მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7190
-0.0035
flag
AZN 1.5254
0
flag
CNY 38.894
0.0002
flag
EUR 2.8495
-0.0052
flag
GBP 3.4194
-0.0014
flag
KZT 58.36
-0.0001
flag
TRY 0.0514
-0.0001
flag
USD 2.5928
-0.0003
news banner

საერთაშორისო ფინანსურმა ინსტიტუტმა ქართულ ფინტექს ნდობა გამოუცხადა - Kursi.ge-ს ახალი ეტაპი

news image
mbc image

Kursi.ge-მ, საქართველოს ციფრულმა ვალუტის კონვერტაციის პლატფორმამ, დაფინანსება მოიზიდა Symbiotics-ისგან - გავლენაზე ორიენტირებული ინვესტიციების წამყვანი შვეიცარული პლატფორმისგან, რომელიც განვითარებადი და საზღვრისპირა ეკონომიკების კერძო ბაზრებზე საქმიანობს.

ეს პარტნიორობა მნიშვნელოვანი ეტაპია Kursi.ge-სთვის, რადგან წარმოადგენს კომპანიის პირველ დაფინანსების შეთანხმებას საერთაშორისო ფინანსურ ინსტიტუტთან. ამავდროულად, იგი ასახავს საერთაშორისო ნდობის ზრდას საქართველოს ფინტექ სექტორისა და იმ ციფრული ფინანსური გადაწყვეტილებების მიმართ, რომლებიც მომხმარებლებისა და ბიზნესებისთვის ხელმისაწვდომობას, ეფექტიანობასა და გამჭვირვალობას აუმჯობესებს.

Symbiotics-ს აქვს ფინანსურ ინსტიტუტებთან თანამშრომლობის მრავალწლიანი გამოცდილება, მათ შორის ბანკებთან, მიკროსაფინანსო ორგანიზაციებთან და სხვა სტრუქტურებთან, რომლებიც ფინანსურ ინკლუზიასა და ეკონომიკურ განვითარებას უწყობენ ხელს განვითარებად ბაზრებზე. აღნიშნული გარიგების შედეგად, Kursi.ge გახდა ერთ-ერთი ფინტექ კომპანია, რომელიც Symbiotics-ის პარტნიორთა ქსელს შეუერთდა, რაც კიდევ ერთხელ უსვამს ხაზს ტექნოლოგიებზე დაფუძნებული ფინანსური პლატფორმების მზარდ როლს თანამედროვე ფინანსურ სერვისებზე ხელმისაწვდომობის გაფართოებაში.

Kursi.ge-სთვის მოზიდული დაფინანსება ხელს შეუწყობს კომპანიის შემდგომ ზრდას და გააძლიერებს მის შესაძლებლობას, ფიზიკურ პირებსა და ბიზნესებს საქართველოში შესთავაზოს სწრაფი, კომფორტული და კონკურენტული ონლაინ ვალუტის კონვერტაციის სერვისი. შეთანხმებას ხელი ჟენევაში, 2026 წლის 02 ივნისს, მოეწერა.

„ეს პარტნიორობა მნიშვნელოვანი ნაბიჯია Kursi.ge-ს განვითარების გზაზე,“ — განაცხადა გიორგი აგლაძემ, Kursi.ge-ს თანადამფუძნებელმა. „ჩვენთვის ეს მხოლოდ დაფინანსების შეთანხმება არ არის - ეს არის გამოცდილი საერთაშორისო ფინანსური ინსტიტუტის მხრიდან ნდობის ძლიერი გამოხატულება. ეს კიდევ ერთხელ ადასტურებს, რომ საქართველოს ციფრული ფინანსური პლატფორმები საერთაშორისო სტანდარტებს აკმაყოფილებენ და ინსტიტუციური პარტნიორების მოზიდვა შეუძლიათ.

„მოხარულები ვართ, რომ ვთანამშრომლობთ Kursi.ge-სთან და მხარს ვუჭერთ ტექნოლოგიებზე დაფუძნებული ფინანსური სერვისების განვითარებას საქართველოში,“ - განაცხადა Symbiotics-ის კავკასიის რეგიონულმა მენეჯერმა ალექსანდრ ფანდომ.„ეს გარიგება სრულად შეესაბამება ჩვენს მისიას - მხარი დავუჭიროთ ინოვაციურ კომპანიებს, რომლებიც ამცირებენ ფინანსური ტრანზაქციების ღირებულებას და ციფრული ტექნოლოგიების მეშვეობით აფართოებენ უცხოური ვალუტის გაცვლის სერვისებზე წვდომას. უკვე 150 000-ზე მეტი მომხმარებლის მომსახურებით, Kursi.ge ამ სერვისებს საქართველოს მასშტაბით უფრო ხელმისაწვდომსა და ეკონომიურს ხდის.

