყიდვები სტაბილურია როგორც საზღვარგარეთ, ისე საქართველოშიც.
პროდუქტი ნატურალურია და მომხმარებლის დიდ მოწონებას იმსახურებს. მოთხოვნა პრაქტიკულად მთელი წლის განმავლობაში არსებობს.

აქტიურად ვმონაწილეობ გამოფენებში, სადაც პროდუქტის მიმართ მაღალი ინტერესი ფიქსირდება “, აცხადებს თამარ გაგნიძე.

„ჭრიჭინა“ სამომავლოდ ასორტიმენტის ზრდას გეგმავს.

„გარკვეული პერიოდის წინ რამოდენიმე სახეობის მურაბა დავამატე არსებულ ასორტიმენტს, რომელმაც მომხმარებლების დიდი მოწონება დაიმსახურა. განსაკუთრებით მოთხოვნადი იყო კაკლის მურაბა, რომელიც სრულად გაიყიდა და მაღალი ინტერესი გამოიწვია, ასევე დიდი მოთხოვნა ჰქონდა ლეღვის პროდუქტსაც.

მომხმარებელთა მოთხოვნიდან გამომდინარე, სეზონური ხილის შემოსვლასთან ერთად თითქმის ყველა სახეობის პროდუქტის წარმოებას ვგეგმავ “, - ამბობს კომპანიის დამფუძნებელი.

ინფორმაციისთვის, “ჭრიჭინა“ ეს არის ქართულ ბაზარზე პირველი ჩურჩხელის კანფეტი, რომელიც ჩურჩხელის „სამშობლოში“ კახეთში იწარმოება.