საერთაშორისო სპეციალისტების ყოფნა ძალიან მნიშვნელოვანია, რადგან ეს ქვეყანაში საერთო პროფესიულ დონეს მაღლა სწევს - გიორგი მარიამიძე
როდესაც ქართველი და არარეზიდენტი სპეციალისტები საერთაშორისო კომპანიაში ერთად მუშაობენ, ჩვენი კადრები იღებენ უცხოურ გამოცდილებას, მეტს სწავლობენ და ამით სპეციალისტების საერთო ხარისხი იზრდება, - ამის შესახებ სქილვილ შვეიცარიული კოლეჯის დამფუძნებელმა და თბილისის შვეიცარიული საერთაშორისო სკოლის სამეთვალყურეო საბჭოს წევრმა გიორგი მარიამიძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.
მისი შეფასებით, ICT და განსაკუთრებით IT სექტორში უცხოელი სპეციალისტების შემოსვლა ქართველ კადრებთან კონკურენციას არ ქმნის და უფრო შემავსებელ როლს ასრულებს.
„შესაძლოა საკითხი სენსიტიური იყოს და ჩნდებოდეს განცდა, თითქოს ადგილობრივები და არარეზიდენტები ერთმანეთს უწევენ კონკურენციას. თუმცა, IT და ტექნოლოგიების სფეროში კონკურენციის რისკს საერთოდ ვერ ვხედავ. ამ სექტორის ბაზარი, საბოლოო ჯამში, მთელი მსოფლიოა, ის იმდენად დიდია, რომ ჩვენი მცირე ქვეყნის პირობებში ადგილი ყველასთვის მოიძებნება. ვინც მაღალ კვალიფიკაციას ფლობს, ის პროექტს ამერიკაშიც იპოვის, დიდ ბრიტანეთშიც, ევროპასა თუ იაპონიის განვითარებულ ბაზრებზე.
შესაბამისად, ამ ნაწილში შიდა კონკურენციაზე საუბარი ზედმეტია. პირიქით, ვფიქრობ, საერთაშორისო სპეციალისტების ყოფნა ძალიან მნიშვნელოვანია, რადგან ეს ქვეყანაში საერთო პროფესიულ დონეს მაღლა სწევს. როდესაც ქართველი და არარეზიდენტი სპეციალისტები საერთაშორისო კომპანიაში ერთად მუშაობენ, ჩვენი კადრები იღებენ უცხოურ გამოცდილებას, მეტს სწავლობენ და ამით სპეციალისტების საერთო ხარისხი იზრდება. ამიტომ, IT სექტორში ეს პროცესი ცალსახად დადებითია როგორც მთლიანი ეკონომიკისთვის, ისე ადგილობრივი კადრების განვითარებისთვის“, - აცხადებს გიორგი მარიამიძე.
სხვა სიახლეები
როგორ იცვლებოდა ქართული კომპანიების აქციების ფასი ლონდონის ბირჟაზე
22.06.2026.16:54
Galt & Taggart ბაზრის ყოველკვირეულ მიმოხილვას აქვეყნებს.
Lion Finance Group-ის (BGEO LN) აქციები დაიხურა 114.40 ბრიტანულ ფუნტ სტერლინგში (GBP), +3.53% წინა კვირასთან შედარებით და +5.44% გასულ თვესთან შედარებით. ვაჭრობის მოცულობამ 331 ათას აქციაზე მეტი შეადგინა, GBP 110.50 - 115.90 დიაპაზონში. ბოლო 4 კვირის განმავლობაში, საშუალო დღიური
ვაჭრობის მოცულობამ 55 ათასი აქცია შეადგინა.
თიბისი ბანკის ჯგუფის (TBCG LN) აქციები დაიხურა 45.30 ბრიტანულ ფუნტ სტერლინგში (GBP), -0.04% წინა კვირასთან შედარებით და +1.34% გასულ თვესთან შედარებით. ვაჭრობის მოცულობამ 418 ათას აქციაზე მეტი შეადგინა, GBP 44.50 - 46.80 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 68 ათასი აქცია შეადგინა.
Georgia Capital-ის (CGEO LN) აქციები დაიხურა 41.70 ბრიტანულ ფუნტ სტერლინგში (GBP), -1.53% წინა კვირასთან შედარებით და +2.96% გასულ თვესთან შედარებით. ვაჭრობის მოცულობამ 285 ათას აქციაზე მეტი შეადგინა, GBP 40.10 - 43.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 53 ათასი აქცია შეადგინა.
