საქართველოს ტურისტულ სექტორს კიდევ ერთი საერთაშორისო მასშტაბის პროექტი დაემატა. VR Holding-მა, პროექტ VR Shekvetili Forest Beach-ის ფარგლებში, შეკვეთილში ლეგენდარული ბრენდის Café del Mar-ის პირველი ოფიციალური Beach Club გახსნა. ეს მნიშვნელოვანი მოვლენაა ქვეყნისთვის, რადგან Café del Mar საქართველოში პირველად დამკვიდრდა, ხოლო შავი ზღვის სანაპიროზე გაიხსნა პირველი ოფიციალური საერთაშორისო Beach Club, რომელიც ბრენდის ავთენტურ კონცეფციას სრულად ასახავს.

Beach Club-ის გახსნა ოფიციალური საზეიმო ღონისძიებით აღინიშნა. ღონისძიება ლენტის გაჭრის ცერემონიით დაიწყო, რითაც Café del Mar-ის საქართველოში საქმიანობას ოფიციალურად ჩაეყარა საფუძველი. სტუმრების წინაშე საერთაშორისო არტისტებმა მუსიკალური და შოუ-პერფორმანსები გამართეს, რომლებმაც ბრენდის გამორჩეული ატმოსფერო და კონცეფცია თვალსაჩინოდ წარმოაჩინა.

ზაფხულის სეზონის განმავლობაში Café del Mar Beach Club სტუმრებს მრავალფეროვან გასართობ პროგრამას შესთავაზებს. სივრცეში რეგულარულად გაიმართება საერთაშორისო დიჯეების, მუსიკოსებისა და არტისტების მონაწილეობით ღონისძიებები, რომლებიც Café del Mar-ის მსოფლიოში ცნობილ მუსიკალურ იდენტობას საქართველოში გადმოიტანს. ცოცხალი მუსიკა, თანამედროვე სანახაობრივი შოუები და ექსკლუზიური ღონისძიებები Beach Club-ს შავი ზღვის სანაპიროს ერთ-ერთ ყველაზე გამორჩეულ გასართობ სივრცედ აქცევს.

Café del Mar მსოფლიო მასშტაბით პრემიუმ სანაპირო ცხოვრების სტილის, მუსიკისა და განსაკუთრებული ატმოსფეროს ერთ-ერთი ყველაზე ცნობილი ბრენდია. ის წარმატებით ფუნქციონირებს არაერთ პოპულარულ საკურორტო მიმართულებაზე, ხოლო მისი საქართველოში შემოსვლა ქვეყნის ტურისტული ინდუსტრიის განვითარებისა და საერთაშორისო პოზიციონირების მნიშვნელოვანი ეტაპია.

VR Shekvetili Forest Beach პრემიუმ კლასის საინვესტიციო პროექტია, რომელიც ბუნებრივ გარემოს, თანამედროვე არქიტექტურას, მაღალი სტანდარტის მომსახურებასა და საერთაშორისო დონის სტუმარმასპინძლობის გამოცდილებას აერთიანებს.

Café del Mar-ის საქართველოში შემოსვლა VR Holding-ის სტრატეგიული განვითარების ნაწილია და კიდევ ერთხელ ადასტურებს კომპანიის მიზანს, ქვეყანაში საერთაშორისო მნიშვნელობის ტურისტული ინფრასტრუქტურის განვითარების მიმართულებით.

აღსანიშნავია, რომ VR Holding საქართველოში Café del Mar-ის ექსკლუზიური პარტნიორია.

პროექტი მნიშვნელოვნად შეუწყობს ხელს საქართველოს ტურისტული მიმზიდველობის ზრდას და გააძლიერებს ქვეყნის, როგორც პრემიუმ სანაპირო ტურისტული მიმართულების, პოზიციონირებას საერთაშორისო ბაზარზე.