საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება
საქართველოს ბანკი ბიზნესის მხარდაჭერას და მეწარმეებისთვის საგანმანათლებლო შესაძლებლობების შექმნას აქტიურად განაგრძობს. ამ მიზნით, ბიზნეს 360˚-ის შეხვედრების სერიის ფარგლებში, 24 ივნისს, 17:00 საათზე, საქართველოს ბანკის 4B სივრცეში (ალექსანდრე ყაზბეგის N15) გაიმართება მარიამ ბეროძის ვორკშოპი „როგორ ვიპოვოთ სიტყვები, რომლებიც ყიდის?“
ვორქშოფი განკუთვნილია მეწარმეებისთვის, რომლებიც საკუთარი ბრენდის კომუნიკაციის გაძლიერებასა და ეფექტური ქოფირაითინგის ტექნიკების ათვისებას ისახავენ მიზნად.
შეხვედრის ფარგლებში მონაწილეები გაიგებენ:
• რა არის ბრენდის არქეტიპი, Tone of Voice და მთავარი მესიჯი;
• როგორ გამოიყენონ ქოფირაითინგის ფორმულები და სთორითელინგი ეფექტური კომუნიკაციისთვის;
• როგორ შექმნან ტექსტები, რომლებიც მომხმარებელს მოქმედებისკენ უბიძგებს;
• რა არის ეფექტური ქოფირაითინგი და როგორ მუშაობს ის პრაქტიკაში.
„საქართველოს ბანკისთვის მნიშვნელოვანია, მეწარმეებს შევთავაზოთ არა მხოლოდ ფინანსური პროდუქტები, არამედ ცოდნა და პრაქტიკული ინსტრუმენტები, რომლებიც მათ ბიზნესის ზრდაში დაეხმარება. სწორედ ამ მიზანს ემსახურება ბიზნეს 360˚-ის საგანმანათლებლო შეხვედრების სერია, სადაც მონაწილეები სხვადასხვა სფეროს წამყვანი პროფესიონალებისგან იღებენ გამოცდილებას. გვჯერა, რომ ძლიერი კომუნიკაცია და სწორად ჩამოყალიბებული ბრენდის ხმა თანამედროვე ბიზნესის წარმატების მნიშვნელოვანი წინაპირობაა“, - აცხადებს ეკატერინე ჭურაძე, საქართველოს ბანკის არაფინანსური პროდუქტების განვითარების და სუბსიდირებული პროექტების სამსახურის უფროსი.
ღონისძიებაზე დასასწრებად გაიარეთ რეგისტრაცია საქართველოს ბანკის ვებგვერდზე: https://bankofgeorgia.ge/ka/business/business-events/details/6a2977bd3f8971000753056b
დღის ტოპ 10 სიახლე
სხვა სიახლეები
პორტალი ekalata.gov.ge ამოქმედდა - რა ინფორმაციას აერთიანებს პლატფორმა
24.06.2026.11:07
პორტალი ekalata.gov.ge შექმნილია საქართველოს პრემიერ მინისტრის ინიციატივის და საქართველოს პარლამენტის სასურსათო პროდუქციის ფასწარმოქმნის სტრუქტურის შემსწავლელი კომისიის მიერ მომზადებული დასკვნის საფუძველზე, მოკლევადიანი ღონისძიებების ფარგლებში.
ღონისძიებები მოიცავს საქართველოში მოქმედ ქსელურ მარკეტებში საოჯახო კალათის ძირითად საბაზისო სასურსათო პროდუქციაზე საუკეთესო შემოთავაზებების და ფასების უზრუნველყოფას მომხმარებლებისთვის.
პორტალის მიზანია ერთიან ელექტრონულ სივრცეში, ელექტრონული კალათის ფორმატში თავი მოუყაროს ქსელების საუკეთესო შემოთავაზებებს და ფასების შესახებ ინფორმაციას, უზრუნველყოს მომხმარებლის ინფორმირება და ხელი შეუწყოს მომხმარებლის მიერ ინფორმირებული არჩევანის გაკეთებას, რაც მას მნიშვნელოვანი დანაზოგის გაკეთების შესაძლებლობას მისცემს, ამასთანავე მხარს დაუჭერს სექტორში კონკურენციის გაძლიერებას!
ინფორმაცია განახლდება სუპერმარკეტების ქსელებიდან მოწოდებული ინფორმაციის საფუძველზე, პორტალის მონიტორინგს ახორციელებს საქართველოს კონკურენციის და მომხმარებლის დაცვის სააგენტო (GCCA).
