„სვანიძის ზეთისხილის ზეთი“ ქართული ბრენდია, რომელიც აერთიანებს ზეთისხილის სრული წარმოების ციკლს. მეტი ინფორმაციისთვის, Business Insider Georgia კომპანიის მარკეტინგის ხელმძღვანელს თეო მამულაშვილს ესაუბრა.

როგორია კომპანიის საქმიანობის სპეციფიკა, როდიდან ოპერირებთ ბაზარზე და რას სთავაზობთ მომხმარებლებს?

„სვანიძის ზეთისხილის ზეთი“ წარმოადგენს ქართულ ბრენდს, რომელიც აერთიანებს ზეთისხილის სრულ წარმოების ციკლს - საკუთარი პლანტაციებიდან საბოლოო პროდუქტის ჩამოსხმამდე. კომპანია ბაზარზე ოპერირებს აქტიურად რამდენიმე წელია და მისი მთავარი მიზანია საქართველოში ხარისხიანი, ადგილობრივი, პრემიუმ კატეგორიის ზეთისხილის ზეთის კულტურის განვითარება.

ჩვენ მომხმარებლებს ვთავაზობთ საქართველოში მოყვანილი ზეთისხილისგან წარმოებულ ცივი დაწურვის Extra Virgin ზეთს, რომელიც გამოირჩევა ბუნებრივი გემოთი, მაღალი ხარისხითა და წარმოების სრული გამჭვირვალობით - ანუ მომხმარებელმა ზუსტად იცის, რა გზას გადის პროდუქტი პლანტაციიდან მის მაგიდამდე.

როგორია მიმდინარე ასორტიმენტი?

დღეს კომპანიის ასორტიმენტი მოიცავს ცივი დაწურვის ექსტრა ვირჯინ ზეთისხილის ზეთს, რომელიც განკუთვნილია როგორც ცივი მოხმარებისთვის, ისე შეწვისთვის - დაახლოებით 170–180°C-მდე (smoke point).

პროდუქცია წარმოდგენილია 250 მლ-დან 1 ლიტრამდე დაფასოებებში და ხელმისაწვდომია წამყვან ქსელურ მარკეტებში, მათ შორის Agrohub, Goodwill, Fresco, Europroduct, Smart და Carrefour. პარალელურად, აქტიურად ვთანამშრომლობთ HoReCa სექტორთან და ვპარტნიორობთ ისეთ საერთაშორისო სასტუმრო და რესტორნების ჯგუფებთან, როგორიცაა Radisson Collection, Paragraph და სხვა წამყვანი ობიექტები.

ასორტიმენტი ეტაპობრივად ფართოვდება. ჩვენი მიზანია არა მხოლოდ ზეთის წარმოება, არამედ ზეთისხილის კულტურაზე დაფუძნებული დამატებითი პროდუქტების განვითარება, რაც მომხმარებელს უფრო მრავალფეროვან და ღირებულ არჩევანს შესთავაზებს.

რას მიიჩნევთ კომპანიის კონკურენტულ უპირატესობად?

ჩვენი მთავარი კონკურენტული უპირატესობა არის ზეთის ნატურალური კატეგორია, დაბალი მჟავიანობა, პენოფოლების დიდი რაოდენობა (რაც განსაზღვრავს ანტიოქსიდანტურ თვისებებს) და სრული კონტროლი წარმოების თითოეულ ეტაპზე - პლანტაციიდან საბოლოო პროდუქტამდე. ზეთისხილი იკრიფება ოპტიმალური სიმწიფის ფაზაში, ხოლო გადამუშავება მიმდინარეობს პლანტაციასთან მაქსიმალურად ახლოს, რაც ამცირებს ტრანსპორტირების დროს და უზრუნველყოფს ნედლეულის მაღალი ხარისხისა და სიჯანსაღის შენარჩუნებას.

ცივი დაწურვის ტექნოლოგია დაბალ ტემპერატურაზე საშუალებას გვაძლევს შევინარჩუნოთ ზეთის ბუნებრივი არომატი, კვებითი ღირებულება და ხარისხობრივი სტაბილურობა. ჩვენთვის განსაკუთრებით მნიშვნელოვანია საერთაშორისო სტანდარტების შესაბამისი ქართული პრემიუმ პროდუქტის შექმნა - მომხმარებელი იღებს ადგილობრივ წარმოებას, რომელიც ხარისხით სრულად პასუხობს გლობალურ მოთხოვნებს.

ამასთანავე, სვანიძის ზეთი ბაზარზე გამოირჩევა ერთ-ერთი ყველაზე დაბალი მჟავიანობის ინდექსით, რაც პირდაპირ მიუთითებს მის პრემიუმ კატეგორიაზე და წარმოების მაღალი სტანდარტის დაცვაზე.

აღსანიშნავია, რომ 2025 წლის შემოდგომაზე გავხსენით ახალი, ულტრათანამედროვე ტექნოლოგიებით აღჭურვილი საწარმო, რომელმაც წარმოების პროცესები კიდევ უფრო გააუმჯობესა და ხარისხის კონტროლი ახალ დონეზე აიყვანა.

როგორია კომპანიის სამომავლო გეგმები?

კომპანიის სტრატეგიული ხედვა ორი ძირითადი მიმართულებით ვითარდება - ბრენდის გაძლიერება ადგილობრივ ბაზარზე და საერთაშორისო პოზიციონირების ეტაპობრივი გაფართოება.

ამჟამად, აქტიურად ვმუშაობთ საქართველოს ბაზარზე დამატებით გაშლაზე, ექსპორტის მიმართულების განვითარებაზე, ახალი პროდუქციის ხაზების შექმნაზე და საქართველოში ზეთისხილის კულტურის პოპულარიზაციაზე.

ჩვენი მიზანია, „სვანიძის ზეთისხილის ზეთი“ ჩამოყალიბდეს რეგიონული მნიშვნელობის ბრენდად, რომელიც წარმოადგენს ქართული აგროსექტორის თანამედროვე, ხარისხზე ორიენტირებული და ინოვაციური განვითარების მაგალითს.

დამატებითი ინფორმაციისთვის, დაინტერესებულ პირებს შეუძლიათ კომპანიის ვებგვერდს ეწვიონ.