როგორ აფასებს teamtwo 2026 წლის პირველ ნახევარს და რა გეგმები აქვს კომპანიას
2026 წლის პირველი ნახევარი teamtwo-სთვის მნიშვნელოვანი ეტაპი აღმოჩნდა. ამ პერიოდში კომპანია სხვადასხვა მასშტაბისა და მიმართულების პროექტებზე მუშაობდა.
როგორ აფასებს teamtwo 2026 წლის პირველ ნახევარს და რა გეგმები აქვს წლის მეორე ნახევრისთვის - ამ საკითხებზე Business Insider Georgia-ს კომპანიის თანადამფუძნებელი და არქიტექტორი შოთა საგანელიძე ესაუბრა.
როგორ შეაფასებდით teamtwo-სთვის 2026 წლის პირველ 6 თვეს - რა იყო ამ პერიოდის მთავარი შედეგები, მიღწევები და მნიშვნელოვანი პროექტები?
2026 წლის პირველი ნახევარი თიმთუსთვის იყო როგორც პროექტების მასშტაბისა და სირთულის, ასევე პროფესიული კომპეტენციების ზრდის პერიოდი. აქტიურად ვმუშაობთ საზოგადოებრივ, ინდუსტრიულ და კომერციულ პროექტებზე, რომლებშიც სულ უფრო ხშირად გვიწევს საერთაშორისო სტანდარტებისა და კომპლექსურ ტექნიკურ მოთხოვნების დამუშავება.
ამავე დროს, ჩვენთვის მნიშვნელოვანია მონაწილეობა იმ პროფესიულ პროცესებში, რომლებიც მთლიანად სექტორის განვითარებას განსაზღვრავს. სწორედ ამ კონტექსტში განვიხილავთ SHARE Architects-ის, TAF-ის (Tbilisi Architecture Forum) საერთაშორისო ფორუმებში მონაწილეობას და UNDP-ის მხარდაჭერით ევროპულ ბაზრებთან მუშაობას.
საერთაშორისო პროფესიულ გარემოში ჩართულობა ჩვენთვის მხოლოდ ახალი პროექტების მოძიებას არ ნიშნავს. ჩვენი მიზანია მიღებული გამოცდილება და საერთაშორისო სტანდარტები ქართულ პრაქტიკაშიც გადმოვიტანოთ და ამით ადგილობრივი საპროექტო და სამშენებლო სექტორის განვითარებას შევუწყოთ ხელი.
როგორ შეიცვალა მოთხოვნა არქიტექტურულ და საინჟინრო სერვისებზე წლის პირველ ნახევარში - რომელი მიმართულებები და პროექტები იყო განსაკუთრებით აქტიური?
ბაზარზე აშკარად იზრდება მოთხოვნა ტექნიკურად კომპლექსურ შენობებზე. განსაკუთრებით გამოვყოფდით ინდუსტრიულ და ლოგისტიკურ სექტორს, მათ შორის A კლასის ლოგისტიკურ ცენტრებს, სადაც პროექტირება მოითხოვს ტექნოლოგიური პროცესების, საინჟინრო სისტემების, ენერგოეფექტურობის, უსაფრთხოებისა და შემდგომი ექსპლუატაციის ერთიან გააზრებას.
მნიშვნელოვანი ცვლილებაა ისიც, რომ დამკვეთები მეტად უყურებენ შენობას არა მხოლოდ საწყისი საინვესტიციო ღირებულების (CAPEX), არამედ მისი სრული სასიცოცხლო ციკლისა და საოპერაციო დანახარჯების (OPEX) პერსპექტივიდან. სწორედ აქ იძენს განსაკუთრებულ მნიშვნელობას ენერგოეფექტური პროექტირება და ისეთი საერთაშორისო სისტემები, როგორიცაა LEED, EDGE, BREAM და მსგავსი დონის სერთიფიცირება.
სწორად დაგეგმილმა შენობამ შესაძლოა გარკვეულ კომპონენტებში მეტი საწყისი ინვესტიცია მოითხოვოს, თუმცა პროექტი მისი სრული სიცოცხლის ციკლით უნდა შეფასდეს - რამდენ ენერგიასა და წყალს მოიხმარს, რა დაჯდება მისი ექსპლუატაცია და რამდენად ხარისხიან გარემოს შექმნის მომხმარებლისთვის.
