Shine Energy Sustainability გარემოსდაცვითი ცნობიერების ამაღლებისა და მდგრადი განვითარების იდეების პოპულარიზაციის მიზნით ახალ პარტნიორობას იწყებს. კომპანია Tegeta Green Planet-თან ერთად ერთობლივ საგანმანათლებლო ინიციატივას ახორციელებს, რომელიც ახალგაზრდებში ეკოლოგიურად პასუხისმგებლიანი დამოკიდებულების ფორმირებას ისახავს მიზნად.

პროექტის ფარგლებში Shine Energy Sustainability თბილისის სხვადასხვა სკოლასა და უნივერსიტეტში საინფორმაციო შეხვედრებს, პრეზენტაციებსა და ინტერაქციულ ვორქშოფებს გამართავს. კომპანიის წარმომადგენლები ახალგაზრდებს ენერგიის მნიშვნელობაზე, მისი ყოველდღიურ ცხოვრებაში გამოყენებასა და განახლებადი ენერგორესურსების განვითარების აუცილებლობაზე ესაუბრებიან. ინიციატივა ასევე მოიცავს გარემოს დაცვისა და მდგრადი განვითარების მიმართულებით ცნობიერების ამაღლებას.

პარტნიორობის ფარგლებში Tegeta Green Planet მოსწავლეებს სპეციფიკური ნარჩენების მართვის მნიშვნელობას გააცნობს - მათ შორის, გამოყენებული საბურავების, აკუმულატორებისა და ზეთების სწორად მართვის პროცესს და მის კავშირს ცირკულარულ ეკონომიკასთან. პროექტი ინტერაქციულ ფორმატში ჩატარდება და სხვადასხვა საგანმანათლებლო აქტივობასა და პრაქტიკულ ვორქშოფს მოიცავს, რათა ახალგაზრდების ჩართულობა და გარემოზე ზრუნვის კულტურა კიდევ უფრო გაძლიერდეს.

,,ჩვენი პარტნიორობა ემსახურება ისეთ მნიშვნელოვან იდეას, როგორიცაა გარემოსდაცვითი ცნობიერების ამაღლება და მდგრადი განვითარების მიზნების პოპულარიზაცია. გვჯერა, რომ განათლება ის მთავარი ინსტრუმენტია, რომელიც პასუხისმგებლიან მომავალს ქმნის, სწორედ ამიტომ ვახორციელებთ სხვადასხვა საგანმანათლებლო აქტივობას სკოლებსა და უნივერსტეტებში, - აცხადებენ Shine Energy-ში.