სილქ როუდ ჯგუფის საკრედიტო რეიტინგი გაუმჯობესდა
მსოფლიოს წამყვანმა საკრედიტო რეიტინგის სააგენტომ Moody’s Ratings (Moody’s) დაადასტურა სილქ როუდ ჯგუფის გრძელვადიანი კორპორაციული საკრედიტო რეიტინგი B1, ისევე, როგორც კომპანიის მიერ 2025 წელს გამოშვებული 400 მლნ აშშ დოლარის ოდენობის ობლიგაციების გრძელვადიანი საკრედიტო რეიტინგი B1. ამასთან, რეიტინგის პერსპექტივა შეცვალა „სტაბილურიდან“ „პოზიტიურზე“.
Moody’s-ის მიერ B1 რეიტინგის დადასტურება და პერსპექტივის „სტაბილურიდან“ “პოზიტიურამდე” გაუმჯობესება მიუთითებს იმაზე, რომ სააგენტო სილქ როუდ ჯგუფის საკრედიტო პროფილს სტაბილურად აფასებს და სამომავლოდ მისი გაუმჯობესების პოტენციალს ხედავს.
Moody’s-ის რეიტინგი წარმოადგენს კომპანიის ან სახელმწიფოს მიერ აღებული ფინანსური ვალდებულებების დამოუკიდებელ შეფასებას. მისი რეიტინგები გამოიყენება ინვესტორების, ბანკების, ობლიგაციების მფლობელებისა და სხვა ფინანსური ინსტიტუტების მიერ იმის შესაფასებლად, რამდენად სანდოა მსესხებელი და რამდენად მაღალია მსესხებლის მიერ ვალდებულებების შეუსრულებლობის რისკი.
სილქ როუდ ჯგუფი არის დივერსიფიცირებული ჰოლდინგური კომპანია, რომელიც აერთიანებს სატელეკომუნიკაციო კომპანია სილქნეტს და სტუმარმასპინძლობის, უძრავი ქონების და ენერგეტიკის სექტორებში მოქმედ ჰოლდინგის სხვა კომპანიებს.
კომპანიის შეფასებისას Moody’s როგორც წესი, აანალიზებს ისეთ ფაქტორებს, როგორიცაა კომპანიის ფინანსური მდგომარეობა და მომგებიანობა; ვალის მოცულობა და მისი მომსახურების შესაძლებლობა; ფულადი ნაკადები; ბიზნესის დივერსიფიკაცია და სტაბილურობა; კომპანიის საქმიანობის სექტორები და ბაზრები; ლიკვიდურობა და დაფინანსებაზე ხელმისაწვდომობა და ეკონომიკური და სხვა გარე რისკები.
B1 რეიტინგის დადასტურება, რეიტინგის პროგნოზის „პოზიტიურზე“ ცვლილებასთან ერთად, წარმოადგენს „სილქ როუდ ჯგუფის“ ამჟამინდელი საკრედიტო პროფილისა და მისი შემდგომი გაძლიერების პერსპექტივების დადებით შეფასებას.
გიორგი რამიშვილი, სილქ როუდ ჯგუფის დამფუძნებელი: “ძალიან სასიხარულოა, რომ ჯგუფის საკრედიტო რეიტინგი გაუმჯობესდა, ეს ახალ შესაძლებლობებს ქმნის მომავალი განვითარებისთვის. ახლო მომავალში კიდევ არაერთ დადებით სიახლეს ველით, რასაც მოგვიანებით შეგატყობინებთ. ”
დღის ტოპ 10 სიახლე
სხვა სიახლეები
არქი მსოფლიო რეკორდების სიმაღლეზეა - Archi Grand Avenue-ში მხოლოდ 5 საათში 1202 ბინა გაიყიდა!
24.10.2026.21:32
განსაკუთრებით მაღალი მოთხოვნის გათვალისწინებით, დამატებით კიდევ 156 მომხმარებელი მომდევნო ბლოკის მომლოდინეთა სიას შეუერთდა.