საქართველოსთვის ეს განსაკუთრებით მნიშვნელოვანია: დღეს დაპროექტებული შენობები ქვეყანას ათწლეულების განმავლობაში უნდა ემსახურონ. შესაბამისად, CAPEX-ის ოპტიმიზაცია OPEX-ის უგულებელყოფის ხარჯზე ხშირად მოკლევადიანი ეკონომიაა და არა რეალური ეფექტიანობა.
რამდენად მნიშვნელოვანი იყო teamtwo-სთვის 2026 წლის პირველ ნახევარში საერთაშორისო ბაზარზე საქმიანობის გაძლიერება და რა ახალი შესაძლებლობები გაჩნდა ამ მიმართულებით?
საერთაშორისო მიმართულება teamtwo-სთვის ორმხრივი პროცესია: ერთი მხრივ, ქართული ინტელექტუალური და საპროექტო მომსახურების ექსპორტი, ხოლო მეორე მხრივ - საერთაშორისო გამოცდილებისა და თანამედროვე სამუშაო მეთოდების ქართულ ბაზარზე შემოტანა.
UNDP-ის მხარდაჭერით გერმანიის ბაზარზე მუშაობამ და ევროპულ პროფესიულ გარემოსთან უფრო მჭიდრო ურთიერთობამ კიდევ ერთხელ დაგვანახა, რომ საქართველოს აქვს კონკურენტუნარიანი Architectural & Engineering მომსახურების შექმნისა და ექსპორტის პოტენციალი. ამისთვის კი აუცილებელია საერთაშორისო სტანდარტებთან თავსებადი
პროცესები, შესაბამისი სერტიფიცირება და მუდმივი ტექნოლოგიური განვითარება.
ამ კონტექსტში ჩვენთვის განსაკუთრებით საინტერესო მიმართულებაა მოდულარული მშენებლობა და DfMA - Design for Manufacturing and Assembly. ეს მიდგომა პროექტირებას, წარმოებასა და მშენებლობას ერთიან პროცესად განიხილავს, ზრდის ხარისხსა და სისწრაფეს, ამცირებს დანაკარგებსა და რესურსების უფრო ეფექტურად გამოვიყენებას უწყობს ხელს.
მსგავსი კომპეტენციების განვითარება მხოლოდ ერთი კომპანიის ზრდას არ ეხება, ეს არის შესაძლებლობა, ქვეყანამ შექმნას უფრო მაღალი ხარისხის საინჟინრო და საპროექტო პროდუქტი და გაზარდოს მისი საექსპორტო პოტენციალი.
რა გეგმები აქვს teamtwo-ს 2026 წლის მეორე ნახევრისთვის - რომელ პროექტებსა და მიმართულებებზე იქნება მთავარი ფოკუსი?
წლის მეორე ნახევარში ჩვენი მთავარი ფოკუსი საპროექტო პროცესების ხარისხის კიდევ უფრო გაუმჯობესება და საერთაშორისო ნორმების შესწავლა იქნება. ამ მიმართულებით კონკრეტული ნაბიჯია BIM პროცესებისა და სერვისების ISO 19650 სტანდარტთან შესაბამისობისა და სერტიფიცირების მიმართულებით მუშაობა. ჩვენთვის სერტიფიცირება ფორმალური დოკუმენტი არ არის, მისი მთავარი ღირებულება პროცესების სტანდარტიზაცია, ინფორმაციის ეფექტიანი მართვა და საერთაშორისო პარტნიორებთან მუშაობისთვის ერთიანი პროფესიული ჩარჩოს შექმნაა.
გავაგრძელებთ მდგრადი და ენერგოეფექტური პროექტირების მიმართულების განვითარებასაც. LEED-ის მიმართ მზარდი ინტერესი აჩვენებს, რომ ბაზარი თანდათან გადადის შენობის მხოლოდ საწყისი ღირებულების შეფასებიდან მისი სრული სასიცოცხლო ციკლის გააზრებაზე.
ასევე მნიშვნელოვანი ფოკუსი იქნება ინდუსტრიული, ლოგისტიკური და მოდულარული შენობები და DfMA მიდგომის უფრო ფართოდ ინტეგრირება საპროექტო პროცესში.
ჩვენი გრძელვადიანი ამოცანაა, teamtwo-ს განვითარებასთან ერთად, ხელი შევუწყოთ საქართველოში საპროექტო კულტურის, ტექნიკური სტანდარტებისა და საბოლოოდ აშენებული გარემოს ხარისხის ზრდას.
