მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7194.7
0.0097
flag
AZN 1.5258
-0.0001
flag
CNY 38.869
-0.0022
flag
EUR 2.8649
-0.0144
flag
GBP 3.4287
-0.0144
flag
KZT 58.3
-0.0019
flag
TRY 0.0515
-0.0001
flag
USD 2.5934
-0.0001
news banner

სელფიმ საუკეთესო ციფრული გამოცდილებისთვის ჯილდო მიიღო

news image
mbc image

“სელფის” აპლიკაცია, MyCellfie, 2026 წლის Global Recognition Award-ის გამარჯვებულია. Აპლიკაციამ საერთაშორისო აღიარება მომხმარებლის საუკეთესო ციფრული გამოცდილების მიმართულებით მიიღო. ჯილდოს მინიჭების გადაწყვეტილებაში ხაზგასმულია, რომ “სელფის” ციფრული ეკოსისტემა, ტელეკომ მომსახურებების მარტივად მართვასთან ერთად, მომხმარებელს სათავაზობს: პერსონალიზებულ შეთავაზებებს, ლოიალობის პროგრამას და მომხმარებლის ყოველდღიურ საჭიროებებზე მორგებულ ფუნქციებს.

MyCellfie დღეს მართლაც ბევრად მეტია, ვიდრე ტელეკომ სერვისების სამართავი აპლიკაცია და მის პოპულარობას ცხადყოფს აქტიური მომხმარებლის რიცხვის ზრდა. აპლიკაცია მუდმივად ვითარდება და სწორედ მომხმარებლის გამოცდილების გაუმჯობესებას ეფუძნება. MyCellfie-ს ემატება როგორც ახალი ფუნქციები, ისე ხდება არსებულების გამარტივება.

ბოლო განახლებებიდან აღსანიშნავია:

  • გამარტივებული ავტორიზაცია - რეგისტრაციისა და შესვლის პროცესი გაერთიანდა, პაროლის შექმნის აუცილებლობა გაუქმდა და მომხმარებელს აპში შესასვლელად მხოლოდ ნომრისა და ერთჯერადი კოდის მითითება სჭირდება;
  • განახლდა მთავარი გვერდი და ნავიგაცია, რათა ბალანსის შევსება, პაკეტის გააქტიურება და დარჩენილი ინტერნეტის, წუთებისა თუ სხვა რესურსების ნახვა კიდევ უფრო სწრაფად და მარტივად იყოს შესაძლებელი;
  • გამარტივდა პაკეტების შეძენა. მაგალითად, თუ მომხმარებელს კრედიტის ან 112-ის გადასახადის გადახდა უწევს, აპი საბანკო ბარათით გადახდისას ავტომატურად ითვლის როგორც გადასახადს, ისე პაკეტის ღირებულებას და ერთი გადახდით ფარავს. Ასევე, ბალანსის შევსებისას, მომხმარებელი წინასწარ ხედავს, რა თანხა მოხმარდება გადასახადის დაფარვას და რამდენი რჩება ანგარიშზე;
  • გაუმჯობესდა როუმინგის გამოცდილებაც. პაკეტების არჩევა და შეძენა უფრო მარტივი გახდა, ხოლო განმეორებითი შეძენისას აპი მომხმარებელს წინასწარ აფრთხილებს, იმ შემთხვევაში თუ ახალი პაკეტის გააქტიურებით დარჩენილი ინტერნეტი ჩანაცვლდება.

Პრაქტიკულთან ერთად, MyCellfie მომხმარებელს სთავაზობს სერვისებს, რომლებიც აპლიკაციას ყოველდღიური ჩართულობის სივრცედ აქცევს. Bonus Steps ფიზიკურ აქტივობას ციფრულ სარგებელთან აკავშირებს - დღეში 5,000 ნაბიჯის გავლის შემთხვევაში მომხმარებელი საჩუქრად მობილურ ინტერნეტს იღებს. MyCellfie-ში ინტეგრირებული ლოიალობის პლატფორმა კი მომხმარებლებს სხვადასხვა ბრენდის სპეციალურ შეთავაზებებსა და ფასდაკლებებზე აძლევს წვდომას. Მომხმარებელს აპლიკაციაში ასევე ხვდება პერსონალიზებული შეთავაზებები და მომგებიანი თამაშები.

