სტუდიო ლიბერთი Global Tech Weekend Tbilisi 2026-ის მთავარი პარტნიორია
სტუდიო ლიბერთი Global Tech Weekend Tbilisi 2026-ის მთავარი პარტნიორია და რეგიონის ერთ-ერთი ყველაზე მასშტაბური, დეცენტრალიზებული ტექნოლოგიური ღონისძიების მხარდამჭერია.
19-21 ივნისს საქართველო კავკასიისა და ცენტრალური აზიის ტექნოლოგიური ეკოსისტემების შეხვედრის ადგილად გადაიქცევა. სამი დღის განმავლობაში Global Tech Weekend Tbilisi ათასობით მონაწილეს, ინვესტორს, სტარტაპის დამფუძნებელს, ტექნოლოგიურ ლიდერსა და საერთაშორისო სტუმარს გააერთიანებს, რაც საქართველოს რეგიონული ტექნოლოგიური ჰაბის პოზიციის კიდევ უფრო გაძლიერებას შეუწყობს ხელს. სტუდიო ლიბერთისთვის Global Tech Weekend Tbilisi-ს მხარდაჭერა საერთო ღირებულებებზე დაფუძნებული პარტნიორობაა. ორივე ბრენდს აერთიანებს ხედვა - შექმნას სივრცე ადამიანებისთვის, რომლებიც ბიზნესს, ინოვაციასა და პირად განვითარებას ერთმანეთთან აკავშირებს.
ღონისძიების მთავარი დღე 20 ივნისს, Factory Tbilisi-ში გაიმართება, სადაც სტუმრებს შესაძლებლობა ექნებათ მოუსმინონ ინსპირაციულ სპიკერებს, გაეცნონ ინდუსტრიის უახლეს ტენდენციებს და დაამყარონ ახალი პროფესიული კავშირები. Global Tech Weekend Tbilisi-ს მთავარ სცენაზე ლიბერთის ხელოვნური ინტელექტისა და მონაცემთა მეცნიერების დეპარტამენტისა და ციფრული ბანკინგის ბიზნესის განვითარების დეპარტამენტის ხელმძღვანელები თავიანთ გამოცდილებას გაუზიარებენ მსმენელს.
„სტუდიო ლიბერთისთვის განსაკუთრებით მნიშვნელოვანია ისეთი ინიციატივების მხარდაჭერა, რომლებიც ინოვაციებს, განათლებას და საერთაშორისო შესაძლებლობების შექმნას უწყობს ხელს. Global Tech Weekend Tbilisi სწორედ ის პლატფორმაა, რომელიც საქართველოს ტექნოლოგიურ ეკოსისტემას მსოფლიო აუდიტორიასთან აკავშირებს. მოხარულები ვართ, რომ წელს ღონისძიების მთავარი პარტნიორები ვართ“, ლედი კოჭლამაზაშვილი, პერსონალური ბანკინგისა და მომხმარებლისთვის ღირებულების შექმნის დეპარტამენტის ხელმძღვანელი.
„Global Tech Weekend Tbilisi-ის მიზანია რეგიონში ტექნოლოგიური საზოგადოების გაერთიანება და საერთაშორისო თანამშრომლობის ხელშეწყობა. პარტნიორების მხარდაჭერა გვაძლევს შესაძლებლობას Global Tech Weekend კიდევ უფრო მასშტაბური და ხელმისაწვდომი გავხადოთ როგორც ადგილობრივი, ისე საერთაშორისო მონაწილეებისთვის“ - ნოდო ივანიძე, Global Tech Weekend Tbilisi-ს თანადამფუძნებელი.
სტუდიო ლიბერთის მომხმარებლებისთვის ღონისძიებაზე დასწრება განსაკუთრებული შეთავაზებით იქნება შესაძლებელი. Mastercard World Elite და Visa Platinum ბარათებით გადახდის შემთხვევაში, მომხმარებლები 30% ფასდაკლებით ისარგებლებენ Flagship Event Pass, Multi Pass და Investor Pass ბილეთების შეძენისას.
