სასტუმრო ტელეგრაფში, სილქნეტის მხარდაჭერით, ახალი სივრცე გაიხსნა, რომელიც გამოფენებსა და სხვადასხვა ღონისძიებას უმასპინძლებს და სტუმრებს მრავალფეროვან გამოცდილებას შესთავაზებს.

ახალ დარბაზში პირველი გამოფენა მულტიმედიური არტისტის, ტატო ახალკაციშვილის ნამუშევრების გამოფენას დაეთმო. ეს მხატვრის ბოლო ერთი წლის მანძილზე შექმნილი ექსპოზიციაა.ნახატები მისტიკურ და სიურეალისტურ პეიზაჟებს ბუნდოვან ჰორიზონტებთან აერთიანებს. ფერწერის და გრაფიკის გარდა, ავტორი კოლაჟებს, ინსტალაციებს, არტ ობიექტებს და ვიდეოარტს ქმნის. მისი ნამუშევრები დაცულია გერმანიის, იტალიის, საფრანგეთის, იაპონიის, აშშ-ს, საბერძნეთის, შვეიცარიის, ჩინეთის, თურქეთის და საქართველოს კერძო კოლექციებში.

“სილქ როუდ ჯგუფი, კომპანიაა, რომელიც გამოირჩევა ხელოვნების მხარდაჭერით. ეს ახალი სივრცეც არის ამის ერთ-ერთი დასტური, იმ მნიშნვნელოვანი დიდი პროქტების გარდა, რასაც კომპანია ახორციელებს. მიხარია, რომ ამ სივრცის გახსნა ჩემი ნამუშევრებით მოხდა. უმეტესად ეს არის ბოლო 1 წლის მანძილზე შექმნილი ნამუშევრები, ჯერ არსად არ გამოფენილა და პირდაპირ ჩემი სტუდიოდან გადმოვიდა ამ სივრცეში.” - მხატვარი ტატო ახალკაციშვილი.

სილქნეტისა და “სილქ ჰოსფითალითის” თანამშრომლობით, არაერთი გამოფენა გამართულა, თბილისის და წინანდლის საგამოფენო სივრცეებში. გასულ წლებში რედისონში ლევან ჭოღოშვილის, ზურა აფხაზის ნამუშევრები გამოიფინა. ასევე სილქნეტის მხარდაჭერით წინანდალში აბსტრაქციონისტი ფერმწერის, ჯიბსონ ხუნდაძის, გრაფიკოსის, ფერმწერის, თეატრის მხატვრის კირილ ზდანევიჩის, ავანგარდი სცენოგრაფის, ირაკლი გამრეკელის და ფერმწერის ფელიქს ვარლას გამოფენები გაიმართა. საგამოფენო სივრცე გვირაბში სეზონი თანამედროვე არტისტის ლია ბაგრატიონის ინსტალაციებით გაიხსნა.