დღის ტოპ 10 სიახლე
სხვა სიახლეები
არქი მსოფლიო რეკორდების სიმაღლეზეა - Archi Grand Avenue-ში მხოლოდ 5 საათში 1202 ბინა გაიყიდა!
24.10.2026.21:32
განსაკუთრებით მაღალი მოთხოვნის გათვალისწინებით, დამატებით კიდევ 156 მომხმარებელი მომდევნო ბლოკის მომლოდინეთა სიას შეუერთდა.
ამ ისტორიული შედეგით, არქი ევროპის, ცენტრალური აზიისა და ახლო აღმოსავლეთის რეგიონის სამეულშია ერთ დღეში გაყიდული ბინების რაოდენობით, არქის მხოლოდ ორი საერთაშორისო გიგანტი უსწრებს: საუდის არაბეთის NHC - 3 980 გაყიდული ბინით (2024 წლის, 15 ნოემბერი) და დუბაის DAMAC - 3 164 გაყიდული ბინით (2024 წლის 10 დეკემბერი).
„დღევანდელი შედეგი ჩვენთვის მხოლოდ რეკორდული გაყიდვები არ არის. ეს არის ნდობა, რომელიც ათასობით ადამიანმა გამოგვიცხადა და რისთვისაც თითოეულ მათგანს გულწრფელ მადლობას ვუხდით. ამ შედეგის უკან ჩვენი გუნდის უდიდესი შრომა დგას. „არქი“ საქართველოში №1 დეველოპერული კომპანიაა, თუმცა ჩვენთვის მთავარი მხოლოდ ლიდერობა არ არის. მნიშვნელოვანია, რომ ადამიანებს შევთავაზოთ რეალური ღირებულება და გავამართლოთ მათი მოლოდინები. Archi Grand Avenue-ში სწორედ ასეთ გარემოს ვქმნით - ქალაქის ახალ ცენტრს, რომელსაც განვითარების უდიდესი პოტენციალი აქვს. ვფიქრობ, მომხმარებლებმაც სწორედ ეს დაინახეს: პერსპექტიული ლოკაცია, პროექტის მასშტაბი, საერთაშორისო ბრენდების ჩართულობა და განსაკუთრებული ფინანსური პირობები. ამ ყველაფერმა ერთად მოგვცა შედეგი, რომლითაც დღეს ძალიან ვამაყობთ“, - აცხადებს „არქის“ გენერალური დირექტორი შიო ხეცურიანი.
დღევანდელი შედეგით „არქიმ“ გასულ წელს დაფიქსირებული საკუთარი რეკორდი ორჯერ მეტად გააუმჯობესა და ბაზარზე ახალი სტანდარტი დააწესა.
აღსანიშნავია, რომ გასულ წელთან შედარებით, პროექტში ბინების ფასი 27–28%-ით გაიზარდა. პერსპექტიული ლოკაცია და განვითარების მასშტაბი პროექტს მიმზიდველს ხდის როგორც საცხოვრებლად, ისე საინვესტიციოდ. განსაკუთრებული ინტერესი ადგილობრივმა მყიდველებმა, ქართველმა ემიგრანტებმა და საერთაშორისო ინვესტორებმა გამოიჩინეს.
Archi Grand Avenue 21 ჰექტარზე ვითარდება, საიდანაც 15 ჰექტარზე მეტი გამწვანებულ და რეკრეაციულ სივრცეებს დაეთმობა. პროექტი აერთიანებს საცხოვრებელ შენობებს, Hilton-ის ხუთვარსკვლავიან სასტუმროს, Wyndham-ის ბრენდირებულ რეზიდენციებს, სპორტულ კომპლექსს, გასტრონომიულ და კომერციულ სივრცეებს.
„მადლობა თითოეულ მომხმარებელს განსაკუთრებული ნდობისთვის. ეს ჩვენთვის დიდი პასუხისმგებლობაა და ყველაფერს გავაკეთებთ, რომ მათი მოლოდინები არა მხოლოდ გავამართლოთ, არამედ გადავაჭარბოთ კიდეც. მათთვის, ვინც ამ ეტაპზე სასურველი ბინის შეძენა ვერ შეძლო, დამატებითი შესაძლებლობა შევქმენით. ჩვენი მიზანია, რაც შეიძლება მეტი ადამიანი გახდეს ქალაქის ახალი ცენტრის ნაწილი“, - აცხადებს „არქის“ დამფუძნებელი ილია წულაია.