30% ფასდაკლების მისაღებად ბილეთის შეძენის პროცესში უნდა აირჩიონ სტუდიო ლიბერთი და მიჰყვნენ შესაბამის ბმულს:
Biletebi.ge - https://bit.ly/4xeuzpB
TKT.GE - https://bit.ly/4ul7KxB
გახდი სტუდიოს წევრი - https://bit.ly/3S1AWMI
სტუდიო ლიბერთის შესახებ:
სტუდიო ლიბერთი ლიბერთის პრემიუმ ბანკინგის მიმართულება და პირველი მრავალფუნქციური სივრცეა საქართველოში, რომელიც პირადი და ბიზნეს ინტერესების თანაკვეთაზეა შექმნილი. სტუდიო ლიბერთის მომხმარებლისთვის ხელმისაწვდომია პერსონალური ბანკირის მხარდაჭერა, საბანკო თუ Lifestyle პროდუქტების ექსკლუზიური შეთავაზებები და უმაღლესი კლასის საბანკო მომსახურება როგორც ინდივიდუალური, ისე საქმიანი ფინანსების სამართავად.
Global Tech Weekend Tbilisi-ს შესახებ:
Global Tech Weekend (GTW) 2024 წელს ლოს-ანჯელესში დაარსდა, 2025 წელს კი თბილისშიც გაიმართა და რეგიონის ერთ-ერთ ყველაზე გავლენიან ტექნოლოგიურ და ინოვაციურ ღონისძიებად ჩამოყალიბდა. 2025 წლის ღონისძიებამ 10,000-ზე მეტ მონაწილეს, 120 სპიკერსა და 100 სპონსორს უმასპინძლა.
2026 წლის პროგრამა გასული წლის წარმატებას ეფუძნება და მოიცავს 40-ზე მეტ დამატებით ღონისძიებას ქალაქის მასშტაბით, საერთაშორისო ინდუსტრიის ლიდერებთან მჭიდრო პარტნიორობასა და გლობალურ მედია გაშუქებას ისეთი გამოცემებისგან, როგორებიცაა Forbes, Euronews და AP.
ლიბერთი ბანკის შესახებ:
2026 წლის აპრილში, ლიბერთი ბანკის აქციების 95.99% ბაზისბანკმა შეიძინა.
ლიბერთი ბანკი საქართველოში ერთ-ერთი უმსხვილესი ფინანსური ინსტიტუტია და ემსახურება 1.7 მილიონზე მეტ ფიზიკურ პირს და 60,000-ზე მეტ მცირე და საშუალო ბიზნესს.
ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით, 700-მდე ბანკომატით, ყველა რეგიონსა და მუნიციპალიტეტში. დასაქმებულ თანამშრომელთა რაოდენობა 5,600-ს აღემატება. ბანკის აქტივები 5.8 მლრდ ლარს შეადგენს, მთლიანი საკრედიტო პორტფელი 4.2 მლრდ ლარია, ხოლო დეპოზიტების პორტფელი 4.17 მლრდ ლარი. ბანკის 2025 წლის წმინდა მოგება 128 მილიონი ლარია.
დღის ტოპ 10 სიახლე
სხვა სიახლეები
„გაიარე მეტი“ - „თეგეტა მოტორსმა“ მომხმარებელს აგვისტოში განსაკუთრებული შეთავაზებები მოუმზადა
05.08.2026.11:12
20%-იანი ფასდაკლება Varta-ს, Exide-ისა და Energizer-ის პრემიუმ სეგმენტის აკუმულატორებზე, 10%-იანი ფასდაკლება თურქული ბრენდის Petlas-ის საბურავებზე და საბურავების სპეციალური ფასები დისკის ზომების მიხედვით - „თეგეტა მოტორსმა“ მომხმარებელს აგვისტოში განსაკუთრებული შეთავაზებები მოუმზადა. ამ პერიოდში საბურავების შეძენა 69 ლარიდან არის შესაძლებელი, აკუმულატორების კი - 109 ლარიდან. აქცია კამპანიის „გაიარე მეტი“ ფარგლებში მიმდინარეობს.
შეთავაზება ზაფხულის სეზონს უკავშირდება, როდესაც ავტომფლობელები შორ მანძილზე უფრო აქტიურად გადაადგილდებიან. იზრდება ავტომობილზე დატვირთვა და, შესაბამისად, მისი ტექნიკური მზადყოფნის მნიშვნელობაც.
