საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ბიზნესი

როგორ აფასებს Georgias Natural Organic Anuga Select India 2026-ში მონაწილეობას და რა გეგმები აქვს კომპანიას სამომავლოდ

06.11.2026.18:00

Georgias Natural Organic-მა საერთაშორისო გამოფენაში Anuga Select India 2026 მიიღო მონაწილეობა. ინდოეთის ქალაქ მუმბაიში გამართულ ღონისძიებაზე კომპანიამ პრემიუმ ორგანული პროდუქციის კოლექცია წარადგინა. გამოფენის მნიშვნელობასა და კომპანიის საერთაშორისო განვითარების გეგმებზე Business Insider Georgia-ს კომპანიის წარმომადგენელი ესაუბრა.

„2026 წლის 29 სექტემბრიდან 1 ოქტომბრის ჩათვლით, ინდოეთის ქალაქ მუმბაიში გამართულ საერთაშორისო გამოფენაში Anuga Select India 2026 მივიღეთ მონაწილეობა და საერთაშორისო ექსპერტებსა და კვების ინდუსტრიის წარმომადგენლებს ჩვენი პრემიუმ ორგანული პროდუქციის კოლექცია წარვუდგინეთ.

Anuga Select India კვებისა და სასმელების სექტორის მნიშვნელოვანი საერთაშორისო ბიზნესპლატფორმაა, რომელიც სხვადასხვა ქვეყნის მწარმოებლებს, დისტრიბუტორებსა და დარგის პროფესიონალებს აერთიანებს. ამ მასშტაბურ ღონისძიებაში მონაწილეობა ჩვენთვის საერთაშორისო განვითარების კიდევ ერთი მნიშვნელოვანი ეტაპია და შესაძლებლობა, საერთაშორისო აუდიტორიას გავაცნოთ ჩვენი საქმიანობის მაღალი სტანდარტები, პროდუქციის ხარისხი და ღირებულებები, რომლებიც ჩვენი ბრენდის საფუძველს წარმოადგენს.

გვჯერა, რომ საერთაშორისო გამოფენებში მონაწილეობა მნიშვნელოვანი შესაძლებლობაა ქართული პროდუქციის გლობალური ცნობადობის გაზრდის, საერთაშორისო პარტნიორული ურთიერთობების განვითარების და საქართველოს ბუნებრივი რესურსებისა და ხარისხიანი ორგანული პროდუქციის მსოფლიო ბაზარზე წარმოჩენისთვის“, - აცხადებს კომპანიის წარმომადგენელი.