სემეკში Aqualia-სა და GWP-ს ხელმძღვანელ პირებთან შეხვედრა გაიმართა
საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია და კომისიის წევრები Aqualia-ს რეგიონულ დირექტორს, ხოსე ენრიკე ბოფილს და შპს “ჯორჯიან უოთერ ენდ ფაუერის”(GWP) გენერალურ დირექტორს, ხოსე მიგელ სანტოსს შეხვდნენ.
სემეკში გამართულ შეხვედრაზე განიხილეს შპს “ჯორჯიან უოთერ ენდ ფაუერის” მიმდინარე გეგმები, რომლებიც მიზნად ისახავს წყალმომარაგების ინფრასტრუქტურის განახლება/რეაბილიტაციას, წყვეტების შემცირებასა და მომსახურების ხარისხის გაუმჯობესებას. სემეკის თავმჯდომარემ, დავით ნარმანიამ ყურადღება გაამახვილა შპს “ჯორჯიან უოთერ ენდ ფაუერის” სალიცენზიო არეალში Aqualia-ს მიერ განხორციელებული ინვესტიციების მნიშვნელობაზე. მისი თქმით, განხორციელებული საინვესტიციო პროექტების შედეგად, გამოიცვალა პრობლემატური ინფრასტრუქტურის ნაწილი, რამაც რიგ ქუჩებზე უზრუნველყო წყალმომარაგების გაუმჯობესება.
გარდა ამისა, შეხვედრის მონაწილეებმა განიხილეს სამომავლო გეგმები. კერძოდ, იმსჯელეს მომდევნო წლებში განსახორციელებელ ინვესტიციებსა და არსებული გამოწვევების ერთობლივად დაძლევის საკითხებზე.
სხვა სიახლეები
გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს
10.06.2026.18:14
გალტ & თაგარტმა მომხმარებლებს უზბეკეთის ეროვნული საინვესტიციო ფონდის (UzNIF) პირველ საჯარო შეთავაზებაში (IPO) მონაწილეობის შესაძლებლობა მისცა. ფონდის აქციები წარმატებით დაილისტა როგორც ლონდონის, ისე ტაშკენტის საფონდო ბირჟებზე, რაც უზბეკეთის კაპიტალის ბაზრის ისტორიაში ერთ-ერთი ყველაზე მასშტაბური და წარმატებული საერთაშორისო განთავსებაა.
UzNIF-ის IPO-მ საერთაშორისო ინვესტორების მხრიდან მაღალი ინტერესი გამოიწვია და მოთხოვნამ 2.8 მილიარდ აშშ დოლარს გადააჭარბა, ხოლო ტრანზაქციის მოცულობამ 603.6 მილიონი აშშ დოლარი შეადგინა.
“მოხარულები ვართ, რომ ჩვენს მომხმარებლებს შესაძლებლობა მივეცით, მონაწილეობა მიეღოთ უზბეკეთის კაპიტალის ბაზრისთვის ისტორიულ ტრანზაქციაში. UzNIF-ის პირველადი საჯარო განთავსება არა მხოლოდ უზბეკეთის, არამედ მთლიანად რეგიონის კაპიტალის ბაზრების განვითარების თვალსაზრისით მნიშვნელოვანი ეტაპია. გალტ & თაგარტი მომავალშიც გააგრძელებს ინვესტორებისთვის საერთაშორისო საინვესტიციო შესაძლებლობებზე წვდომის გაზიარებას“, - აცხადებს გიორგი კუპრაშვილი, გალტ & თაგარტის გენერალური დირექტორი.
აღსანიშნავია, რომ UzNIF საინვესტიციო ფონდია, რომელიც ფლობს წილებს უზბეკეთის 13 სტრატეგიულ ორგანიზაციაში. 2025 წლიდან ფონდის მართვასა და სამეურვეო ფუნქციას Franklin Templeton ახორციელებს, რაც UzNIF-ს საერთაშორისო გამოცდილებისა და კაპიტალის ბაზრების განვითარების საუკეთესო პრაქტიკების გამოყენების შესაძლებლობას აძლევს.
SOLO და სუხიშვილები წარმოგიდგენთ: „თაკარა“ - ვინილი, რომელიც მოძრაობას ბგერად აქცევს
10.06.2026.17:47
მარკეტერებისთვის მათი საქმიანობის ყველა ასპექტში ბევრი ახალი ხელსაწყო გაჩნდა, რაც როგორც ამარტივებს, ისე ამდიდრებს მათ საქმეს - დავით ბირმანი
10.06.2026.15:00
რიცხვებზე ორიენტირებული გადაწყვეტილებების მიღება არის ის, რაც უნდა გამოარჩევდეს მენეჯერს - დავით ბირმანი
10.06.2026.13:30
GS BROKERS მოზიდული სადაზღვევო პრემიების კუთხით, საბროკერო ბაზრის ლიდერია - ბრენდის ახალი იდენტობა და გლობალური სტანდარტები
10.06.2026.13:18
კომპანიისთვის ბევრი ხელსაწყო გაჩნდა, რომელიც ცხოვრებას ამარტივებს, ხოლო მეორე მხრივ, მარკეტერისთვის ახალი ვალდებულებები წარმოიქმნა - დავით ბირმანი
10.06.2026.13:00
