School 360 საქართველოში პირველი ონლაინ პლატფორმაა, რომელიც სკოლებისთვის, მოსწავლეებისა და მშობლებისთვის საჭირო პროდუქტებსა და სერვისებს ერთ სივრცეში აერთიანებს. მეტი ინფორმაციისთვის Business Insider Georgia კომპანიის დამფუძნებელს, მეგი კიკალეიშვილი-ქავთარაძეს, და კომპანიის დირექტორს, ანნა ქათამაძეს, ესაუბრა.

როგორია კომპანიის საქმიანობის სპეციფიკა და როდიდან ოპერირებთ ბაზარზე?

School 360 არის საქართველოში პირველი ონლაინ პლატფორმა, რომელიც აერთიანებს სკოლებისთვის, მოსწავლეებისა და მშობლებისთვის საჭირო პროდუქტებსა და სერვისებს ერთ სივრცეში. ჩვენი მიზანია სასკოლო პროცესების გამარტივება და დროის დაზოგვა. კომპანია 2026 წელს შეიქმნა და ამჟამად აქტიურად მუშაობს გაფართოებაზე.

რა სერვისებს აერთიანებს პლატფორმა ამ ეტაპზე და როგორ ამარტივებს ის მოსწავლეების, მშობლებისა და სკოლების ყოველდღიურ პროცესებს?

School 360-ის მეშვეობით მშობლებს შეუძლიათ შეუკვეთონ სკოლაზე მორგებული სასკოლო საკანცელარიო ნაკრები School Box-ები, რომლებიც სრულად შეესაბამება სასწავლო წლის მოთხოვნებს, ასევე სხვადასხვა წრეებისთვის განკუთვნილი ნაკრები, მათ შორის ხელოვნების, ცურვის, ცეკვის და ა.შ.

მომხმარებელს ასევე შეუძლია შეუკვეთოს ცალკეული საკანცელარიო ნივთები, წიგნები, იქირაოს საკარნავალო ფორმები, შეიძინოს სკოლის ფორმა, ან მიმართოს ონლაინ ასისტენტს ნებისმიერ სხვა საკითხზე. ეს ყველაფერი შესაძლებელია სახლიდან გაუსვლელად.

გარდა ამისა, პლატფორმა აერთიანებს სხვადასხვა სასკოლო სერვისს და სთავაზობს მომხმარებლებს კომპანიების კატალოგს. მასტერკლასები, საგანმანათლებლო და შემეცნებითი აქტივობები, ფოტოგადაღება, ვიდეოგადაღება, ღონისძიებების ორგანიზება და სხვა. სკოლებისთვის ეს ნიშნავს ნაკლებ ადმინისტრაციულ დატვირთვას, ხოლო მშობლებისთვის - ერთ სივრცეში ყველა საჭირო სერვისზე სწრაფ და მარტივ წვდომას.

რას მიიჩნევთ მთავარ კონკურენტულ უპირატესობად?

ჩვენი მთავარი უპირატესობა არის კომპლექსური მიდგომა. School 360 არ არის მხოლოდ სასკოლო ნივთების პლატფორმა - ეს არის სკოლების პარტნიორი, რომელიც აერთიანებს ყველა საჭირო სერვისს ერთ ეკოსისტემაში.

კომპანიის სამომავლო გეგმები და განვითარების ხედვა?

ჩვენი მიზანია School 360 გახდეს საქართველოს წამყვანი დამხმარე ონლაინ პლატფორმა. უახლოეს პერიოდში ვგეგმავთ კერძო სკოლებთან თანამშრომლობის გაფართოებას, ვიმატებთ პარტნიორ კომპანიებს, ვაუმჯობესებთ ონლაინ გადახდისა და პერსონალიზაციის შესაძლებლობებს. გრძელვადიან პერსპექტივაში კი ვხედავთ School360-ს, როგორც სრულყოფილ ციფრულ ეკოსისტემას, რომელიც სკოლების, მშობლებისა და მოსწავლეების ყოველდღიურ საჭიროებებს ერთ სივრცეში დააკმაყოფილებს.