საქართველოს ბანკის ორგანიზებით, მცირე და საშუალო ბიზნესისთვის შრომის უსაფრთხოების ვორკშოპი გაიმართა
საქართველოს ბანკის ორგანიზებით, ბიზნეს 360˚-ის შეხვედრების სერიის ფარგლებში, მცირე და საშუალო ბიზნესის წარმომადგენლებისთვის შრომის უსაფრთხოების თემაზე ვორკშოპი გაიმართა.
შეხვედრა სახელწოდებით „შრომის უსაფრთხოება: რისკიდან უპირატესობამდე“ შრომის უსაფრთხოების ექსპერტმა, გიორგი თოდაძემ ჩაატარა. ვორკშოპის ფარგლებში მონაწილეებმა მიიღეს პრაქტიკული ცოდნა იმის შესახებ, თუ როგორ იქცევა უსაფრთხოების სტანდარტების დანერგვა ბიზნესის მდგრადი განვითარების, ფინანსური სტაბილურობისა და რეპუტაციის გაძლიერების ინსტრუმენტად.
ღონისძიებაზე განხილული იყო ისეთი მნიშვნელოვანი საკითხები, როგორიცაა უსაფრთხოების ეკონომიკა და ინვესტიციის უკუგება (ROI); როგორ გადაიქცეს უსაფრთხოება ბიზნესის სტრატეგიულ უპირატესობად; თანამშრომელთა რესურსების მართვა; ლიდერის როლი უსაფრთხოების კულტურის ჩამოყალიბებაში და ნდობაზე დაფუძნებული სამუშაო გარემოს შექმნა.
მონაწილეებმა ასევე მიიღეს პრაქტიკული რეკომენდაციები კრიზისების მართვისა და ბიზნესის უწყვეტობის დაგეგმვის (BCP) მიმართულებით - როგორ მოემზადონ კომპანიები ფორსმაჟორული სიტუაციებისთვის და შეამცირონ შესაძლო ფინანსური თუ ოპერაციული რისკები.
„საქართველოს ბანკი მცირე და საშუალო ბიზნესის მხარდასაჭერად მუდმივად ქმნის ახალ შესაძლებლობებს. მოხარული ვართ, რომ გვაქვს შესაძლებლობა, ბიზნესის წარმომადგენლებს გავუზიაროთ საჭირო ცოდნა და ინსტრუმენტები საქმიანობის განვითარების სხვადასხვა ეტაპზე. ბიზნეს 360˚-ის შეხვედრების სერია სწორედ ამ მიზანს ემსახურება - დაეხმაროს მეწარმეებს, გაიღრმაონ ცოდნა, გააუმჯობესონ მართვის პროცესები და განავითარონ საკუთარი ბიზნესი,“ - აღნიშნავს ეკატერინე ჭურაძე, საქართველოს ბანკის მცირე და საშუალო ბიზნესის არასაბანკო პროდუქტების განვითარების დეპარტამენტის ხელმძღვანელი.
ბიზნეს 360˚ საქართველოს ბანკის პლატფორმაა, რომლის ფარგლებშიც მცირე და საშუალო ბიზნესის წარმომადგენლებისთვის სხვადასხვა აქტუალურ თემაზე პრაქტიკული შეხვედრები და ვორკშოპები იმართება. პლატფორმა ასევე აერთიანებს მრავალფეროვან რესურსებს - ბიზნესკურსებს, კვლევებს და სხვა საჭირო ინფორმაციას ბიზნესის გასავითარებლად.
სხვა სიახლეები
ჩემთვის და ჩემი ჰოლდინგისთვის, Block Stone Capital-ისთვის, საამაყოა, რომ პარტნიორობის ფარგლებში საქართველოში ერთ-ერთი გამორჩეული საერთაშორისო დეველოპერული პროექტის “Trump Tower Tbilisi”-ის განხორციელებას ჩავუყარეთ საფუძველი და მისი მშენებლობის პროცესს დავუდეთ დასაბამი | ლაშა კვაჭაძე
16.09.2026.13:26
ჩემთვის და ჩემი ჰოლდინგისთვის, Block Stone Capital-ისთვის, საამაყოა, რომ პარტნიორობის ფარგლებში საქართველოში ერთ-ერთი გამორჩეული საერთაშორისო დეველოპერული პროექტის “Trump Tower Tbilisi”-ის განხორციელებას ჩავუყარეთ საფუძველი და მისი მშენებლობის პროცესს დავუდეთ დასაბამი, - აცხადებს ლაშა კვაჭაძე, Block Stone Capital-ის დამფუძნებელი.
,,დარწმუნებული ვარ, ეს მასშტაბური პროექტი საქართველოს მსოფლიო დეველოპერულ რუკაზე კიდევ უფრო გამორჩეულ ადგილს დაუმკვიდრებს და ჩვენი ქვეყნის უძრავი ქონების ბაზრის საერთაშორისო ცნობადობის ზრდას შეუწყობს ხელს", - ამბობს ლაშა კვაჭაძე.
ცნობისთვის, Trump Tower საქართველოშია! 2 მილიარდი დოლარის ღირებულების გენგეგმა 7 ჰექტარზე, თბილისის ცენტრალური პარკის მიმდებარედ იშლება - 600,000 კვ.მ სამშენებლო ფართობითა და 6 შენობით. ამ მასშტაბურ კომპლექსში პირველი სწორედ Trump Tower Tbilisi აღიმართება - 280 მეტრის სიმაღლისა და 62-სართულიანი არქიტექტურული ნიშნული.
პროექტს Archi და Invia ერთობლივად ახორციელებენ. ორმა წამყვანმა ქართულმა კომპანიამ უდიდესი როლი ითამაშა თანამედროვე თბილისის არქიტექტურული სახის ჩამოყალიბებაში.