საქართველოს აეროპორტების გაერთიანებამ Routes Europe 2026-ზე საქართველოს საავიაციო პოტენციალი საერთაშორისო პარტნიორებს გააცნო
იტალიის ქალაქ რიმინიში გამართული ევროპის ერთ-ერთი ყველაზე მნიშვნელოვანი საავიაციო ფორუმი Routes Europe 2026 დასრულდა. ფორუმში საქართველოს აეროპორტების გაერთიანება ფორუმზე კომპანია TAV Georgia-სთან ერთად ერთობლივი სტენდით მონაწილეობდა და საერთაშორისო ავიაბაზარზე ქვეყნის საავიაციო და ტურისტული შესაძლებლობები წარადგინა.
საქართველოს აეროპორტების გაერთიანების გენერალური დირექტორის, ლევან მოსეშვილი განცხადებით, ფორუმის ფარგლებში 45-მდე შეხვედრა გაიმართა როგორც მოქმედ, ასევე პოტენციურ ახალ ავიაკომპანიებთან. შეხვედრები შედგა ისეთ საერთაშორისო გადამზიდავებთან, როგორებიც არიან United Airlines, British Airways, ITA Airways, Finnair და easyJet.
ლევან მოსეშვილის განცხადებით, პარტნიორებისთვის განსაკუთრებულ ინტერესს იწვევს საქართველოს მზარდი ტურისტული ნაკადები, ეკონომიკური სტაბილურობა, ქვეყნის ტრანზიტული მდებარეობა და ავიაბაზრის განვითარების დინამიკა. ფორუმის მთავარი მიზანი ახალი ავიამიმართულებებისა და არსებული რეისების სიხშირეების ზრდაზე იყო. განსაკუთრებული ყურადღება დაეთმო ევროპული ბაზრის გაფართოებას, ასევე აზიისა და ახლო აღმოსავლეთის მიმართულებების განვითარებას.
საქართველოს აეროპორტების გაერთიანების გენერალური დირექტორის თქმით, Routes Europe 2026-ზე აქტიურმა მონაწილეობამ კიდევ ერთხელ გააძლიერა ქვეყნის, როგორც რეგიონული საავიაციო ჰაბის პოზიციონირება და შექმნა საფუძველი საერთაშორისო ავიაკომპანიებთან თანამშრომლობის ახალი შესაძლებლობებისთვის.
სხვა სიახლეები
საქართველოს ფოსტა საერთაშორისო საფოსტო ბიზნეს ფორუმში მონაწილეობს
11.09.2026.19:48
საქართველოს ფოსტის გენერალური დირექტორი გიორგი ერაძე PostEurop-ისა და PUASP-ის მიერ ორგანიზებულ საფოსტო სექტორის საერთაშორისო შეხვედრაში მონაწილეობს, რომელიც მიმდინარე წლის 10 - 11 სექტემბერს, საფრანგეთის დედაქალაქ პარიზში იმართება.
ღონისძიება საფოსტო სექტორის წარმომადგენლებს სხვადასხვა რეგიონიდან აერთიანებს და წარმოადგენს მნიშვნელოვან პლატფორმას საერთაშორისო თანამშრომლობისგაძლიერებისა და საფოსტო ინდუსტრიის განვითარების მიმართულებით.
ფორუმის ფარგლებში მონაწილეები განიხილავენ საფოსტო სექტორის წინაშე არსებულ გამოწვევებსა და განვითარების შესაძლებლობებს, მათ შორის, ინდუსტრიის თანამედროვე ტენდენციებსა და სამომავლო თანამშრომლობის მიმართულებებს.
„საქართველოს ფოსტის მონაწილეობა საერთაშორისო ფორმატის ღონისძიებებში მნიშვნელოვანია როგორც საერთაშორისო პარტნიორებთან თანამშრომლობის გაღრმავების, ისე საუკეთესო პრაქტიკის გაზიარებისა და ახალი შესაძლებლობების აღმოჩენის თვალსაზრისით. მსგავსი შეხვედრები გვაძლევს შესაძლებლობას, გავეცნოთ საფოსტო ინდუსტრიის თანამედროვე ტენდენციებს, გავუზიაროთ პარტნიორებს ჩვენი გამოცდილება და ერთად ვიმსჯელოთ სექტორის განვითარების სამომავლო გეგმებზე“ - განაცხადა საქართველოს ფოსტის გენერალურმა დირექტორმა გიორგი ერაძემ.
Carrefour-ში საქართველოს ბანკის sCool Card-ისა და Student Card-ის მფლობელებს სხვადასხვა შეთავაზებები დახვდებათ
11.09.2026.18:01
საქართველოს ბანკის sCool Card-ისა და Student Card-ის მფლობელებს Biblusi-ში 40%-იანი ქეშბექი ელოდებათ
11.09.2026.17:45
მეტი დრო ინვესტირებისთვის - თიბისის მობაილბანკის ინვესტიციების პლატფორმაზე სავაჭრო საათები გაიზარდა
11.09.2026.16:05
თიბისის მობაილბანკის აგვისტოს განახლებები - კიდევ უფრო მეტი შესაძლებლობა ერთ სივრცეში
11.09.2026.14:06
