2026 წლის 20 ივნისს Golden Brand-ის მიერ გამართულ ყოველწილიურ ბიზნეს დაჯილდოვების ცერემონიალზე ROLF Deckenkonstrktionen Georgia მომხმარებელთა გამოკითხვის შედეგად უკვე მეორედ დასახელდა ნომერ პირველ ოქროს ბრენდად მეტალის შეკიდული ჭერების სექტორში - ამის შესახებ, Business Insider Georgia-ს კომპანიის მმართველმა პარტნიორმა გიორგი ბეკარაშვილმა განუცხადა.

„2026 წლის 20 ივნისს Golden Brand-ის მიერ გამართულ ყოველწილიურ ბიზნეს დაჯილდოვების ცერემონიალზე ROLF Deckenkonstrktionen Georgia მომხმარებელთა გამოკითხვის შედეგად უკვე მეორედ დასახელდა ნომერ პირველ ოქროს ბრენდად მეტალის შეკიდული ჭერების სექტორში. ჩვენ უკვე 2 წელია დამაჯერებლად ვინარჩუნებთ ამ ტიტულს, რაც ჩვენი გუნდის დიდი შრომის შედეგია.

მეექვსე წელია რაც ქართულ ბაზარზე ვართ და ჩვენს მიერ საქართველოში წარმოებულ პროდუქციაზე მოთხოვნა ყოველწლიურად მზარდია, როგორც საქართველოში ასევე მთელს რეგიონში. ამ წარმატების მიზეზი პირველ რიგში არის მაღალი ხარისხი და მომხმარებელზე ორიენტირებულობა. მიუხედავად იმისა, რომ კომპანია ყოველწლიურად თითქმის გეომეტრიული პროგრესიით იზრდება, წარმოების ოდენობა უკვე ძალიან მასშტაბურია და შესრულებული პროექტები წლის განმავლობაში 100 000კვ.მ.-ს აჭარბებს, ჩვენ მაინც არ ვცვლით სტრატეგიას და ყველა პროექტს ინდივიდუალურად განვიხილავთ. ჩვენი სერვისი მოიცავს სრულ კომპლექტს პროექტირებიდან და წარმოებიდან დაწყებული, მონტაჟითა და მონტაჟის შემდგომი სერვისით დამთავრებული. ასევე მომხმარებელს დამატებით კომფორტს ვუქმნით პროექტის ჭერის შესაბამისი სანათების დაკომპლექტებით და რეგიონში ყველაზე ხანგრძლივი და ყოვლისმომცველი საგარანტიო სერვისით.

ჩვენი კომპანიის იდენტობა ხარისხთან ასოცირდება. ჯერ კიდევ 6 წლის წინ როცა ჩვენს საწარმოს საფუძველი ჩაეყარა გრიულიატოს მეტალის ჭერები ქართული ბაზრისთვის ინოვაციურ პროდუქტს წარმოადგენდა, კონკურტენციაც დაბალი იყო და მომხმარებელს არ ჰქონდა საშუალება ჩვენი პროდუქციის ხარისხი სხვა მწარმოებლთა პროდუქციასთან შეედარებინა. დროთა განმავლობაში ჩვენს მიერ ამ მიმართულებით ბაზრის ინფორმირების შედეგად მოთხოვნაც გაიზარდა და საბაზრო ეკონომიკების პრინციპიდან გამომდინარე გაჩნდა უამრავი მიმწოდებელი. დღეს უკვე მომხმარებელს ფართო არჩევანი აქვს და მარტივად შეუძლიათ ჩვენი ხარისხის შედარება. წლების განმავლობაში ჩვენს მიერ შესრულებული 6000-ზე მეტი პროექტი ისევ პირვანდელ სახეს ინარჩუნებს და შესაბამისად მომხმარებლებსაც უფრო მეტი სანდოობა უჩნდებათ ჩვენი კომპანიის მიმართ.

2026 წელს ROLF-ის ბრენდი საქართველოში უკვე ფართოდ გამოიკვეთა როგორც პრესტიჟის სიმბოლო. ხშირად გვხვდება ჩვენი ბრენდის სახელი სხვადასხვა მსხვილი დეველოპერების სარეკლამო კამპანიებში, რომლებიც საკუთარ მომხმარებლებთან თავს ROLF-ის ჭერებით იწონებენ. ეს რა თქმა უნდა ბევრს ნიშნავს ჩვენთვის, ზოგადად კი ძალიან სასიამოვნოა, რომ ჩვენი არამხოლოდ პროდუქციის ხარისხით არამედ უბრალოდ სახელის გამოყენებით დამკვეთებს საშუალება ეძლევათ დამატებითი ბენეფიტები მიიღონ.

2026 წელს ასევე მკვეთრად გაიზარდა ჩვენი ბრენდის პროდუქციით დაინტერესება საერთაშორისო მასშტაბით და თითქმის ყოველკვირეულად ვიღებთ სადილერო შემოთავაზებებს ისეთი შორეული ქვეყნებიდან, როგორებიცაა მაგალითად ბრაზილია, სამხრეთ აფრიკა და სხვა.

ჩვენი წარმატების მოტივატორი ჩვენი კმაყოფილი მომხმარებელია და რაც მთავარია ეს მოტივაცია და სამომავლო გეგმები ყოველდღიურად ფართოვდება“, - აცხადებს გიორგი ბეკარაშვილი.