Dreamland Oasis Apartments 2014 წლიდან შავი ზღვის სანაპიროზე wellness real estate-ის მიმართულებით ოპერირებს და მომხმარებლებს საცხოვრებელ და დასასვენებელ კომპლექსებს სთავაზობს. ბაზარზე არსებულ მოთხოვნასა და სამომავლო გეგმებზე Business Insider Georgia-ს ბრენდის მარკეტინგისა და სტრატეგიის დირექტორი ვერიკო სუჯაშვილი ესაუბრა.

როგორია კომპანიის საქმიანობის სპეციფიკა და რას სთავაზობთ მომხმარებლებს?

Dreamland Development 2014 წლიდან ავითარებს wellness real estate-ის კონცეფციას შავი ზღვის სანაპიროზე. კომპანიამ მნიშვნელოვანი როლი შეიტანა ჩაქვის, როგორც თანამედროვე საკურორტო მიმართულების განვითარებაში და დღეს Dreamland და ჩაქვი ერთმანეთთან მჭიდროდ ასოცირდება. ჩვენი პროექტები: Dreamland Oasis და Dreamland Park, აერთიანებს ბუნებას, კომფორტს, დასვენებასა და საინვესტიციო შესაძლებლობებს. 

Dreamland Oasis-ში აპარტამენტები ბარდება სრულად მოწყობილი: რემონტით, ავეჯითა და ტექნიკით, ხოლო Dreamland Park-ში მომხმარებელს შეუძლია აირჩიოს მისთვის სასურველი კონდიცია: თეთრი კარკასი, გარემონტებული ან სრულად მოწყობილი ბინა.

როგორია მოთხოვნა Dreamland Development-ის აპარტამენტებზე?

მოთხოვნა მოდის როგორც ადგილობრივი, ისე საერთაშორისო ბაზრებიდან. მომხმარებლის ინტერესს ძირითადად პირადი გამოყენება და საინვესტიციო პოტენციალი განსაზღვრავს. აპარტამენტების გაქირავებას თავად Dreamland-ის მართვის კომპანია უზრუნველყოფს, რაც მრავალწლიანი გამოცდილების საფუძველზე აქტივის ეფექტურ მართვასა და გაქირავების პოტენციალის მაქსიმალურ გამოყენებას უზრუნველყოფს.

რა არის თქვენი მთავარი კონკურენტული უპირატესობა?

ჩვენი მთავარი უპირატესობაა 12-წლიანი გამოცდილება, უკვე მოქმედი Dreamland Oasis და შექმნილი ინფრასტრუქტურა: კეთილმოწყობილი სანაპირო, აუზები, რესტორნები, სპორტული და გასართობი სივრცეები.

მომხმარებელი ხედავს არა მხოლოდ დაპირებას, არამედ უკვე შექმნილ და მოქმედ ეკოსისტემას.

რა არის კომპანიის უახლოესი პრიორიტეტები?

ჩვენი მთავარი მიზანია, Dreamland-ი რეგიონში Wellness & Eco Real Estate-ის ერთ-ერთ წამყვან ბრენდად დავამკვიდროთ.

ამისთვის უახლოეს პერიოდში ვაძლიერებთ wellness მიმართულებას და ვხსნით მასშტაბურ Spa & Wellness Center-ს, რომელიც კომპლექსის ინფრასტრუქტურას კიდევ უფრო გაამრავალფეროვნებს და ხელს შეუწყობს Dreamland-ის ოთხივე სეზონზე ფუნქციონირებას.

პარალელურად, აქტიურად ვავითარებთ Dreamland Park-ს ეკო-კონცეფციით და ვაფართოებთ საერთაშორისო გაყიდვების გეოგრაფიას.