აღნიშნული ტრანზაქცია მნიშვნელოვანი ნაბიჯია Kursi.ge-ს ტრანსფორმაციის პროცესში - სწრაფად მზარდი ადგილობრივი ფინტექ პლატფორმიდან საერთაშორისო აღიარების მქონე ფინანსურ-ტექნოლოგიურ კომპანიად. ამასთან, იგი კიდევ უფრო აძლიერებს კომპანიის პოზიციას, როგორც სანდო ციფრული ალტერნატივის ვალუტის კონვერტაციის ბაზარზე.

Kursi.ge-ს შესახებ

Kursi.ge არის ქართული ვალუტის კონვერტაციის პლატფორმა, რომელიც ფიზიკურ პირებსა და ბიზნესებს საშუალებას აძლევს, თანხა ონლაინ, კონკურენტული კურსით გადაცვალონ. კომპანია ორიენტირებულია ტრადიციული ვალუტის გადამცვლელი არხების სწრაფი, მარტივი და გამჭვირვალე ალტერნატივის შექმნაზე.

Symbiotics-ის შესახებ

Symbiotics არის გავლენაზე ორიენტირებული ინვესტიციების წამყვანი შვეიცარული პლატფორმა, რომელიც განვითარებადი და საზღვრისპირა ეკონომიკების კერძო ბაზრებზე საქმიანობს. ჯგუფი მომხმარებლებს სთავაზობს საინვესტიციო, აქტივების მართვისა და შესაძლებლობების განვითარების სერვისებს.

2005 წლიდან დღემდე Symbiotics-მა განახორციელა 9 300-ზე მეტი ინვესტიცია, რომელთა საერთო მოცულობა 11.8 მილიარდ აშშ დოლარს აღემატება. ინვესტიციები განხორციელებულია 99 ქვეყანაში მოქმედ 664 კომპანიაში. კომპანია მართავს 2.5 მილიარდი აშშ დოლარის მოცულობის პორტფელს, რომელიც 19 ფონდსა და მანდატზეა გადანაწილებული.

ამასთან, Symbiotics-ის პორტფელში შემავალმა კომპანიებმა ისარგებლეს 170-ზე მეტი ტექნიკური დახმარების პროექტით, რომელთა ჯამური ღირებულება 19 მილიონ აშშ დოლარს აღემატება.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

ბიზნესი
image Kursi.ge Business-მა 100-მდე ბიზნესის წარმომადგენელს გალა ღონისძიებაზე უმასპინძლა

18.11.2026.11:08

12 ნოემბერს, სასტუმრო Pullman-ში, Kursi.ge Business-ის ორგანიზებით ბიზნესგალა ღონისძიება გაიმართა, რომელმაც 100-მდე ბიზნესის წარმომადგენელი გააერთიანა. საღამოს მთავარი თემა ჩინეთ-საქართველოს სავაჭრო ურთიერთობები, სამომავლო პერსპექტივები და ქართული ბიზნესისთვის ჩინურ იუანში ანგარიშსწორების შესაძლებლობები იყო.

ღონისძიება Kursi.ge-ს ბიზნესპარტნიორებთან შეხვედრების სერიის ფარგლებში უკვე მეორედ ჩატარდა. მისი მიზანი ბიზნესსექტორთან ურთიერთობების გაღრმავება, გამოცდილების გაზიარება და საერთაშორისო ვაჭრობის მიმართულებით არსებული შესაძლებლობების განხილვა იყო.

გალა საღამო Kursi.ge-ს დამფუძნებელმა, ნინო კუპრაშვილმა გახსნა, რომლის სიტყვით გამოსვლის შემდეგ კურსი.ჯის დამფუძნებელმა გიორგი აგლაძემ კომპანიის გასული წლის შედეგები შეაჯამა, მნიშვნელოვანი მიღწევები გაუზიარა სტუმრებს და სამომავლო განვითარების ხედვა წარადგინა.

ღონისძიების ერთ-ერთი მთავარი მიმართულება ჩინური იუანის (CNY) გამოყენება იყო. Kursi.ge-მ საკუთარ პლატფორმაზე ჩინური იუანის კონვერტაციის შესაძლებლობა დაამატა, რაც განსაკუთრებით მნიშვნელოვანია იმ ქართული კომპანიებისთვის, რომლებიც ჩინელ პარტნიორებთან თანამშრომლობენ და საერთაშორისო სავაჭრო ოპერაციებს ახორციელებენ.

