ბიზნეს მედია Business Insider Georgia ოფიციალურად შეუერთდა London Chamber of Commerce and Industry (LCCI)-ს - ერთ-ერთ ყველაზე გავლენიან ბიზნეს გაერთიანებას გაერთიანებულ სამეფოში, რომელიც საერთაშორისო კომპანიებს, ინვესტორებსა და ინდუსტრიის ლიდერებს აერთიანებს.

LCCI-ის წევრობა Business Insider Georgia-ს აძლევს შესაძლებლობას, კიდევ უფრო გააძლიეროს საერთაშორისო ბიზნესკავშირები, მიიღოს მონაწილეობა გლობალურ ბიზნესფორუმებში, ქსელურ ღონისძიებებსა და სექტორულ დისკუსიებში, რაც პლატფორმისთვის ახალი პარტნიორობებისა და საერთაშორისო თანამშრომლობის მიმართულებით მნიშვნელოვან შესაძლებლობებს ქმნის.

ამასთან, წევრობა გულისხმობს წვდომას საერთაშორისო ბიზნესქსელზე, კვლევებსა და ანალიტიკურ რესურსებზე, რაც ქართულ ბიზნესმედიას საშუალებას მისცემს, ადგილობრივ აუდიტორიას კიდევ უფრო მრავალფეროვანი და გლობალურ ეკონომიკურ ტენდენციებზე დაფუძნებული ინფორმაცია მიაწოდოს.

London Chamber of Commerce and Industry 1881 წელს დაარსდა და დღეს ათასობით წევრ კომპანიას აერთიანებს მსოფლიოს სხვადასხვა სექტორიდან. ორგანიზაცია აქტიურად მუშაობს საერთაშორისო ვაჭრობის, ინვესტიციებისა და ბიზნესთანამშრომლობის ხელშეწყობის მიმართულებით და წარმოადგენს ერთ-ერთ მნიშვნელოვან პლატფორმას ბრიტანული და საერთაშორისო ბიზნესისთვის.

Business Insider Georgia საქართველოში ბიზნესის, ეკონომიკის, ფინანსებისა და საერთაშორისო ბაზრების შესახებ ერთ-ერთი მზარდი მედია პლატფორმაა, რომელიც მკითხველს ოპერატიულ და ანალიტიკურ ინფორმაციას სთავაზობს.

კომპანიის განცხადებით, LCCI-ის წევრობა საერთაშორისო პოზიციონირების გაძლიერებისა და ახალი გლობალური შესაძლებლობების განვითარების მიმართულებით მნიშვნელოვანი ნაბიჯია.