საქართველოს ბანკის sCoolApp-ში მოსწავლეებისთვის ტრივიას ახალი სეზონი დაიწყო

ბიზნესი

მალე ფოთში ლოგისტიკურ ცენტრს გავხსნით - მიხეილ ნამადოვი

05.11.2026.19:00

მალე ფოთში ლოგისტიკური ცენტრს გავხსნით, - ამის შესახებ Kairos Logistics-ის გენერალურმა დირექტორმა, მიხეილ ნამადოვმა ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„თბილისი დაახლოებით საქართველოს ეკონომიკის 60-70%-ია, ძირითადად აქ ხდება თავმოყრა, თუმცა ფოთი დღეს პირველია სატრანზიტო ტვირთების მიმართულებით, სადაც ჩვენც უკვე თვენახევარში გავიხსნებით. საკმაოდ ლამაზი ლოგისტიკური ცენტრი გამოვიდა, იმიტომ, რომ ვიზუალსაც ვაქცევთ ყურადღებას. მიუხედავად იმისა, რომ B2B-ში ვართ და ტურისტებს არ ველოდებით, მაინც გვსიამოვნებს, როცა ხარისხიან პროდუქტს ვთავაზობთ. ხშირად ჩამოდიან ჩვენთან სხვა ქვეყნების დელეგაციები და ამ მიმართულებითაც აქტიურად ვართ ჩართული.

ფოთი ერთ-ერთი საინტერესო ადგილია, თუმცა ფოთს აქვს პრობლემა: ვიცით, რომ ბევრი ჭაობიანი ადგილია და მიწის ფართობის თვალსაზრისით საკმაოდ მცირე რესურსი აქვს მიწის ფონდი საკმაოდ დაბალია.

საინტერესოა ქუთაისი-სამტრედიის ზონა, ერთ-ერთი ყველაზე პერსპექტიულია. ველოდებით, რა თქმა უნდა, ანაკლიის პორტსაც, რომლის უკანაც უნდა განვითარდეს ერთ-ერთი ყველაზე მსხვილი ლოგისტიკური ცენტრი და ჰაბები, რისი მოლოდინიც გვაქვს. დარწმუნებული ვარ, საკმაოდ კარგი პროექტი გამოვა“, - აცხადებს მიხეილ ნამადოვი.

sCoolApp-ის ტრივია ახალი სეზონით ბრუნდება - გამარჯვებული სამი გუნდი პარიზის დისნეილენდში გაემგზავრება 05.11.2026.18:40

სამშენებლო ნებართვების გაცემა უნდა შეიზღუდოს - სანქციები გამოსავალი არ არის, ყველა დეველოპერს მშენებლობის უფლება არ უნდა ჰქონდეს | კობა ყალიჩავა 05.11.2026.18:30