სააღდგომო მენიუ Cafe Vanilla House-ისგან - ახალი სეზონური კერძები, ჩაქაფულის ბოქსები და ნამდვილი ტრადიციული პასკა
Cafe Vanilla House - ში აქტიური სააღდგომო სამზადისი მიმდინარეობს. მეტი ინფორმაციისთვის, Business Insider Georgia კომპანიის დამფუძნებელსა და დირექტორს დიანა ველენგურსკაიას ესაუბრა.
„კაფე ვანილის სახლში“ აქტიური სააღდგომო სამზადისი გვაქვს. მენიუში სააღდგომოდ დაემატა ახალი, სეზონური კერძები და შეფ ირაკლის მიერ მომზადებული გასაოცარი ჩაქაფული. გარდა ამისა, შევქმენით სპეციალური ჩაქაფულის ბოქსები, შეფის რეცეპტითა და პროპორციების დაცვით, უკვე დაჭრილი და გამზადებული მზა ნედლი ინგრედიენტებით, რომლის გამოძახების შემდეგ მომხმარებელს შეუძლია თავად მოამზადოს შეფის ჩაქაფული უმარტივესად.
თითოეულ ბოქსს თან ახლავს QR კოდი, რომელიც მომხმარებელს ვიდეო ინსტრუქციას სთავაზობს შეფისგან, რათა მზა ინგრედიენტების კომბინაცია მარტივად გამოიყენოს.

ეს ბოქსი იდეალურია როგორც სახლში, ისე ბუნებაში საგაზაფხულო კემპინგის დროს.
რაც მთავარია მენიუში დაგვემატა სააღდგომო პასკა. წელს ჩვენთვის პირველი აღდგომაა, რადგან 1 წლისებიც არ ვართ, შესაბამისად ძალიან დიდი პასუხისმგებლობით შევეჭიდეთ ყველასთვის საყვარელი პასკების მომზადებას.

გადავწყვიტეთ მხოლოდ ერთი სახეობის პასკა შეგვეთავაზებინა მომხმარებლისთვის - ტრადიციული, კლასიკური, სველი, მძიმე, სახლური პასკა ქიშმიშით, რომელიც უკვე ძალიან ბევრმა დააგემოვნა და უზომოდ გვიხარია მათი კომპლიმენტები და დადებითი შეფასება. ვფიქრობ, გამოგვივიდა ის რაც გვინდოდა.
უგემრიელესი ნამდვილი სახლური პასკა შეფ ირაკლისგან შეგიძლიათ შეიძინოთ ადგილზე 25 ლარად, (წონა 1 კგ), ასევე შესაძლებელია გამოძახებაც ვოლტისა და გლოვოს პლატფორმების საშუალებით.

აღდგომის შემდგომ კვირაში ჩვენს ასორტიმენტს წითელი კვერცხიც შეემატება.
ინფორმაციისთვის, კაფე ფხოვის ქუჩაზე 3 ნომერში მდებარეობს.
სხვა სიახლეები
მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება
16.06.2026.15:11
27 ივნისს, საქართველოში რაგბის ახალგაზრდული მსოფლიო ჩემპიონატი იწყება. ეს არის ტურნირი, რომელიც ახალგაზრდა მორაგბეებს საერთაშორისო ასპარეზზე თავის წარმოჩენის შესაძლებლობას აძლევს და სწორედ, აქ იბადებიან მომავალი ვარსკვლავები.
2017 წლის შემდეგ, საქართველო ამ პრესტიჟულ ჩემპიონატს უკვე მეორედ მასპინძლობს. 2017 წელს, ტურნირის წარმატებით ჩატარების შედეგად, მსოფლიო რაგბიმ 2026 წლის ახალი, გაფართოებული ფორმატის, ახალგაზრდული მსოფლიოს ჩემპიონატის მასპინძლობაც საქართველოს ანდო. წლევანდელ მსოფლიო ჩემპიონატზე 12-ის ნაცვლად 16 გუნდი იასპარეზებს, რაც კონკურენციას ამძაფრებს და შედეგად, ტურნირისადმი ინტერესს კიდევ უფრო ზრდის.
ტურნირი 27 ივნისიდან 18 ივლისის ჩათვლით გაიმართება. მატჩებს თბილისი ავჭალის სტადიონი და ქუთაისის აია არენა უმასპინძლებენ; ხოლო ფინალური და მესამე ადგილისთვის შეხვედრები მიხეილ მესხის სტადიონი ჩატარდება.
საქართველოს 20-წლამდელთა ნაკრები ა ჯგუფში, მოქმედ ჩემპიონს - სამხრეთ აფრიკას, უელსსა და ურუგვაის დაუპირისპირდება. ბ ჯგუფში ახალი ზელანდია, იტალია, შოტლანდია და იაპონია მოხვდნენ; გ ჯგუფში არგენტინა, ინგლისი, ირლანდია და აშშ ითამაშებენ; დ ჯგუფში - საფრანგეთი, ავსტრალია, ესპანეთი და ფიჯი.
როცა ახალგაზრდა სპორტსმენები მსოფლიო ასპარეზზე გასასვლელად ემზადებიან, ყველაზე მნიშვნელოვანი ხშირად არა მხოლოდ ნიჭი, არამედ რწმენაა - საკუთარი თავის, გუნდისა და მომავლის რწმენა. სწორედ, ამიტომ არის თიბისი ქართული რაგბის მხარდამჭერი. გვჯერა, რომ შესაძლებლობების დანახვა და მათი მხარდაჭერა ქმნის გამარჯვების საფუძველს - როგორც სპორტში, ისე ცხოვრებაში.
ბილეთების შეძენა შესაძლებელია TKT-ზე, სადაც თიბისის მოსწავლის ბარათზე 50%-იანი ფასდაკლება იმოქმედებს: https://tkt.ge/show/31504/ragbi-u20-msoflio-chempionati