სელფი მობაილის ქსელის სიახლეები: თებერვალი 2026
სელფი მობაილი აგრძელებს ქსელის უწყვეტ გაუმჯობესებას და მომხმარებლის ინფორმირებას პროგრესის შესახებ.
სელფის ქსელი კიდევ უფრო საიმედო გახდა - ბოლო ერთი წლის განმავლობაში, 28%-ით გაიზარდა ქსელის ხელმისაწვდომობა, რაც ნიშნავს ნაკლებ ტექნიკურ შეფერხებას, უფრო სტაბილურ კავშირს და პრობლემის შემთხვევაში სწრაფ რეაგირებას.
მომხმარებლისთვის მობილური კავშირის ყოველდღიური გამოყენებისას უკეთესი გამოცდილების შექმნისთვის, თებერვლის თვეში სელფიმ ასევე მოახდინა 3G ქსელის სიხშირული განახლება. ეს პროცესი გულისხმობს: ქსელის სტაბილურობის გაზრდას, ზარების ხარისხის გაუმჯობესებასა და კავშირის გაწყვეტის რისკის მინიმიზაციას. განახლების ეფექტი უკვე აისახა კონკრეტულ ლოკაციებზე: სამგორში და კასპის მუნიციპალიტეტში, სადაც საშუალოდ 0.26%-ით გაუმჯობესდა სატელეფონო ზარების უწყვეტობა, შემცირდა შეფერხების ალბათობა და გაიზარდა კავშირის სტაბილურობა.
სელფი მობაილი უწყვეტად განაგრძობს ზრუნვას ქსელის განვითარებაზე, მომხმარებლების გამოცდილების კიდევ უფრო მეტი გაუმჯობესებისთვის.
სხვა სიახლეები
„ბიოტეკსის“ პროდუქციის წარდგენა საერთაშორისო ბაზარზე - AgroWorld Qazaqstan 2026-ის შედეგები
16.11.2026.16:00
ქართული ვეტერინარული ფარმაცევტული კომპანია „ბიოტეკსი“ ყაზახეთში გამართულ საერთაშორისო აგრარულ გამოფენაში, AgroWorld Qazaqstan 2026-ში მონაწილეობდა. კომპანიამ საერთაშორისო აუდიტორიას საკვებდანამატები, ვეტერინარული პრეპარატები და მცენარის ზრდის სტიმულატორი- „ბიოაქტივი“ წარუდგინა.
გამოფენის ფარგლებში „ბიოტეკსის“ წარმომადგენლებმა სხვადასხვა ქვეყნის მსხვილ ფერმერებთან და დისტრიბუტორებთან შეხვედრები გამართეს. კომპანიას შესაძლებლობა ჰქონდა, პოტენციური პარტნიორებისთვის გაეცნო საკუთარი პროდუქცია და უშუალოდ მათგან მიეღო ინფორმაცია ბაზრის საჭიროებებისა და მოთხოვნის შესახებ.

განსაკუთრებული ინტერესი გამოიკვეთა „ბიოაქტივის“, „ბიოზანისა“ და „ფისტოკლოზანიდის“ მიმართ. დაინტერესებულ მხარეებთან ინფორმაციის გაცვლა და მიმოწერა ადგილზე დაიწყო და საქართველოში დაბრუნების შემდეგაც გაგრძელდა. კომპანიის შეფასებით, მონაწილეობის ერთ-ერთი მთავარი შედეგი სწორედ ამ კომუნიკაციის გაგრძელებაა, რაც შესაძლო თანამშრომლობის შემდგომი განხილვის საფუძველს ქმნის.
„ბიოტეკსისთვის“ საერთაშორისო გამოფენებში მონაწილეობა საექსპორტო განვითარების მნიშვნელოვანი ნაწილია. მსგავსი შეხვედრები კომპანიას ეხმარება, წარადგინოს საქართველოში წარმოებული პროდუქცია, შეაფასოს მის მიმართ ინტერესი და გააფართოოს პოტენციური პარტნიორების წრე. AgroWorld Qazaqstan 2026-ზე შეხვედრებმა ეს შესაძლებლობა ერთდროულად რამდენიმე მიმართულებით - ვეტერინარიის, ცხოველთა კვებისა და მემცენარეობის სფეროებში შექმნა.

გამოფენაში „ბიოტეკსის“ მონაწილეობა Invest in Georgia-ს ორგანიზებით განხორციელდა. საერთაშორისო ღონისძიებებზე ქართული მწარმოებლების წარდგენის მხარდაჭერა კომპანიებს უცხოელ შემსყიდველებთან უშუალო კომუნიკაციისა და ახალი საექსპორტო შესაძლებლობების გამოვლენის საშუალებას აძლევს.
„ბიოტეკსი“ 1991 წლიდან საქმიანობს ვეტერინარული პრეპარატებისა და საკვებდანამატების წარმოების მიმართულებით. კომპანიას საექსპორტო გამოცდილება აქვს სომხეთის, აზერბაიჯანისა და თურქმენეთის ბაზრებზე. ყაზახეთში გამოფენის ფარგლებში დაწყებული კომუნიკაცია საერთაშორისო პარტნიორული ქსელის გაფართოების კიდევ ერთი შესაძლებლობაა.