როცა ტრადიცია თავიდან იბადება - შალოშვილის მარანი
ის, რაც დღეს ჩვენთვის საამაყო მემკვიდრეობაა, ოდესღაც ჩვენმა წინაპრებმა შექმნეს. ყველა კულტურაში, რომელიც თავისი ისტორიით ამაყობს, არსებობდნენ ადამიანები, ვინც თავის დროზე ინოვატორები იყვნენ. ინოვაციის ტრადიციად ქცევამდე კი არც ისე დიდი გზაა, როგორც ერთი შეხედვით ჩანს.
არაფერი არსებობს დასაწყისის გარეშე, მათ შორის არც ტრადიცია - სწერედ ამის სჯერა ალექს შალოშვილს, მეღვინეს რომელმაც ვაზი მაშინ გააშენა, როცა კახეთის ლანდშაფტებიდან ვენახები ქრებოდა.
ამ გადაწყვეტილებას ორი მიზეზი ჰქონდა:
1. შეენარჩუნებინა ოჯახური ტრადიცია;
2. შეექმნა რაღაც ახალი, რაც მისი ოჯახის ახალგაზრდა წევრებისთვის მემკვიდრეობად გადაიქცეოდა.
90-იან წლებში, როცა საქართველოში წარმოება ფაქტობრივად სრულად შეწყდა, კახეთის რეგიონში მასიურად იჩეხებოდა ვაზი და ნელ-ნელა მცირდებოდ ჩვენი ჯიშების მრავალფეროვანი არჩევანი. სწორედ ამ პერიოდში, 1998 წელს ალექს შალოშვილმა გადაწყვიტა ვაზი გაეშენებინა - უხუცესი მენამყენეს დახმარებით მიაკვლია ჯიშებს და მისი პირველი 3 ჰექტარი ვენახიც გაჩნდა ყვარლის რაიონის სოფელ შილდაში.
თავდაპირველად, მეგობრებისთვის და კეთილისმსურველებისთვის ეს გადაწყვეტილება გიჟურადაც კი ჟღერდა, რადგან ღვინის ბიზნესის კეთება იმდროინდელ პირობებში თითქმის წარმოუდგენლად ჩანდა. თუმცა, შეუჩერებელი მცდელობის და უწყვეტი ზრუნვის ფონზე დღეს შალოშვილის მარანს ღვინო ბევრ ევროპულ ქვეყანაში გააქვს ექსპორტზე და ადგილზეც მასპინძლობს საერთაშორისო თუ ადგილობრივ სტუმრებს.
ვენახები 4 ჯიშის ყურძენს მოიცავს: რქაწითელი, საფერავი, მწვანე, ქისი, საფერავი. მარანი კი თორმეტი სახეობის ღვინოს აწარმოებს, რომელთაგან უმეტესი ნაწილი ექსპორტზე გადის, თუმცა, რა თქმა უნდა, საქართველოშიც ხელმისაწვდომია.
წარმოების ზრდის ფონზე, დროთა განმავლობაში, მარანი უფრო და უფრო მეტ ელექტროენერგიას მოიხმარდა, ამიტომ ბატონმა ალექსმა მიიღო გადაწვეტილება, მარანი ალტერნატიული ენეგიის წყაროთი აღეჭურვა, რომელიც არა მხოლოდ ეკონომიური, არამედ ეკომეგობრულიც იქნებოდა - დღეს შალოშვილის მარანი მზის პანელებით გამომუშავებულ ელექტროენერგიას მოიხმარს:
“პროკრედიტ ბანკის ფინანსური მხარდაჭერის შედეგად, ჩვენ უკვე ვსარგებლობთ მზის ენერგიით, რაც ვფიქრობ ძალიან კარგი ინვესტიციაა. ეს არა მხოლოდ მიმდინარე ეტაპზეა შეღავათიანი ალტერნატივა, არამედ სამომავლო საქმეა ჩემი ოჯახის ახალგაზრდა წევრებისთვის, რომლებიც მთლიანად არიან ჩართულები შალოშვილის მარანის განვითარებაზე. მე მინდა მათთვის შესაბამისი პირობები შევქმნა ახალი ძალებისა და უნარების გამომღჟავნებისთვის.” - ამბობს ალექს შალოშვილი
შალოშვილის მარანი მხოლოდ მეღვინეობით არ შემოიფარგლება - იქედან გამომდინარე, რომ ღვინის წარმოების პროცესზე დაკვირვება არაერთი ვიზიტორისთვის უფრო და უფრო საინტერესო ხდებოდა, გაჩნდა საჭიროება რომ მარანს სტუმრებიც მიეღო. თავდაპირველად 2 საძინებლით დაწყებული სასტუმრო, ახლა 22 ნომრიან და სრულად აღჭურვილ სივრცედ იქცა.
