სასტუმრო „ნიუპორტი“ უკვე მეხუთედ გახდა Booking.com Traveller Review Awards -ის მფლობელი , - ამის შესახებ, Business Insider Georgia - ს სასტუმროს გენერალურმა მენეჯერმა, ლანა სულაქველიძემ განუცხადა.

„უკვე მეხუთედ გავხდით Booking.com Traveller Review Awards-ის მფლობელი და ჩვენი ოფიციალური შეფასება 9.2 გახდა. ქუთაისში 4-ვარსკვლავიან სასტუმროებს შორის აღნიშნული შეფასებით პირველ ადგილზე ვართ.

სასტუმრო „ნიუპორტი“ უკვე მეხუთედ გახდა Booking.com Traveller Review Awards -ის მფლობელი , - ამის შესახებ, Business Insider Georgia - ს სასტუმროს გენერალურმა მენეჯერმა, ლანა სულაქველიძემ განუცხადა.

„უკვე მეხუთედ გავხდით Booking.com Traveller Review Awards-ის მფლობელი და ჩვენი ოფიციალური შეფასება 9.2 გახდა. ქუთაისში 4-ვარსკვლავიან სასტუმროებს შორის აღნიშნული შეფასებით პირველ ადგილზე ვართ.

ეს შედეგი ჩვენთვის განსაკუთრებით მნიშვნელოვანია. 2025 წლის განმავლობაში სტაბილურად შევინარჩუნეთ 9.2-იანი მაჩვენებელი. მანამდე, სამი წლის განმავლობაში, ჩვენი შეფასება 9.1 იყო, შემდეგ კი 9.2-მდე გავზარდეთ, რაც მომხმარებელთა ნდობის ზრდას კიდევ უფრო უსვამს ხაზს.

ბოლო პერიოდში გამოიკვეთა შემდეგი ტენდენცია: სტუმრების უმრავლესობა სასტუმროს არჩევისას გადაწყვეტილებას იღებს არა ბრენდის ან რაიმე ფორმალური ნიშნის მიხედვით, არამედ სხვა სტუმრების შეფასებებსა და კომენტარებზე დაყრდნობით ე.წ. „ცოცხალი რეკლამის“ საფუძველზე.

ადამიანები თავად ჯავშნიან, გვსტუმრობენ და საკუთარ გამოცდილებას საკუთარი სურვილით აზიარებენ Booking.com-ზე და სხვა ონლაინ პლატფორმებზე. შესაბამისად, ჩვენთვის ეს რეიტინგი განსაკუთრებით მნიშვნელოვანია, რადგან ის რეალური სტუმრების შეფასებებს ეფუძნება.

„ჯავშნების მხრივ, ჩვენი სეზონი იწყება დაბიუჯეტების, ფასების შერჩევისა და გადახედვის შემდეგ. ამის შემდეგ ვაგზავნით შეთავაზებებს ტურისტულ კომპანიებთან - პროცესი ოქტომბრის ბოლოდან იწყება, ხოლო ჯავშნები აქტიურდება მაისის ბოლოდან.

რაც შეეხება ონლაინ პლატფორმებს, სისტემა მთელი წლის განმავლობაში ხელმისაწვდომია, რაც საშუალებას გვაძლევს მუდმივად მივიღოთ ჯავშნები. ბოლო პერიოდში ონლაინ ჯავშნების პროცენტული მაჩვენებელი საგრძნობლად გაიზარდა, რაც მომხმარებელთა აქტიურობასა და ინტერესზე მიანიშნებს “, - აცხადებს ლანა სულაქველიძე.

სამომავლოდ „ნიუპორტი“ სტუმრებისთვის სხვადასხვა სიახლეების შეთავაზებას გეგმას.

„ზოგადად, ქუთაისი გამანაწილებელი ჰაბია, სადაც ტურისტების დარჩენის ხანგრძლივობა მაქსიმუმ 2 დღეა. ჩვენი მიზანია, სტუმრები უფრო დიდხანს დავტოვოთ სასტუმროში, ამიტომ დაგეგმილი გვაქვს სხვადასხვა აქტივობები, რომელთა დეტალების გაჟღერებისგანაც ამ ეტაპზე თავს შევიკავებ. Long-stay სტუმრები ჩვენთვის განსაკუთრებულად მნიშვნელოვანია “, - აღნიშნავს სასტუმროს გენერალური მენეჯერი.

ცნობისთვის, Newport Hotel Kutaisi 2021 წლიდან ოპერირებს ბაზარზე და წარმოადგენს ადგილს, სადაც ისტორია და თანამედროვეობა ერთმანეთს ერწყმის. მისი უნიკალური არქიტექტურა, შესანიშნავი მდებარეობა და მაღალი ხარისხის მომსახურება ქმნის მყარ საფუძველს წარმატებისთვის, როგორც ადგილობრივი, ასევე საერთაშორისო ტურისტების თვალში.