ახალი სასწავლო წლის დაწყებასთან ერთად, Petite Ellie Kids-მა მომხმარებლებს სკოლის ახალი კოლექცია შესთავაზა, რომელიც ტანსაცმელთან, ჩანთებთან და აქსესუარებთან ერთად, ხარისხსა და კომფორტზე აკეთებს აქცენტს.

Petite Ellie Kids-ის სიახლეებზე, მომხმარებლის შეცვლილ მოთხოვნებსა და სამომავლო გეგმებზე Business Insider Georgia-ს კომპანიის დამფუძნებელი და აღმასრულებელი დირექტორი, სალომე კერესელიძე, ესაუბრა.

რა სიახლეებს სთავაზობს Petite Ellie Kids მომხმარებლებს ახალ სეზონზე?

ახალ სეზონზე განსაკუთრებული ყურადღება სკოლის კოლექციას დავუთმეთ. გვინდოდა სასკოლო სეზონისთვის საჭირო ნივთები ერთ სივრცეში შეგვეთავაზებინა - ხარისხიანი და კომფორტული ტანსაცმლიდან დაწყებული, ჩანთებითა და აქსესუარებით დამთავრებული. ჩვენი სკოლის კოლექცია აერთიანებს პრაქტიკულობასა, დახვეწილ და საინტერესო დიზაინს, რაც ბავშვის ყოველდღიურ სასკოლო სტილს უფრო განსაკუთრებულს ხდის.

როგორ შეიცვალა მომხმარებლის მოთხოვნები და პრიორიტეტები?

ბოლო პერიოდში მომხმარებელი გაცილებით მეტად აქცევს ყურადღებას პროდუქტის ხარისხს, მასალას, კომფორტსა და დიზაინს. მშობლებისთვის მნიშვნელოვანია, რომ პროდუქტი იყოს არა მხოლოდ ვიზუალურად ლამაზი, არამედ პრაქტიკული და გამძლეც. ამასთან, გაიზარდა მოთხოვნა გამორჩეულ და განსხვავებულ ბრენდებზე, რომლებიც ქართულ ბაზარზე ფართოდ არ არის წარმოდგენილი. ჩვენთვის მნიშვნელოვანია, მუდმივად ვაკვირდებოდეთ ამ ცვლილებებს და ასორტიმენტი სწორედ მომხმარებლის რეალურ ინტერესებს მოვარგოთ.

რა გეგმები აქვს Petite Ellie Kids-ს წლის დარჩენილი პერიოდისთვის?

ჩვენი მთავარი მიზანია, Petite Ellie Kids კიდევ უფრო გავაძლიეროთ, როგორც პრემიუმ საბავშვო მულტიბრენდული სივრცე საქართველოში. წლის განმავლობაში ვგეგმავთ ახალი კოლექციებისა და ბრენდების დამატებას, ასევე სხვადასხვა საინტერესო სიახლის შეთავაზებას ჩვენი მომხმარებლებისთვის. გვინდა, რომ Petite Ellie-ში სტუმრობა მხოლოდ შოპინგთან არ ასოცირდებოდეს და მომხმარებლისთვის სასიამოვნო გამოცდილებად დარჩეს - სწორედ ამიტომ მომავალშიც ვგეგმავთ სხვადასხვა ღონისძიებისა და აქტივობის განხორციელებას.