Dyson დღეს ერთ-ერთი ყველაზე ცნობილი საყოფაცხოვრებო ბრენდია, თუმცა მათი სარეკლამო კამპანია თითქმის არ იყენებს ამ კატეგორიის ბრენდებისთვის ტრადიციულ მარკეტინგულ ხრიკებს - მისი კამპანიების უდიდესი ნაწილი განათლებასა და მოხმარების ეფექტის რეალურ დემონსტრაციაზეა აგებული.

ეს მიდგომა შემთხვევითი არ არის - დაისონის მარკეტინგი იმდენადვე განსხვავდება კონკურენტებისგან, რამდენადაც თავად ბრენდის მიდგომა ტექნიკისადმი. დაისონი, პირველ რიგში, უმაღლესი დონის საინჟინრო ლაბორატორიაა, რომლის თანამშრომლების მთავარი ამოცანაც ყოველდღიური პრობლემების გადაჭრისადმი სრულიად ახალი პერსპექტივით მიდგომაა.

როცა სტანდარტულ ტექნიკას პრობლემა აქვს - მაგალითად, საშუალო სტატისტიკური მტვერსასრუტი ჰაერში მიკროსკოპულ მტვერს ატრიალებს, ხოლო სტანდარტული ფენი თმის სტრუქტურას აზიანებს - დაისონის ინჟინერის ამოცანაა ისეთი ალტერნატივის შექმნა, რომელიც ამ პრობლემას წყვეტს. Dyson-ის ტექნოლოგია, რომელიც დღეს ბრენდის სავიზიტო ბარათია, შეიქმნა თმის სტრუქტურისა და მტვრის ნაწილაკების ქცევის სიღრმისეულ კვლევებზე დაყრდნობით, რომლებსაც წლები დასჭირდათ.

მომხმარებელი Dyson ტექნიკას ენდობა, რადგან კომპანია დაგეგმილი მოძველების ერაში ქმნის მოწყობილობებს, რომელიც გრძელვადიან, საიმედო გამოყენებაზეა გათვლილი და რომლის ჩანაცვლებაც მხოლოდ მაშინ ხდება საჭირო, როდესაც ბრენდი ახალ ტექნოლოგიურ ინოვაციას ნერგავს.

პროფესიონალი სტილისტის მსგავსი ვარცხნილობა თმის დაზიანების გარეშე

მიუხედავად იმისა, რომ ბრენდმა პირველად სახელი მტვერსასრუტების რევოლუციით გაითქვა, დაისონის გავლენა ყველაზე დიდი და შესამჩნევი ალბათ მაინც თმის მოვლის ინდუსტრიაზეა, სადაც დაისონის ფენმა სრულიად ახალი აეროდინამიკური პრინციპები დანერგა.

ტრადიციული სტაილერები თმას ფორმას ექსტრემალური სიცხის ხარჯზე აძლევენ, რაც, როგორც ყველამ იცის, თმისთვის საზიანოა. მიუხედავად ამისა, დიდი ხნის განმავლობაში ბაზარზე უბრალოდ არ არსებობდა უსაფრთხო ალტერნატივა. 

სტანდარტები სრულად შეიცვალა მას შემდეგ, რაც ბაზარზე Dyson Airwrap გამოჩნდა, რომელიც კოანდას ეფექტს იყენებს. მოწყობილობა მძლავრ ჰაერის მორევს ქმნის. ნაკადი თმის ღერს თავისით იზიდავს და საცმზე ახვევს. ამ გზით თმის გაშრობა და მისთვის ფორმის მიცემა ერთდროულად ხდება, რაც დროსაც ზოგავს.

ისევე როგორც ცნობილი სტაილერი, სტანდარტული დაისონის ფენი (Supersonic) ციფრული ძრავითაა აღჭურვილი, რომელიც წუთში 100 000 ბრუნის სიჩქარეს ავითარებს. თერმული სენსორები ტემპერატურას წამში 40-ჯერ ზომავენ, სისტემა კი მუდმივად აკონტროლებს, რომ სითბომ 150 გრადუსს არ გადააჭარბოს. დაისონის მიდგომა თმას მომენტალურად აშრობს და ბუნებრივ ბზინვარებას სრულად უნარჩუნებს. კომპლექტაციაში სხვადასხვა მიმართულების საცმები შედის, სპეციალური ფორმის ჯაგრისები კი თმის ძირებს მოცულობას მატებს. სასურველი ვარცხნილობის შექმნისთვის სალონში ვიზიტი უკვე აღარც არის საჭირო, რადგან დამწყებიც კი მარტივად მისცემს თმას სასურველ ფორმას, მთავარია შესაბამისი თავაკი შეარჩიოს.

მუდმივი ინოვაცია სახლის წმენდაში

ის, რომ დაისონის ფენი და სტაილერი დღეს ბრენდის “გმირი პროდუქტია”, არ ნიშნავს, რომ კომპანიამ დაივიწყა ფესვები. მტვერსასრუტები კვლავაც ერთ-ერთი მთავარი მიმდინარეობაა, და ინჟინრებიც არ წყვეტენ ინოვაციური მიდგომების ტესტვასა და დანერგვას. მაგალითად, ახალი თაობის უკაბელო დაისონის მტვერსასრუტი (მაგალითად, V12 ან V15 მოდელები) მწვანე ლაზერულ შუქს იყენებს შეუიარაღებელი თვალით უხილავი მტვრის გამოსაჩენად. ამ აგრეგატით წმენდისას ზუსტად შეგიძლია დარწმუნდე, რომ ჭუჭყი არსად რჩება.