„MyCellfie-ს განვითარებისას ჩვენთვის მთავარი კითხვაა - როგორ გავუმარტივოთ მომხმარებელს ურთიერთობა "სელფისთან”. ზოგჯერ პასუხი სრულიად ახალი ფუნქციაა, ზოგჯერ კი ერთი ზედმეტი ნაბიჯის ან პროცესის მოხსნაა. ამასთან, ჩვენი გუნდი ზრუნავს იმაზე, რომ MyCellfie მხოლოდ ტელეკომ სერვისების მართვის ადგილი არ იყოს და მომხმარებელს აქ ყოველდღიური სარგებელიც ხვდებოდეს. Სასიხარულოა, რომ ეს კიდევ ერთი საერთაშორისო აღიარება სწორედ იმ გამოცდილებას აფასებს, რომელსაც ყოველდღიურად ვქმნით ჩვენი მომხმარებლებისთვის,“ ამბობს ციფრული მიმართულებებისა და ინოვაციების ხელმძღვანელი, ია კუპატაძე.

დამატებითი ინფორმაციისთვის სელფის შესახებ, ეწვიეთ http://cellfie.ge; ასევე ჩვენი სოციალური მედიის არხებს:

Facebook

Instagram

YouTube

LinkedIn

 

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

ბიზნესი
image „ბიოტეკსის“ პროდუქციის წარდგენა საერთაშორისო ბაზარზე - AgroWorld Qazaqstan 2026-ის შედეგები

16.11.2026.16:00

ქართული ვეტერინარული ფარმაცევტული კომპანია „ბიოტეკსი“ ყაზახეთში გამართულ საერთაშორისო აგრარულ გამოფენაში, AgroWorld Qazaqstan 2026-ში მონაწილეობდა. კომპანიამ საერთაშორისო აუდიტორიას საკვებდანამატები, ვეტერინარული პრეპარატები და მცენარის ზრდის სტიმულატორი- „ბიოაქტივი“ წარუდგინა.

გამოფენის ფარგლებში „ბიოტეკსის“ წარმომადგენლებმა სხვადასხვა ქვეყნის მსხვილ ფერმერებთან და დისტრიბუტორებთან შეხვედრები გამართეს. კომპანიას შესაძლებლობა ჰქონდა, პოტენციური პარტნიორებისთვის გაეცნო საკუთარი პროდუქცია და უშუალოდ მათგან მიეღო ინფორმაცია ბაზრის საჭიროებებისა და მოთხოვნის შესახებ.

განსაკუთრებული ინტერესი გამოიკვეთა „ბიოაქტივის“, „ბიოზანისა“ და „ფისტოკლოზანიდის“ მიმართ. დაინტერესებულ მხარეებთან ინფორმაციის გაცვლა და მიმოწერა ადგილზე დაიწყო და საქართველოში დაბრუნების შემდეგაც გაგრძელდა. კომპანიის შეფასებით, მონაწილეობის ერთ-ერთი მთავარი შედეგი სწორედ ამ კომუნიკაციის გაგრძელებაა, რაც შესაძლო თანამშრომლობის შემდგომი განხილვის საფუძველს ქმნის.

„ბიოტეკსისთვის“ საერთაშორისო გამოფენებში მონაწილეობა საექსპორტო განვითარების მნიშვნელოვანი ნაწილია. მსგავსი შეხვედრები კომპანიას ეხმარება, წარადგინოს საქართველოში წარმოებული პროდუქცია, შეაფასოს მის მიმართ ინტერესი და გააფართოოს პოტენციური პარტნიორების წრე. AgroWorld Qazaqstan 2026-ზე შეხვედრებმა ეს შესაძლებლობა ერთდროულად რამდენიმე მიმართულებით - ვეტერინარიის, ცხოველთა კვებისა და მემცენარეობის სფეროებში შექმნა.

გამოფენაში „ბიოტეკსის“ მონაწილეობა Invest in Georgia-ს ორგანიზებით განხორციელდა. საერთაშორისო ღონისძიებებზე ქართული მწარმოებლების წარდგენის მხარდაჭერა კომპანიებს უცხოელ შემსყიდველებთან უშუალო კომუნიკაციისა და ახალი საექსპორტო შესაძლებლობების გამოვლენის საშუალებას აძლევს.

„ბიოტეკსი“ 1991 წლიდან საქმიანობს ვეტერინარული პრეპარატებისა და საკვებდანამატების წარმოების მიმართულებით. კომპანიას საექსპორტო გამოცდილება აქვს სომხეთის, აზერბაიჯანისა და თურქმენეთის ბაზრებზე. ყაზახეთში გამოფენის ფარგლებში დაწყებული კომუნიკაცია საერთაშორისო პარტნიორული ქსელის გაფართოების კიდევ ერთი შესაძლებლობაა.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა