სელფი მობაილი შრომისა და ღირსეული სამუშაოს სამოქმედო პლატფორმის თანათავმჯდომარეა
სელფი მობაილი გაეროს გლობალური შეთანხმების საქართველოს ქსელის ინიციატივის, შრომისა და ღირსეული სამუშაოს სამოქმედო პლატფორმის თანათავმჯდომარეა.
პლატფორმა მიზნად ისახავს ბიზნეს სექტორში ღირსეული შრომის სტანდარტების გაძლიერებას და წევრ კომპანიებს აძლევს შესაძლებლობას, სისტემურად განავითარონ სამუშაო ადგილზე ღირსების დაცვის, დისკრიმინაციის პრევენციის, სამართლიანი ანაზღაურებისა და უსაფრთხო სამუშაო გარემოს უზრუნველყოფის პრაქტიკა.
პლატფორმის ფარგლებში დაგეგმილი სამუშაო შეხვედრები და აქტივობები კომპანიებს დაეხმარებათ ცოდნის გაღრმავებაში და მათი საქმიანობის საერთაშორისო და ადგილობრივ სტანდარტებთან შესაბამისობაში მოყვანაში. სელფი მობაილი მონაწილეებს გაუზიარებს საკუთარ გამოცდილებასა და პრაქტიკულ მიდგომებს სამუშაო ადგილზე ღირსების დაცვისა და ინკლუზიური გარემოს განვითარების მიმართულებით.
სელფი მობაილი გაეროს გლობალური შეთანხმების საქართველოს ქსელის წევრია 2023 წლიდან და აქტიურად მონაწილეობს ბიზნეს სექტორის როლის ზრდაში მდგრადი განვითარების მიზნების მიღწევაში.
შეხვედრებზე კომპანიები განიხილავენ:
• სასამართლო პრაქტიკის მიმოხილვა: შრომითი ურთიერთობის შეწყვეტის საფუძვლები
• ღირსეული სამუშაო პრაქტიკაში: თანამშრომლების ტრენინგი, უნარების განვითარება და ხელოვნური ინტელექტი
• ბავშვთა უფლებები და ბიზნესის პრინციპები: პროდუქტებისა და სერვისების უსაფრთხოება
• შრომის საერთაშორისო ორგანიზაციის (ILO) დეკლარაცია შრომით საქმიანობაში ძირითადი პრინციპებისა და უფლებების შესახებ: უსაფრთხოება და ჯანმრთელობა ყველასთვის.
დამატებითი ინფორმაციისთვის სელფის შესახებ, ეწვიეთ http://cellfie.ge; ასევე ჩვენი სოციალური მედიის არხებს:
სხვა სიახლეები
Starbucks-ი იაპონიის ბაზარზე საკონტროლო წილის გაყიდვას განიხილავს
21.09.2026.19:00
Starbucks-ის მიერ იაპონიის ბიზნესში საკონტროლო წილის გაყიდვის შესაძლებლობა განიხილება, რაც პოტენციურ გარიგებაში ყავის ქსელის უმსხვილეს, თავად კომპანიის მიერ ოპერირებად ბაზარს დაახლოებით 3 მილიარდ დოლარად შეაფასებდა. მსოფლიოს უმსხვილესი ყავის ქსელის იაპონიის ბიზნესი 1 883 ობიექტს მოიცავს და 2025 წლის სექტემბრის მდგომარეობით, Starbucks-ის გლობალური ქსელის თითქმის 9%-ს შეადგენს. წყაროების ცნობით, Starbucks-მა რამდენიმე ფინანსურ მრჩეველს ბიზნესის შესაძლო გარიგების ვარიანტებზე წინადადებების წარმოდგენა სთხოვა და საკონტროლო წილის გაყიდვის შესაძლებლობასაც განიხილავს. Starbucks Japan-ის საბაზრო შეფასება საჯაროდ ცნობილი არ არის, თუმცა წყაროების თქმით, ბიზნესი შესაძლოა დაახლოებით 3 მილიარდ დოლარად შეფასდეს.
ერთ-ერთი წყაროს განცხადებით, საბოლოოდ გასაყიდი წილის მოცულობა ჯერ განსაზღვრული არ არის, ხოლო შეფასება, რომლის მიღებასაც Starbucks საბოლოოდ ისურვებს, მოლაპარაკებების საგანი იქნება.
ბუტიკური სტილი და ახალი კონცეფცია რაჭაში - რას სთავაზობს Racha Roots Boutique House ვიზიტორებს
21.09.2026.18:00
„თოლია“ სანაყინეების ქსელის გაფართოებას აგრძელებს - კომპანიამ რიგით 34-ე ფილიალი გახსნა
21.09.2026.16:00
თიბისის მდგრადი განვითარების ღონისძიება - „მდგრადი ტრანსფორმაცია: ხელოვნური ინტელექტი, ტექნოლოგიები, ბიზნესი და ზეგავლენა“
21.09.2026.14:48