პროცესს აკუსტიკური პიეზო სენსორი აკონტროლებს. ის მიკროსკოპულ ნაწილაკებს ზომის მიხედვით ითვლის, სისტემა კი დაბინძურების დონეს ამოიცნობს და შეწოვის სიმძლავრეს ავტომატურად ზრდის. ეკრანზე მტვრის რაოდენობრივი მაჩვენებლებიც გამოისახება. ინოვაციური ციკლონური ძრავა უმცირეს ნაწილაკებს ჰაერიდან აცალკევებს, რაც ამარტივებს რბილი ზედაპირების წმენდას, საიდანაც მტვერი ხშირად იფანტება - მაგალითად, ხალიჩების და ავეჯის.

თმისა და ბეწვის ასაკრებად შეიქმნა სპეციალური კონუსური საცმები, რათა ჯაგრისზე არაფერი ჩაიხვიოს. მსუბუქი და ერგონომიული კორპუსი კი ავეჯის ქვეშ წმენდის პროცესს აადვილებს, შესაბამისად, წმენდის პროცესი აღარ მოითხოვს ზედმეტ ფიზიკურ ძალისხმევას.

ჰაერი, რომელსაც ვსუნთქავთ

თანამედროვე საცხოვრებელ სივრცეებში ჰაერი ხშირად თითქმის ისევე დაბინძურებულია, როგორც გარეთ. საკმარისია ფანჯარა გააღო და ოთახებში მაშინვე იჭრება გამონაბოლქვი, საწმენდი საშუალებების ქიმიური ნაერთები და ალერგენები. დაისონის კლიმატური ტექნიკა აღჭურვილია HEPA ფილტრაციის სისტემით, რომელიც ოთახის გაგრილებისა თუ გათბობის პარალელურად მავნე ნაწილაკებსაც იჭერს. სხვადასხვა კვლევის თანახმად, დაისონის ფილტრაციის სისტემა იმდენად ეფექტურია, რომ დაახლოებით მტვრის 99.95%-ის იზოლირებას ახდენს. 

დაისონი Air Multiplier ტექნოლოგიას იყენებს. სისტემა გასუფთავებულ ჰაერს მთელ ოთახში თანაბრად და უხმაუროდ ანაწილებს, ინტეგრირებული სენსორები კი ჰაერის ხარისხს რეალურ დროში აანალიზებენ. ცალკეულ ახალ მოდელებს ფორმალდეჰიდის ამოცნობა-დაშლის ფუნქციაც აქვს. ზოგიერთ აპარატს კი ჰაერის დატენიანება შეუძლია. მუშაობის რეჟიმების დარეგულირება დისტაციურადაც შესაძლებელია, სმარტფონის აპლიკაციის დახმარებით.

რატომ უნდა შეიძინო დაისონის ტექნიკა ალტაში?

Dyson-ის პრემიუმ კლასის ტექნიკა რთულ საინჟინრო მექანიზმებს ეფუძნება და შესაბამის მოვლასაც მოითხოვს. არაოფიციალურ გადამყიდველთან ტექნიკის შეძენა დიდ რისკებთანაა დაკავშირებული. ბაზარზე ხშირად გვხვდება ყალბი პროდუქცია, რომელიც არაა დაისონის რეალური ტექნოლოგიური ინოვაციებით აღჭურვილი. და იმ შემთხვევაშიც კი, როცა ტექნიკა ავთენტურია, არაოფიციალურ წყაროსთან შეძენისას მყიდველი ვერ იღებს საგარანტიო მომსახურებას.

ალტაში შოპინგისას მსგავსი პრობლემა არასდროს გექნება. ალტას ქსელში წარმოდგენილი ყველა ბრენდის ოფიციალური პარტნიორია. შესაბამისად, ყველანაირი რისკის გარეშე შეგიძლია დღესვე შეიძინო ორიგინალი დაისონი ალტაში, თანაც ოფიციალური ქარხნული გარანტიით.

ტექნოლოგიური განვითარება ცხოვრების ხარისხის გაუმჯობესებას უნდა ემსახურებოდეს. დაისონმა ერთ-ერთმა პირველმა გააცნობიერა ეს მარტივი ცხოვრებისეული სიმართლე და ბაზრის ლიდერის პოზიციაც სწორედ ამიტომ მოიპოვა. როდესაც სხვა ბრენდები ახლა იბრძვიან მას დაეწიონ, დაისონი ახალი ინოვაციების და სტანდარტების მუდმივ გაუმჯობესებაზეა გადასული.

უკეთესი ტექნიკა ყოველდღიურობას ამარტივებს. დაისონი სწორედ ის ბრენდია, რომელში ინვესტიციაც მომხმარებლებს ასმაგად უბრუნდებათ.

#განახლებისდროა