საქართველოს ეკონომიკური სიკეთეების ჩვენებით, საკმაოდ საინტერესოა ინდუსტრიული პარკების განვითარების კონცეფცია - ამის შესახებ Kairos Logistics-ის გენერალურმა დირექტორმა, მიხეილ ნამადოვმა ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„პირველ რიგში, უნდა ვაგრძნობინოთ, რომ უსაფრთხო, ბიზნესისთვის ხელსაყრელი ქვეყანა ვართ, მათი ინვესტიციები დაცულია. ყველანი ვხედავთ და სასიხარულოა, ჩემი აზრით, როგორ ვითარდება ჩვენი უძრავი ქონების ბაზარი დღეს.

ამ თვალსაზრისით, ამ სიკეთეების ჩვენებით, საკმაოდ საინტერესოა ინდუსტრიული პარკების განვითარების კონცეფცია. ეს იყო ბალტიისპირეთში, პოლონეთში, სხვადასხვა ქვეყნებში, სადაც ერთობლივად კლასტერიზაცია ხდება და ყველას აქვს თავისი მიმართულება. ჩემი აზრით, ანაკლია იქნება ერთ-ერთი ამის მაგალითი.

ვფიქრობ, კლასტერიზაცია იქნებოდა საინტერესო მათთვის, სადაც პროფილურად განვითარდებოდა ყველა. მეორე იქნებოდა საინტერესო და იქიდან გამომდინარე, რომ ისევ აქცენტს ვიღებთ ჩვენ შუა აზიის განვითარებაზე და მანდ საკმაოდ დაბალ დონეზეა განვითარებული კონტეინერიზაცია, დაახლოებით 5%-მდეა, ხოლო ძირითადი მათი არტერია არის სახმელეთო გადაზიდვები, ტრაილერები და რკინიგზა. ამ მიმართულებით მათი მოძიება და ჩვენი გაშვება მაგ მხარეს.

კიდევ ერთ ძალიან დიდ პერსპექტივას ვხედავთ ჩინეთის მიმართულებით, იმიტომ, რომ ჩინეთიდან აურაცხელი ტვირთი დღესაც ჩრდილოეთის დერეფნით მიდის ევროპის მიმართულებით და აქ სერიოზული კონკურენციის გაწევა შეგვიძლია. აქ აუცილებლად უნდა ვიმუშაოთ, თუმცა ამას სჭირდება სერიოზული ინვესტიციები და სერიოზული განვითარება. ამ პროცესში, თუნდაც ქართველები, ასევე აზერბაიჯანელები და ყაზახები აქტიურად არიან ჩართულები და მაქსიმალურად ვმუშაობთ ამ მიმართულების განვითარებაზე.

შეგვიძლია ვთქვათ, რომ აბრეშუმის გზა ისევ ცოცხლდება“, - აცხადებს მიხეილ ნამადოვი.