კონსტანტინე ფაცაცია, „თეგეტა მოტორსის“ პროდუქტის კატეგორიის მართვის დეპარტამენტის ხელმძღვანელი: „აგვისტო ორი მიზეზით არის განსაკუთრებული თვე. ერთი მხრივ, ეს წლის ყველაზე ცხელი პერიოდია და აკუმულატორის რესურსი მაღალი ტემპერატურის გამო მცირდება. მეორე მხრივ კი, ეს მაღალი მობილობის თვეა - ადამიანები ბევრს მოგზაურობენ და აქტიურად გადაადგილდებიან ქალაქებს შორის. სწორედ ამიტომ გადავწყვიტეთ, საუკეთესო შეთავაზება ზუსტად მაშინ მოვუმზადოთ მომხმარებლებს, როდესაც ეს პროდუქტები მათ ყველაზე მეტად სჭირდება.
გარდა იმისა, რომ „თეგეტა მოტორსი“ ამ პროდუქტებისა და მომსახურების მიმწოდებელია, ჩვენ ბაზრის ლიდერები ვართ და პასუხისმგებლობას ვგრძნობთ, მომხმარებელს ავუხსნათ, რას ნიშნავს პასუხისმგებლობიანი მძღოლი. საუბარია არა მხოლოდ საკუთარ, არამედ სხვის უსაფრთხოებაზეც - გაუმართავი ავტომობილის მართვა პირდაპირ კავშირშია საგზაო შემთხვევებთან. სწორედ ამიტომ ჩვენი შეთავაზებები მხოლოდ ფასდაკლება არ არის, ეს პრევენციის კულტურის განვითარების ნაწილია“.
ფასდაკლების პარალელურად კომპანია მომხმარებელს მეორადი აკუმულატორის ჩაბარების შესაძლებლობასაც სთავაზობს - ძველი აკუმულატორი ფასდება და მისი ღირებულება ახალი პროდუქტის ფასს აკლდება. ეს პირობა მიმდინარე შეთავაზების პარალელურად მოქმედებს, ხოლო ჩაბარებული აკუმულატორი შესაბამისი წესით გადამუშავდება.
გარდა ამისა, საბურავებზე კომპანიამ კონკრეტულ ბრენდებზე დისკის თითოეული ზომისთვის ინდივიდუალური ფასი განსაზღვრა, რაც მომხმარებელს საშუალებას აძლევს, ზუსტად თავისი ავტომობილის შესაბამისი პროდუქტი კიდევ უფრო ხელსაყრელ ფასად შეარჩიოს.
აგვისტოში მიმდინარე ყველა შეთავაზება „თეგეტა მოტორსის“ ფილიალებში მთელი საქართველოს მასშტაბით და ონლაინ მოქმედებს.
„თეგეტა მოტორსს“ ავტოინდუსტრიაში 30-წლიანი გამოცდილება აქვს. კომპანიის ფილიალებში მომხმარებელს მაღალკვალიფიციური პროფესიონალები ხვდებიან, რომლებიც ავტომობილის მოდელის, ექსპლუატაციის პირობებისა და ინდივიდუალური საჭიროებების გათვალისწინებით ეხმარებიან სასურველი პროდუქტის შერჩევაში - იქნება ეს საბურავი, აკუმულატორი თუ სხვა.კამპანია „გაიარე მეტი“ კი ასახავს ხედვას - მომხმარებელს გამართული და უსაფრთხო ავტომობილით მეტი მანძილის, მეტი მოგზაურობისა და მეტი გამოცდილების მიღების შესაძლებლობა მიეცეს.
--
„თეგეტა მოტორსის“ შესახებ: „თეგეტა ჰოლდინგში“ შემავალი კომპანია „თეგეტა მოტორსი“ 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. „თეგეტა მოტორსი“ არაერთი პრემიუმ ბრენდის ოფიციალური წარმომადგენელია საქართველოში, მათ შორის არის Bridgestone, Michelin, Varta, Shell, Motul, Ate და სხვა.
„არტემ“ საქმიანობის მიმართულება გააფართოვა - კომპანიამ გარე და შიდა ინტერიერის ბრენდირების სერვისი დაამატა
05.08.2026.10:00
როგორ აფასებს ირაკლი გილაური Georgia Capital-ის 2026 წლის პირველი ნახევრის შედეგებს
04.08.2026.19:09
საქართველოს ბანკის ESG და მდგრადობის ხელმძღვანელმა, ანა ოსაძემ Partnership 4SDGs ფორუმზე მდგრადი დაფინანსების განვითარების პერსპექტივებზე ისაუბრა
04.08.2026.17:56
