„რთველისის“ ღვინოებმა Decanter World Wine Awards-ზე კიდევ ერთი მნიშვნელოვანი საერთაშორისო აღიარება მოიპოვეს, - ამის შესახებ, Business Insider Georgia-ს კომპანიის ბრენდის განვითარების მენეჯერმა კატო დედაბრიშვილმა განუცხადა.

„მსოფლიოში ერთ-ერთ ყველაზე პრესტიჟულ და გავლენიან ღვინის კონკურსზე -Decanter World Wine Awards-ზე „რთველისის“ ოთხმა ღვინომ ვერცხლის მედლები დაიმსახურა.

საერთაშორისო ჟიურის მაღალი შეფასება მიიღეს: საფერავი პრემიუმმა, ყვარელმა, ალექსანდროულმა და ხიხვი ქვევრმა, რომლებმაც ვერცხლის მედლები მოიპოვეს.

ეს წარმატება კიდევ ერთხელ ადასტურებს ჩვენს ერთგულებას ხარისხის, ტრადიციებისა და მუდმივი განვითარების მიმართ. თითოეული მედალი ჩვენი მეღვინეებისა და მთელი გუნდის შრომის, პროფესიონალიზმისა და ქართული ღვინის მრავალსაუკუნოვანი კულტურის საერთაშორისო აღიარების შედეგია.

ჩვენთვის განსაკუთრებით მნიშვნელოვანია, რომ ქართული ჯიშებითა და ტრადიციული მეღვინეობის მეთოდებით შექმნილი ღვინოები მსოფლიოს საუკეთესო ღვინოებს შორის ღირსეულ ადგილს იკავებს და საერთაშორისო ექსპერტების მაღალ შეფასებას იმსახურებს.

„რთველისის“ ღვინოებს საერთაშორისო მასშტაბით არაერთი ჯილდო აქვთ მიღებული ისეთ პრესტიჟულ კონკურსებზე, როგორებიცაა:

Decanter World Wine Awards, Mundus Vini, Asia Wine Trophy, IWSC, London Wine Competition, International Wine Award, Hong Kong International Wine & Spirit Competition და Sakura Wine Awards.

წლების განმავლობაში ჩვენი ღვინოები არაერთხელ დაჯილდოვდა პლატინის, ოქროსა და ვერცხლის მედლებით, რაც კიდევ ერთხელ ადასტურებს მათ მაღალ ხარისხს, ქართული მეღვინეობის ტრადიციებისადმი ერთგულებასა და საერთაშორისო ბაზრებზე კონკურენტუნარიანობას.

ჩვენთვის განსაკუთრებით მნიშვნელოვანია, რომ ქართული ჯიშებითა და ტრადიციული მეღვინეობის მეთოდებით შექმნილი ღვინოები მსოფლიოს საუკეთესო ღვინოებს შორის ღირსეულ ადგილს იკავებს და საერთაშორისო ექსპერტების მაღალ შეფასებას იმსახურებს“, - აღნიშნავს კატო დედაბრიშვილი.

ინფორმაციისთვის, კომპანიამ აქტიური საქმიანობა ღვინის ინდუსტრიაში 2020 წელს, პანდემიის პერიოდში დაიწყო. „რთველისი“ ფლობს საკუთარ ღვინის ქარხანას თელავის მუნიციპალიტეტის სოფელ შალაურში. ქარხნის ტერიტორიაზე არის განთავსებული ქართული ღვინის მარანი, სადაც მზადდება ქვევრის ღვინო, თავად ქარხანა კი დაკომპლექტებულია უახლესი ევროპული დანადგარებითა და ლაბორატორიით, რასაც ქარხნის მუშაობაში დიდი წვლილი შეაქვს.