ევროპული სტანდარტებისა და რეკომენდაციების დაცვით შექმნილ ,,საქკაბელის” პროდუქციაზე მოთხოვნა მზარდია. კომპანია გეოგრაფიულ არეალს აფართოებს და მორიგი ექსპორტი ჩეხეთის რესპუბლიკაში განახორციელა.

აღსანიშნავია, რომ „საქკაბელის“ პროდუქტს მინიჭებული აქვს ჩეხეთის ელექტროტექნიკური ტესტირების ინსტიტუტისა (EZÚ) და მულტინაციონალური ინსპექციის, ტესტირებისა და მასერტიფიცირებელი ორგანო “SGS”-ის მიერ სერტიფიკატები. კომპანია ასევე ფლობს ევროკავშირის მიერ მიღებულ სამშენებლო პროდუქტების რეგულაციასთან (CPR) შესაბამისობის სერტიფიკატს.  

“მოხარული ვართ, რომ ,,საქკაბელის’’, როგორც საერთაშორისო სტანდარტის ქართული პროდუქციის მწარმოებლის პოზიცია ევროპულ ბაზარზე ძლიერდება. წარმადობისა და სიმძლავრეების გაზრდამ, კონკურენტუნარიანმა საფასო პოლიტიკამ საექსპორტო არეალის გაფართოება გაგვიმარტივა, ამჯერად ექსპორტი ჩეხეთის რესპუბლიკაში წარმატებით განვახორციელეთ.

სხვადასხვა ქვეყანაში გამართულ ელექტრო კაბელების გამოფენებში ხშირად ვიღებთ მონაწილეობას. რამდენიმე თვის წინ, ჩეხეთის ქალაქ ბრნოში გამართულ გამოფენაზე„საქკაბელის“ პროდუქციამ დიდი დაინტერესება გამოიწვია. შემდგომი თანამშრომლობის მიზნით, მოლაპარაკებების პროცესში ჩვენი საერთაშორისო პარტნიორი უშუალოდ ადგილზე გაეცნო წარმოების პროცესს. ვიზიტის ფარგლებში შედგა როგორც მანქანა დანადგარების, ასევე „საქკაბელის“ აკრედიტებული ლაბორატორიისა და ნედლეულის საფუძვლიანი შესწავლა, რის შემდგომაც განხორციელდა „საქკაბელის“ პროდუქციის ჩეხეთის რესპუბლიკაში გაგზავნა. აღნიშნული პარტნიორობის ფარგლებში, სამომავლო საექსპორტო აქტივობები კიდევ იგეგმება.

ევროპისა და სხვა საერთაშორისო ბაზრებზე, „საქკაბელის“ პროდუქცია უკვე სარგებლობს მაღალი სანდოობით. ჩეხეთის რესპუბლიკის ბაზარზე შესვლა კი, კიდევ მეტად ამყარებს ჩვენს პოზიციას საკაბელო წარმოების გლობალურ ლიდერებს შორის. მოხარული ვართ, რომ გვეძლევა შესაძლებლობა, მსოფლიოს მასშტაბით დავუჭიროთ მხარი ინფრასტრუქტურულ პროექტებს“, – „საქკაბელის“ მმართველი დირექტორი, დავით კაპანაძე.

„საქკაბელი“ საკუთარი პროდუქციის ექსპორტს 2010 წლიდან ეწევა. 2023 წლიდან, „საქკაბელის“ პროდუქცია ევროკავშირის წევრ ქვეყანაში, კერძოდ ბულგარეთში გამოჩნდა. მიმდინარე წელს, კომპანიამ საექსპორტო არეალი კიდევ გააფართოვა და საკუთარი პროდუქციის ექსპორტი ახლო აღმოსავლეთში, კერძოდ ისრაელში განახორციელა.

საქკაბელის შესახებ:

„საქკაბელი“ ადგილობრივ ბაზარზე სფეროს ლიდერის პოზიციას 67-ე წელია იკავებს და მომხმარებელს, როგორც საკაბელო, ისე ელექტრიფიკაციასთან დაკავშირებულ 2000-მდე დასახელების პროდუქტს სთავაზობს. კომპანიის ერთ–ერთი პრიორიტეტული მიმართულება საექსპორტო ბაზრების დივერსიფიცირება და ქართულ ეკონომიკაში იმპორტის ჩანაცვლებაა. “საქკაბელის” პროდუქცია, როგორც ადგილობრივ ისე საერთაშორისო ბაზარზე, მომხმარებელთან გაგზავნამდე დეტალურ შემოწმებას ქარხანაში მოქმედ, ხარისხის კონტროლის აკრედიტებულ ლაბორატორიაში გადის. გარდა ამისა, „საქკაბელის“ პროდუქციას მინიჭებული აქვს CE მარკირება, რაც ადასტურებს, რომ პროდუქტი აკმაყოფილებს ევროპის კანონმდებლობას ჯანმრთელობის, უსაფრთხოების და გარემოს დაცვის შესაბამისობის შესახებ და ევროპის ბაზარზე თავისუფალი ვაჭრობის შესაძლებლობას იძლევა.