სილქნეტი Tatuza Jazz Club-ის მხარდამჭერი გახდა
კომპანია სილქნეტი თბილისის გამორჩეული მუსიკალური სივრცის - Tatuza Jazz Club-ის პარტნიორი გახდა. კომპანიისთვის მნიშვნელოვანია მხარი დაუჭიროს ქვეყნის კულტურული ეკოსისტემის განვითარებას, ჯაზ კლუბთან თანამშრომლობა სწორედ ამ ხედვის ბუნებრივი გაგრძელებაა. სილქნეტი უკვე მრავალი წელია ჩართულია ისეთი მნიშვნელოვანი პროექტების განხორციელებაში, როგორიცაა წინანდლის ფესტივალი და პლატფორმა Billboard Georgia-ს დაარსება, რომლებიც ხელს უწყობს საქართველოს ინტეგრაციას საერთაშორისო კულტურულ სივრცეში.
ჯაზ კლუბი Tatuza სასტუმრო ტელეგრაფის სავიზიტო ბარათია და ლეგენდარული ჯაზ-მუსიკოსის თამაზ ყურაშვილის, იგივე თათუზას, სახელს ატარებს. უნიკალური შემსრულებლის, პედაგოგისა და მენტორის ოცნება იყო საქართველოს მსოფლიო სტანდარტის ჯაზ კლუბი ჰქონოდა. სწორედ ამ იდეის განხორციელებაა Tatuza Jazz Club-ი, რომელიც ადგილობრივ და საერთაშორისო არტისტებს გამორჩეულ სივრცეში აერთიანებს. კლუბის უნიკალურობას მაღალი ხარისხის აკუსტიკა განსაზღვრავს, რომელიც ფრანგმა არქიტექტორმა და აკუსტიკოსმა ქსავიე ფაბრმა შექმნა. აუდიო სისტემაზე კი მსოფლიო ლიდერებმა - L-Acoustics-მა და Meyer Sound-მა იმუშავა. კლუბი ყოველთვიურად ოცდახუთამდე ღონისძიებას მასპინძლობს და ჯაზის მოყვარულებისთვის შეკრების განსაკუთრებული ადგილია.
დღის ტოპ 10 სიახლე
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
სხვა სიახლეები
საქართველოს ბანკის ორგანიზებით, ვორკშოპი „AgriTech და GreenTech ინოვაციები“ გაიმართება
24.04.2026.18:42
27 აპრილს, 17:00 საათზე, ბიზნეს 360˚-ის შეხვედრების სერიის ფარგლებში, საქართველოს ბანკის ორგანიზებით, ბიზნესის წარმომადგენლებისა და დაინტერესებულ პირებისთვის ვორქშოპი - „AgriTech და GreenTech ინოვაციები“ გაიმართება. შეხვედრას თამთა მამულაიძე და გოგა საათაშვილი გაუძღვებიან.
ვორქშოპი დაეთმობა თანამედროვე ტექნოლოგიების როლს სოფლის მეურნეობისა და აგრობიზნესის განვითარებაში. მონაწილეები მიიღებენ პრაქტიკულ ცოდნას იმ ინოვაციურ მიდგომებზე, რომლებიც ბიზნესებს ეფექტიანობის ზრდაში, რესურსების უკეთ მართვასა და მდგრადი განვითარების მიმართულებით წინსვლაში ეხმარება.
შეხვედრის ფარგლებში განიხილება:
• AgriTech ტექნოლოგიების მნიშვნელობა თანამედროვე სოფლის მეურნეობაში;
• მწვანე ტექნოლოგიები და მდგრადი წარმოების პრაქტიკა;
• რესურსების ეფექტიანი მართვა აგრობიზნესში;
• ინოვაციების გამოყენება ბიზნესის ზრდისა და განვითარებისათვის.
ვორკშოპის მონაწილეებს შესაძლებლობა ექნებათ, იმსჯელონ აგრობიზნესში ტექნოლოგიური სიახლეების დანერგვის რეალურ შესაძლებლობებზე და მიიღონ პრაქტიკული რეკომენდაციები საკუთარი საქმიანობისთვის.
ღონისძიება 27 აპრილს, 17:00 საათზე საქართველოს ბანკის 4B სივრცეში გაიმართება.
საქართველოს ბანკი, ბიზნეს 360˚-ის ფარგლებში, აგრძელებს შეხვედრების სერიას, რომლის მიზანია მეწარმეებისა და ბიზნესების მხარდაჭერა ცოდნის გაზიარებით, პრაქტიკული გამოცდილებისა და თანამედროვე ტენდენციების გაცნობით.
ლევან გომშიაშვილმა Fintech in Focus 2026-ზე ლონდონის საფონდო ბირჟაზე საქართველოს ბანკის მიღწევები გააზიარა
24.04.2026.18:20
ბაზრის ტენდენციები, რეგიონული ზრდა და ახალი სერვისები - როგორია „ნაკადურის“ განვითარების ხედვა
24.04.2026.18:00
ვაჭრობის ფინანსირების თანამედროვე ტენდენციები და მათი გავლენა ბიზნესზე - ინტერვიუ გალინა ოგანესიანთან
24.04.2026.17:55
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
24.04.2026.17:21
გორგიამ და გუდავაძე-პატარკაციშვილის ფონდმა დეკორატიული მებაღეობის საგანმანათლებლო პროგრამის შექმნის შესახებ მემორანდუმი გააფორმეს
24.04.2026.15:03
როგორ იქცა ქართული ტრადიცია საერთაშორისო ბრენდად - „ჩირჩხელას“ 10 წლიანი ისტორია და განვითარების გზა
24.04.2026.14:00
სილქ ჰოსფითალითიმ საქართველოში „The Leading Hotels of the World“-ის საერთაშორისო ღონისძიებას უმასპინძლა
24.04.2026.12:45
