SOLO და თბილისი ჰილსი ბავშვთა საერთაშორისო დღეს განსაკუთრებული ღონისძიებებით აღნიშნავენ

ბიზნესი

ივნისის თვეში გალფის ავიაკომპანიები აქტიურად ბრუნდებიან საქართველოს საავიაციო ბაზარზე l Voyager-ის დირექტორი

27.05.2026.16:00

გალფის ქვეყნების ავიაკომპანიები საქართველოს საავიაციო ბაზარს სრულად უბრუნდებიან“,- ამის შესახებ, Business Insider Georgia-ს Voyager-ის დირექტორმა სოფო აზარაშვილმა განუცხადა.

„Voyager საქართველოს საავიაციო ბაზარზე ამჟამად ხუთ საერთაშორისო ავიაკომპანიას წარმოადგენს. პარტნიორი ავიაკომპანიების უმრავლესობა ბაზარზე დაბრუნდა და ოპერირებას აქტიურად აგრძელებს.

• Flynas - ავიაკომპანიამ უკვე აღადგინა რეისები და თბილისი-ჯედას მიმართულებით კვირაში ოთხი სიხშირით ოპერირებს. ასევე, აღდგენილია ფრენები დამამისა და რიადის მიმართულებით, რომლებიც საშუალოდ კვირაში ოთხჯერ სრულდება;

• Jazeera Airways - ავიაკომპანია საქართველოს ბაზარს დაუბრუნდა და ქუვეითი–თბილისის მიმართულებით კვირაში ოთხ რეისს ასრულებს. ივნისიდან კი ფრენების ყოველდღიურ რეჟიმში შესრულებას გეგმავს;

• Gulf Air - 4 ივნისიდან ავიაკომპანია საქართველოს ბაზარზე ოპერირებას განაახლებს და საწყის ეტაპზე კვირაში ორი სიხშირით იფრენს;

• Flydubai - ავიაკომპანია ზრდის ოპერირების მასშტაბს. ივნისიდან სიხშირეები გაიზრდება და გარკვეულ დღეებში რეისები დღეში ორჯერ, ხოლო სხვა დღეებში დღეში სამჯერაც შესრულდება.

ზოგადად, გალფის ბაზარი საქართველოს უმნიშვნელოვანეს სამიზნე ბაზარს წარმოადგენს. ფრენების გაზრდა, ავტომატურად მგზავრთნაკადის გაზრდასთანაა დაკავშირებული. მომავალ თვეებში გალფის ქვეყნებიდან მზარდ დინამიკას ველოდებიათ“, – განმარტავს სოფო აზარაშვილი.