პრეზენტაციის ფარგლებში ჩინურ იუანში ანგარიშსწორების უპირატესობები გააცნეს დამსწრე საზოგადოებას. ყურადღება გამახვილდა კონვერტაციის ხარჯების შემცირებაზე, სავალუტო ოპერაციების ოპტიმიზაციასა და იმ ფინანსურ შესაძლებლობებზე, რომლებსაც იუანის გამოყენება ქართულ ბიზნესს სთავაზობს.

საღამოს ცენტრალური ნაწილი დაეთმო პანელურ დისკუსიას თემაზე — „ჩინეთ-საქართველოს სავაჭრო ურთიერთობა და პერსპექტივები“.

პანელურ დისკუსიაში მონაწილეობდნენ:

• გიორგი ვეკუა — საქართველოს სავაჭრო-სამრეწველო პალატის გენერალური დირექტორის მოადგილე;

• მარიკა გაბუნია — საქართველოს ეკონომიკისა და მდგრადი განვითარების სამინისტროს საგარეო ვაჭრობის პოლიტიკის დეპარტამენტის უფროსი;

• ნინო მამისაშვილი - თეგეტა ჰოლდინგის, CFO

• შოთა ჯაფარიძე — სს საქართველოს სათბურის კორპორაცია (გენერალური დირექტორი).

დისკუსიას მოდერაციას უწევდა ქეთევან მეფარიშვილი, Kursi.ge-ს მმართველი პარტნიორი.

პანელის ფარგლებში განხილული იყო საქართველოსა და ჩინეთს შორის სავაჭრო-ეკონომიკური ურთიერთობების განვითარების პერსპექტივები, ჩინეთის ბაზრის მნიშვნელობა ქართული კომპანიებისთვის, საერთაშორისო ვაჭრობის პროცესში არსებული გამოწვევები და თანამშრომლობის ახალი შესაძლებლობები.

დისკუსიამ გააერთიანა საჯარო და კერძო სექტორის წარმომადგენელთა ხედვები ჩინეთთან სავაჭრო ურთიერთობების გაღრმავებისა და ქართული ბიზნესისთვის ახალი შესაძლებლობების შექმნის შესახებ. განსაკუთრებული ყურადღება დაეთმო საერთაშორისო სავაჭრო პროცესების გამარტივების, ფინანსური ეფექტიანობის ზრდისა და ჩინელ პარტნიორებთან თანამშრომლობის განვითარების საკითხებს.

ღონისძიების ფარგლებში გაიმართა სპეციალური გათამაშებაც, რომლის მთავარი პრიზი ორი ადამიანისთვის შანხაიში მოგზაურობა იყო.

გალა საღამო ფურშეტითა და არაფორმალური კომუნიკაციით დასრულდა. სტუმრებს შესაძლებლობა ჰქონდათ, გაეზიარებინათ საკუთარი გამოცდილება, დაემყარებინათ ახალი ბიზნესკავშირები და განეხილათ სამომავლო თანამშრომლობის პერსპექტივები.

Kursi.ge Business-ის მიერ ორგანიზებული ღონისძიება კიდევ ერთი ნაბიჯი იყო ბიზნესსაზოგადოებასთან მჭიდრო პარტნიორობის გაღრმავებისა და ქართული კომპანიებისთვის საერთაშორისო სავაჭრო შესაძლებლობების ხელშეწყობის მიმართულებით.

Kursi.ge-ს შესახებ

Kursi.ge საქართველოში მოქმედი ონლაინ სავალუტო პლატფორმაა, რომელიც ფიზიკურ პირებსა და ბიზნესებს ვალუტის სწრაფად, მარტივად და კონკურენტული კურსით კონვერტაციის შესაძლებლობას სთავაზობს.

პლატფორმას 200 000-ზე მეტი მომხმარებელი და 6 000-ზე მეტი ბიზნესკლიენტი ჰყავს. კომპანიის მეშვეობით განხორციელებული კონვერტაციების ჯამური მოცულობა 9 მილიარდ ლარს აღემატება.

Kursi.ge Business ბიზნესმომხმარებლებს სთავაზობს ინდივიდუალურ სავალუტო პირობებსა და პერსონალურ მომსახურებას, რაც კომპანიებს სავალუტო ოპერაციების ხარჯების შემცირებასა და ფინანსური პროცესების ეფექტიან მართვაში ეხმარება.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა