Carousel & More არის ბავშვის ტანსაცმლისა და სასაჩუქრე ბოქსების პრემიუმ სივრცე, რომელიც ბავშვებისთვის ემოციურ და უნიკალურ საჩუქრის გამოცდილებას ქმნის. მეტი ინფორმაციისთვის, Business Insider Georgia კომპანიის დამფუძნებელს ანუკი აბრამიშვილს ესაუბრა.

როგორია კომპანიის საქმიანობის სპეციფიკა და როდიდან ოპერირებს Carousel & More ბაზარზე?

Carousel & More შეიქმნა დიდი სიყვარულით ბავშვების მიმართ და იმ სურვილით, რომ თითოეულ პატარას განსაკუთრებული ემოცია მივანიჭოთ. ბრენდის იდეა სწორედ ჩემი ორი შვილის შთაგონებით დაიბადა. ბავშვების სიხარული, მათი მოლოდინი და ის ჯადოსნური განცდა, რომელსაც საჩუქრის გახსნისას განიცდიან, გახდა მთავარი მოტივაცია ამ პროექტის დასაწყებად.

სიმბოლურია ისიც, რომ ჩვენს ლოგოზე გამოსახული პატარა ბიჭი და გოგონა ჩემს შვილებს განასახიერებენ. ისინი არიან არა მხოლოდ ჩემი შთაგონების წყარო, არამედ იმ ღირებულებების გამოხატულებაც, რაზეც Carousel & More დგას.

ბავშვობიდან კრეატიული ადამიანი ვიყავი და ყოველთვის განსაკუთრებულ სიამოვნებას მანიჭებდა ორიგინალური საჩუქრების მოფიქრება. სწორედ ამ სიყვარულმა და გამოცდილებამ მომცა ბიძგი რამდენიმე თვის წინ შემექმნა სრულიად განსხვავებული კონცეფციის სასაჩუქრე ბოქსები, რომლებიც აერთიანებს მაღალი ხარისხის პროდუქტებს, გამორჩეულ დიზაინს და ძლიერ ემოციას.

პროდუქტის შექმნამდე თვეების განმავლობაში ვმუშაობდი კონცეფციაზე, დიზაინზე, დეტალებზე და თითოეული ელემენტის შერჩევაზე. ჩემთვის ვიზუალს უდიდესი მნიშვნელობა აქვს, რადგან პირველი შთაბეჭდილება ხშირად სწორედ შეფუთვით და ესთეტიკით იქმნება. დღეს Carousel & More პრემიუმ სასაჩუქრე ბოქსების ბრენდია, რომელიც ბავშვებისთვის დაუვიწყარი გამოცდილების შექმნას ემსახურება.

რა სახის პროდუქციას სთავაზობთ მომხმარებლებს და როგორ არჩევთ იმ ნივთებს, რომლებიც თქვენს ასორტიმენტში ხვდება?

Carousel & More მომხმარებლებს სთავაზობს პრემიუმ კლასის, ლიმიტირებული რაოდენობით შექმნილ სასაჩუქრე ბოქსებს ბავშვებისთვის. თითოეული ბოქსი აერთიანებს ყურადღებით შერჩეულ სათამაშოებს, აქსესუარებსა და სხვადასხვა საინტერესო ნივთს, რომლებიც არა მხოლოდ ვიზუალურად არის მიმზიდველი, არამედ ბავშვის ინტერესებსა და ასაკობრივ საჭიროებებსაც პასუხობს.

პროდუქციის შერჩევის პროცესი ძალიან პირადული და ემოციურია. ხშირად ვცდილობ თავი იმ პატარა გოგონას ადგილას წარმოვიდგინო, რომელსაც უყვარს სიურპრიზები, ფერები და ჯადოსნური ისტორიები. ვფიქრობ, რა გაახარებდა მას ყველაზე მეტად, რა გააოცებდა და რას შეინახავდა დიდი ხნის განმავლობაში განსაკუთრებულ მოგონებად.
ჩვენი პროდუქცია ძირითადად ამერიკული და ევროპული ბრენდებიდან ირჩევა. განსაკუთრებულ ყურადღებას ვაქცევთ ხარისხს, უსაფრთხოებას, ესთეტიკას და უნიკალურობას. თითოეული ნივთი ბოქსში მოხვედრამდე გადის ძალიან დეტალურ შერჩევის პროცესს, რადგან ჩვენი მიზანი უბრალოდ საჩუქრის შექმნა კი არა, ემოციის შეფუთვაა.

საბავშვო პროდუქციის ბაზარზე კონკურენცია საკმაოდ მაღალია - რა განასხვავებს Carousel & More-ს სხვა მსგავსი ბრენდებისგან?

Carousel & More-ს მთავარი განსხვავება სწორედ მისი უნიკალური კონცეფციაა. დღეს ბაზარზე რთულია იპოვო ბრენდი, რომელიც ქმნის ანალოგიური შინაარსისა და დიზაინის მქონე სასაჩუქრე ბოქსებს.

ჩვენი თითოეული ბოქსი ინდივიდუალური ხასიათისაა. პრაქტიკულად არ არსებობს ორი სრულიად იდენტური ბოქსი, რადგან მუდმივად ვაახლებთ შიგთავსს და ვქმნით ახალ კომბინაციებს. მომხმარებელი იღებს არა მხოლოდ პროდუქტს, არამედ განსაკუთრებულ გამოცდილებას, რომელიც იწყება ბოქსის დანახვისთანავე და გრძელდება მისი გახსნის პროცესში.

ასევე, Carousel & More პრემიუმ სეგმენტზეა ორიენტირებული. ჩვენთვის მნიშვნელოვანია არა რაოდენობა, არამედ ხარისხი, დეტალებზე ზრუნვა და ის ემოცია, რომელსაც თითოეული ბოქსი ქმნის. სწორედ ამიტომ ჩვენი პროდუქცია ლიმიტირებული ხასიათისაა და თითოეულ შეკვეთას განსაკუთრებული ყურადღებით ვუდგებით.

როგორია თქვენი სამომავლო გეგმები და რა სიახლეებს უნდა ელოდონ მომხმარებლები უახლოეს პერიოდში?

ჩვენი მთავარი მიზანია Carousel & More კიდევ უფრო მრავალფეროვანი და საინტერესო გავხადოთ. უახლოეს პერიოდში ვგეგმავთ ახალი ხაზების დამატებას, მათ შორის სპეციალურად ბიჭებისთვის შექმნილ ბოქსებს და ასევე ჩვილებისთვის განკუთვნილ განსაკუთრებულ კოლექციებს.

ვმუშაობთ ახალ კონცეფციებზე, თემატურ და სეზონურ გამოშვებებზე, რათა თითოეული ბოქსი კიდევ უფრო გამორჩეული და დასამახსოვრებელი გახდეს.

გვინდა, რომ Carousel & More საქართველოში პრემიუმ საბავშვო სასაჩუქრე ბოქსების კატეგორიის ერთ-ერთი ყველაზე გამორჩეული ბრენდი გახდეს.

ყველაზე მნიშვნელოვანი კი ის არის, რომ მომავალშიც შევინარჩუნებთ იმ მთავარ ღირებულებას, რითაც ყველაფერი დაიწყო - ბავშვებისთვის ბედნიერების, გაოცებისა და ჯადოსნური ემოციების შექმნას. როდესაც ვხედავთ ბავშვის ღიმილს ბოქსის გახსნისას, გვახსენდება, რატომ დავიწყეთ ეს საქმე და რატომ ვაკეთებთ მას ასეთი სიყვარულით.