გაზაფხულთან ერთად შილდის ვენახებიც ისევ ახმაურდება და გაგრძელდება საქმე, რომელიც ერთ დროს თითქმის შეუძლებელი ჩანდა. სწორედ ამ უწყვეტ შრომაში გრძელდება შალოშვილის ოჯახის ისტორია - ტრადიციასა და ინოვაციას შორის ნაპოვნი ბალანსი, რომელსაც რამდენიმე თაობა ერთიანი ძალებით ქმნის.
დღის ტოპ 10 სიახლე
სხვა სიახლეები
თაობა ახალი იდეებით - გაიცანით სალომე მიქელაძე, 23 წლის ასაკში შექმნილი სამი გამორჩეული სივრცით
12.06.2026.17:49
Breakfast is, კანცელარია და ლონდა ბევრისთვის უკვე კარგად ნაცნობი სახელებია - ამ სივრცეების უკან 23 წლის სალომე მიქელაძე დგას, რომელმაც შეუპოვრობით და მონდომებით დასახულ მიზნებს მიაღწია.
სალომეს გზა სხვადასხვა პოზიციაზე მუშაობით დაიწყო. ამ დროს აღმოაჩინა, რომ ყველაზე მეტად ადამიანებთან კომუნიკაცია მოსწონდა. საკუთარი ადგილის შექმნის სურვილმა პირველ პროექტამდე მიიყვანა და ასე გაჩნდა Breakfast is, იდეით, რომ ადამიანებს დღე ენერგიულად და დადებითი ემოციებით დაეწყოთ, რადგან საუზმე ხომ ზუსტად ის დროა, რომელიც მთელი დღის განწყობას ქმნის.
დილის ენერგიას მოგვიანებით საღამოს იდილიის შექმნის სურვილი მოჰყვა. კანცელარია შეიქმნა მათთვის, ვისაც სანთლის შუქზე საუბარი, საყვარელ ადამიანებთან შეხვედრა, გემრიელი საკვები და ნატურალური ღვინო უყვარს.
“კანცელარია არის სივრცე, სადაც ადამიანები ერთმანეთს ხვდებიან. ჩემთვის ეს მხოლოდ რესტორანი ან ბარი არასდროს ყოფილა - უფრო შეხვედრების, ემოციების გაზიარებისა და მოგონებების შექმნის ადგილია.”
მესამე პროექტი ლონდა - შედარებით მასშტაბურია. მასში სალომემ წინა წლებში დაგროვილი ცოდნა და ხედვა გააერთიანა. მიუხედავად იმისა, რომ ეს სამი ადგილი სხვადასხვა განწყობას ატარებს, მათი მთავარი იდეა მაინც საერთოა - ინტერიერით, მომსახურებით, გემრიელი მენიუთი სტუმრებისთვის განსაკუთრებული ემოციის შექმნა.
ყოველდღიური გამოწვევები და მოძრაობის სიყვარული
ამ ინდუსტრიაში სიმშვიდე იშვიათია. ახალგაზრდა ასაკში სამი სივრცის მართვა მუდმივ მოძრაობასა და გამოწვევებს ნიშნავს. სალომესთვის ეს პროცესი ყოველდღიურად ახალი პრობლემის გადაჭრის უნარს ითხოვს, რაც მისთვის საქმის განუყოფელი და საინტერესო ნაწილია:
“წარმატების გზაზე ყოველთვის იქნება რთული პერიოდები, დაღლა და იმედგაცრუება. თუმცა მნიშვნელოვანია, რომ ამ ყველაფერმა არ შეგცვალოს როგორც ადამიანი - შეინარჩუნო შენი დამოკიდებულება, ენთუზიაზმი და სიყვარული იმის მიმართ, რასაც აკეთებ.”
სირთულეების დაძლევაში სალომეს ეხმარება ის, რომ მუდმივად ჩართულია საქმეში. როგორც ამბობს, ბიზნესის განვითარება შეუძლებელია პროცესზე უშუალო დაკვირვებისა და მასში მონაწილეობის გარეშე.
მომავლის ხედვა და ახალი იდეები
სალომე გაჩერებას არ აპირებს. წინ კიდევ უფრო მასშტაბური გეგმებია და ახლა უკვე ისეთ ბრენდზე ფიქრობს, რომელიც ქვეყნის საზღვრებს გარეთაც გავა და სტუმართმოყვარეობის კულტურაში საკუთარ ადგილს დაიმკვიდრებს.
შეუპოვრობა იმ თაობის საერთო განწყობაა, რომელსაც საკუთარი ენერგიით რეალური ცვლილებები მოაქვს. თაობას, რომელიც სულ მოძრაობს, არ ჩერდება და არ ასვენებს ახალი იდეები, მოჰყავს მომავალი, უფრო ძლიერი, ლაღი და თავისუფალი.