ამ ისტორიული შედეგით, არქი ევროპის, ცენტრალური აზიისა და ახლო აღმოსავლეთის რეგიონის სამეულშია ერთ დღეში გაყიდული ბინების რაოდენობით, არქის მხოლოდ ორი საერთაშორისო გიგანტი უსწრებს: საუდის არაბეთის NHC - 3 980 გაყიდული ბინით (2024 წლის, 15 ნოემბერი) და დუბაის DAMAC - 3 164 გაყიდული ბინით (2024 წლის 10 დეკემბერი).
„დღევანდელი შედეგი ჩვენთვის მხოლოდ რეკორდული გაყიდვები არ არის. ეს არის ნდობა, რომელიც ათასობით ადამიანმა გამოგვიცხადა და რისთვისაც თითოეულ მათგანს გულწრფელ მადლობას ვუხდით. ამ შედეგის უკან ჩვენი გუნდის უდიდესი შრომა დგას. „არქი“ საქართველოში №1 დეველოპერული კომპანიაა, თუმცა ჩვენთვის მთავარი მხოლოდ ლიდერობა არ არის. მნიშვნელოვანია, რომ ადამიანებს შევთავაზოთ რეალური ღირებულება და გავამართლოთ მათი მოლოდინები. Archi Grand Avenue-ში სწორედ ასეთ გარემოს ვქმნით - ქალაქის ახალ ცენტრს, რომელსაც განვითარების უდიდესი პოტენციალი აქვს. ვფიქრობ, მომხმარებლებმაც სწორედ ეს დაინახეს: პერსპექტიული ლოკაცია, პროექტის მასშტაბი, საერთაშორისო ბრენდების ჩართულობა და განსაკუთრებული ფინანსური პირობები. ამ ყველაფერმა ერთად მოგვცა შედეგი, რომლითაც დღეს ძალიან ვამაყობთ“, - აცხადებს „არქის“ გენერალური დირექტორი შიო ხეცურიანი.
დღევანდელი შედეგით „არქიმ“ გასულ წელს დაფიქსირებული საკუთარი რეკორდი ორჯერ მეტად გააუმჯობესა და ბაზარზე ახალი სტანდარტი დააწესა.
აღსანიშნავია, რომ გასულ წელთან შედარებით, პროექტში ბინების ფასი 27–28%-ით გაიზარდა. პერსპექტიული ლოკაცია და განვითარების მასშტაბი პროექტს მიმზიდველს ხდის როგორც საცხოვრებლად, ისე საინვესტიციოდ. განსაკუთრებული ინტერესი ადგილობრივმა მყიდველებმა, ქართველმა ემიგრანტებმა და საერთაშორისო ინვესტორებმა გამოიჩინეს.
Archi Grand Avenue 21 ჰექტარზე ვითარდება, საიდანაც 15 ჰექტარზე მეტი გამწვანებულ და რეკრეაციულ სივრცეებს დაეთმობა. პროექტი აერთიანებს საცხოვრებელ შენობებს, Hilton-ის ხუთვარსკვლავიან სასტუმროს, Wyndham-ის ბრენდირებულ რეზიდენციებს, სპორტულ კომპლექსს, გასტრონომიულ და კომერციულ სივრცეებს.
„მადლობა თითოეულ მომხმარებელს განსაკუთრებული ნდობისთვის. ეს ჩვენთვის დიდი პასუხისმგებლობაა და ყველაფერს გავაკეთებთ, რომ მათი მოლოდინები არა მხოლოდ გავამართლოთ, არამედ გადავაჭარბოთ კიდეც. მათთვის, ვინც ამ ეტაპზე სასურველი ბინის შეძენა ვერ შეძლო, დამატებითი შესაძლებლობა შევქმენით. ჩვენი მიზანია, რაც შეიძლება მეტი ადამიანი გახდეს ქალაქის ახალი ცენტრის ნაწილი“, - აცხადებს „არქის“ დამფუძნებელი ილია წულაია.
