სილქნეტმა BARTA 2025 მთავარი ჯილდო მიიღო
BARTA-ს რიგით მეშვიდე დაჯილდოების ცერემონიაზე, მსხვილი არასაფინანსო კომპანიის კატეგორიაში, მთავარი ჯილდო სილქნეტს გადაეცა. კომპანია წლიდან წლამდე ზრდის გამჭვირვალობის და ანგარიშგების ხარისხს, ამკვიდრებს მაღალ სტანდარტს წლიური ანგარიშის, ბუღალტრული აღრიცხვისა და აუდიტის მიმართულებით.
"სილქნეტის მიერ BARTA-ს ჯილდოს მეოთხედ მოპოვება კიდევ ერთხელ ადასტურებს კომპანიის ურყევ ერთგულებას პასუხისმგებლიანი კორპორაციული მმართველობისა და გამჭვირვალობის უმაღლესი საერთაშორისო სტანდარტებისადმი. ჩვენი კორპორაციული კულტურა და ანგარიშვალდებულების მაღალი სტანდარტი მუდმივად განამტკიცებს ინვესტორთა, პარტნიორთა და აბონენტთა ნდობას, რაც კომპანიის მდგრადი განვითარების მთავარი გარანტიაა." - ანა გახოკიძე, სილქნეტის ფინანსური დირექტორის მოადგილე.
საუკეთესო წლიური ანგარიშის და გამჭვირვალობის ჯილდოს კონკურსი BARTA, 2019 წელს ევროკავშირის და მსოფლიო ბანკის ფინანსური ჩართულობის და ანგარიშვალდებულების ერთობლივი პროექტის ფარგლებში დაარსდა. კონკურსი BARTA ყოველწლიურად ავლენს საუკეთესო მსხვილ ფინანსურ, მსხვილ არაფინანსურ, მცირე და საშუალო კომპანიებს, რითაც ხელს უწყობს ჯანსაღი კონკურენციის დამკვიდრებას და კორპორაციული ანგარიშგების საერთო სტანდარტის გაუმჯობესებას.
BARTA 2025 მთავარი ჯილდო კიდევ უფრო აძლიერებს სილქნეტის მიმართ ნდობას სატელეკომუნიკაციო ბაზარზე და ზრდის მის კონკურენტუნარიანობას ადგილობრივ და საერთაშორისო დონეზე.
დღის ტოპ 10 სიახლე
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
სხვა სიახლეები
საქართველოს ბანკის ორგანიზებით, ვორკშოპი „AgriTech და GreenTech ინოვაციები“ გაიმართება
24.04.2026.18:42
27 აპრილს, 17:00 საათზე, ბიზნეს 360˚-ის შეხვედრების სერიის ფარგლებში, საქართველოს ბანკის ორგანიზებით, ბიზნესის წარმომადგენლებისა და დაინტერესებულ პირებისთვის ვორქშოპი - „AgriTech და GreenTech ინოვაციები“ გაიმართება. შეხვედრას თამთა მამულაიძე და გოგა საათაშვილი გაუძღვებიან.
ვორქშოპი დაეთმობა თანამედროვე ტექნოლოგიების როლს სოფლის მეურნეობისა და აგრობიზნესის განვითარებაში. მონაწილეები მიიღებენ პრაქტიკულ ცოდნას იმ ინოვაციურ მიდგომებზე, რომლებიც ბიზნესებს ეფექტიანობის ზრდაში, რესურსების უკეთ მართვასა და მდგრადი განვითარების მიმართულებით წინსვლაში ეხმარება.
შეხვედრის ფარგლებში განიხილება:
• AgriTech ტექნოლოგიების მნიშვნელობა თანამედროვე სოფლის მეურნეობაში;
• მწვანე ტექნოლოგიები და მდგრადი წარმოების პრაქტიკა;
• რესურსების ეფექტიანი მართვა აგრობიზნესში;
• ინოვაციების გამოყენება ბიზნესის ზრდისა და განვითარებისათვის.
ვორკშოპის მონაწილეებს შესაძლებლობა ექნებათ, იმსჯელონ აგრობიზნესში ტექნოლოგიური სიახლეების დანერგვის რეალურ შესაძლებლობებზე და მიიღონ პრაქტიკული რეკომენდაციები საკუთარი საქმიანობისთვის.
ღონისძიება 27 აპრილს, 17:00 საათზე საქართველოს ბანკის 4B სივრცეში გაიმართება.
საქართველოს ბანკი, ბიზნეს 360˚-ის ფარგლებში, აგრძელებს შეხვედრების სერიას, რომლის მიზანია მეწარმეებისა და ბიზნესების მხარდაჭერა ცოდნის გაზიარებით, პრაქტიკული გამოცდილებისა და თანამედროვე ტენდენციების გაცნობით.
ლევან გომშიაშვილმა Fintech in Focus 2026-ზე ლონდონის საფონდო ბირჟაზე საქართველოს ბანკის მიღწევები გააზიარა
24.04.2026.18:20
ბაზრის ტენდენციები, რეგიონული ზრდა და ახალი სერვისები - როგორია „ნაკადურის“ განვითარების ხედვა
24.04.2026.18:00
ვაჭრობის ფინანსირების თანამედროვე ტენდენციები და მათი გავლენა ბიზნესზე - ინტერვიუ გალინა ოგანესიანთან
24.04.2026.17:55
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
24.04.2026.17:21
გორგიამ და გუდავაძე-პატარკაციშვილის ფონდმა დეკორატიული მებაღეობის საგანმანათლებლო პროგრამის შექმნის შესახებ მემორანდუმი გააფორმეს
24.04.2026.15:03
როგორ იქცა ქართული ტრადიცია საერთაშორისო ბრენდად - „ჩირჩხელას“ 10 წლიანი ისტორია და განვითარების გზა
24.04.2026.14:00
სილქ ჰოსფითალითიმ საქართველოში „The Leading Hotels of the World“-ის საერთაშორისო ღონისძიებას უმასპინძლა
24.04.2026.12:45
