საღონისძიებო სივრცე Shuaguli • შუაგული ვითარდება და ფართოვდება, რაც მას საკუთარი მომხმარებლებისთვის მეტი სერვისის შეთავაზების საშუალებას აძლევს. როგორც Business Insider Georgia-სთან VNG GROUP-ის პიარისა და მარკეტინგის დეპარტამენტის ხელმძღვანელმა, ლანა ბლიაძემ განაცხადა, დღეისათვის „შუაგული“ 7 სივრცისგან შედგება, თუმცა მალე მას ახალი და განსხვავებული სივრცეები დაემატება.

„ჩვენი საღონისძიებო სივრცე მოიცავს როგორც დახურულ, ასევე ღია სივრცეებს - სტუმრებს, აღნიშნულ სეზონზე, აქვთ არჩევანი კლასიკურ, დახურულ დარბაზებსა და ნახევრად ღია სივრცეებს შორის. “მთავარი დარბაზი” კლასიკური და ელეგანტურია, “გარდენი” გამწვანებული და მყუდრო,  „ლეიქსაიდი“ ნახევრად დახურული სივრცეა აუზთან,  რომელიც აღნიშულ სეზონზე ვიტრაჟულად იხურება და სითბოს ინარჩუნებს,  გვაქვს ასევე საზაფხულო პავილიონები, ასევე პანორამული დარბაზი. საერთო ჯამში, გვაქვს 7 სივრცე, რომელიც ყველა გემოვნების ადამიანზეა მორგებული და თითოეული სტუმარი იპოვის მისთვის სასურველ სივრცეს, ნებისმიერი ტიპის ღონისძიებისთვის.

დაახლოებით ოქტომბრის ბოლოსთვის გვექნება ორი ახალი სივრცის გახსნა - მინი გოლფის მოედანი და ინოვაციური ფოტოსივრცე - „ფოტო ვენიუ“. ეს ნიშნავს, რომ სივრცეში შესვლისთანავე 12 ერთმანეთისგან განსხვავებული გარემო დაგხვდებათ, სადაც ნებისმიერ კუთხეში შეძლებთ ლამაზი და დამამახსოვრებელი ფოტოების გადაღებას. ზოგადად, „შუაგულში“ ფოტოების გადაღების დიდი მოთხოვნაა, აქამდე თუ ღია, ულამაზეს სივრცეს ვთავაზობდით, ახლა სხვადასხვა თემატიკის  ფოტოზონებშიც შეუძლიათ ჩვენს სტუმრებს პოზიორობა, როგორც აღვნიშნეთ, გახსნა დაახლოებით ოქტომბრის ბოლოს იგეგმება.

გზაშია ასევე ბროწეულების დარბაზი, სადაც ბროწეულების ხეივანი და ულამაზესი გარემო იქნება, მისი გახსნა ოდნავ მოგვიანებით იგეგმება“, — აცხადებს ლანა ბლიაძე.

 „შუაგული“ — ეს არის ამბავი, რომელიც დაიწყო სიყვარულით და თავგადასავლებით.

„მთავარია კარი შეაღოთ და სული შეგეკვრებათ … ზურმუხტისფერი ბალახი და საფირისფერი ცა ჰარმონიულად ერწყმის ერთმანეთს და სხვა განზომილებაში გადაჰყავხართ… სივრცე, რომელიც გიცოცხლებთ თბილ ემოციებს, სადაც სიყვარულის სიმფონიას კლასიკა იწყება და თანამედროვეობა ასრულებს.

,,შუაგული” გთავაზობთ სივრცეებს ცხოვრების ყველა მნიშვნელოვანი დღისთვის. ჩვენი სივრცეები ერთნაირად მიმზიდველია, როგორც კლასიკური საღამოებისთვის, ასევე მყუდრო ოჯახური და სამეგობრო შეკრებებისთვის, ბავშვებთან ერთად სტუმრობისთვის, გარე ღონისძიებებისა და აუზის თემატიკისთვის. 

• თბილისიდან სულ რაღაც 15 წუთში, ჩვენ დაგახვედრებთ: 
• თქვენს სურვილებზე მორგებულ სივრცეებს;
• უმაღლესი ხარისხის მომსახურებას;
• ქართულ და ევროპულ გემრიელ კერძებს;
• ქართულ არომატულ ღვინოს და მსოფლიოს გამორჩეულ კოქტეილებს; 
• გემოვნებიან მუსიკალურ საღამოებს; 
• ეკო ზონას ბავშვებისთვის; 
• 300 მანქანაზე გათვლილ პარკინგს. 

ასეთია ადგილი, სადაც დრო ჩერდება და არსებობს მხოლოდ სიყვარული. 

„შუაგული” – ზღაპრული აღნიშვნის სამყარო“, - აღნიშნულია საღონისძიებო სივრცის საიტზე განთავსებულ ინფორმაციაში.