საქართველოს ბანკის მხარდაჭერით, ბათუმში მეწარმე ქალებისთვის ელ. კომერციის ვორქშოპი გაიმართება

ბიზნესი

„გურმეს" აღმასრულებელი შეფი „ოქროს ლომის“ პირველი ინდივიდუალური კულინარიული კონკურსის ვერცხლის მედალოსანია

09.07.2026.18:00

„გურმეს“ აღმასრულებელმა შეფმა „ოქროს ლომის“ პირველ ინდივიდუალურ კულინარიულ კონკურსზე ვერცხლის მედალი მოიპოვა. ამის შესახებ Business Insider Georgia-ს კომპანიის მარკეტინგისა და საზოგადოებასთან ურთიერთობის ხელმძღვანელმა, ანი იაშვილმა, განუცხადა.

„საქართველოში პირველად გაიმართა ინდივიდუალური კულინარიული კონკურსი „ოქროს ლომი“, რომელიც Worldchefs-ის, Gault&Millau-სა და საქართველოს შეფთა ასოციაციის მხარდაჭერით ჩატარდა.

კონკურსზე „გურმეს“ აღმასრულებელმა შეფმა, დავით შავდათუაშვილმა, ვერცხლის მედალი და მეორე ადგილი მოიპოვა.

ეს წარმატება კიდევ ერთხელ ადასტურებს ჩვენი გუნდის პროფესიონალიზმს, მაღალი ხარისხის სტანდარტებისა და კულინარიული ოსტატობისადმი ერთგულებას. მსგავსი მიღწევები ჩვენთვის მნიშვნელოვანი მოტივაციაა, განვაგრძოთ კულინარიული კულტურის განვითარება და მომხმარებლებს მაღალი ხარისხის პროდუქტი და მომსახურება შევთავაზოთ.

ვულოცავთ დავით შავდათუაშვილს ამ მნიშვნელოვან წარმატებას და მომავალ საქმიანობაში კიდევ არაერთ გამარჯვებასა და საერთაშორისო აღიარებას ვუსურვებთ“, - ამბობს ანი იაშვილი.

ინფორმაციისთვის, „გურმე“ ბაზარზე 2012 წლიდან ოპერირებს და მრავალწლიანი გამოცდილებით მომხმარებელს მაღალი ხარისხის პროდუქტსა და მომსახურებას სთავაზობს.

იანვარ-მაისში საქართველოში $87 მილიონის სმარტფონების იმპორტი განხორციელდა 09.07.2026.17:00

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება 09.07.2026.16:24