4-5 ივლისს Lisi Wonderland-ი რეგიონის ყველაზე მასშტაბურ მუსიკალურ ფესტივალს - Tbilisi Open Air 2026-ს - უმასპინძლებს. წელს ფესტივალი საიუბილეოა და უკვე მე-15 აერთიანებს მუსიკის, ხელოვნების, თავისუფლებისა და მრავალფეროვანი კულტურის მოყვარულებს. ორი დღის განმავლობაში Lisi Wonderland-ი ქართველი და საერთაშორისო არტისტების, საინტერესო კოლაბორაციებისა და მულტიკულტურული გამოცდილების ცენტრად გადაიქცევა. ფესტივალის კარი 4 ივლისს, 14:00 საათზე გაიღება.

კოკა-კოლა - Tbilisi Open Air 2026-ის პარტნიორია. კომპანია “კოკა-კოლა ბოთლერს ჯორჯია” ათწლეულებია მხარს უჭერს ისეთ მასშტაბურ კულტურულ, მუსიკალურ და სპორტულ ღონისძიებებს, რომელიც ადამიანებს საერთო ემოციების, ახალი გამოცდილებისა და პოზიტიური განწყობის გარშემო აერთიანებს. კომპანიისთვის მსგავსი მასშტაბის ფესტივალის მხარდაჭერა კულტურისა და მუსიკის განვითარებასა და ხელშეწყობას ნიშნავს.

Tbilisi Open Air 2026-ის ორ დაუვიწყარ დღეს, კოკა-კოლა სტუმრებს განსაკუთრებული საფესტივალო სივრცით უმასპინძლებს. კოკა-კოლას ზონის დამსწრეებს მთელი დღის განმავლობაში ზაფხულის განწყობა, სახალისო აქტივობები, ინტერაქტიული გათამაშებები და გართობა ელოდებათ. კოკა-კოლა მიქს ბარი (Coca-Cola Mix Bar) ფესტივალის სტუმრებსა და მონაწილეებს შესაძლებლობას მისცემს კოკა-კოლას საავტორო კოქტეილები დააგემოვნონ. Lisi Wonderland-ში, ფესტივალის ტერიტორიაზე მსოფლიო ბრენდი ორ სხვადასხვა ლოკაციაზე იქნება წარმოდგენილი, იმისათვის რომ სტუმრებმა ბრენდის აქტივობებში ჩართვა მარტივად შეძლონ. აქტივობაში ჩართულ ყველა მონაწილეს კოკა-კოლასგან სხვადასხვა დასახელების ბრენდირებული საჩუქრები და კოქტეილები ელოდება. კოკა-კოლას ზონები Tbilisi Open Air 2026-ს კიდევ უფრო ენერგიულსა და დაუვიწყარს გახდის.

ფესტივალის მუსიკალური ნაწილი წელსაც რამდენიმე სცენაზე გადანაწილდება. მათ შორის, 10 წლის იუბილეს აღნიშნავს ფესტივალის ერთ-ერთი ყველაზე ავთენტური სივრცე - Zion Garden-ი. წლევანდელი გამოშვების ერთ-ერთი მთავარი სიახლე კი სივრცეში Mzesumzira Stage-ის გამოჩენაა, რომელიც ელექტრონული მუსიკის მოყვარულებისთვის დამატებითი მიზიდულობის ცენტრი გახდება. ფესტივალის მთავარ სცენას (Main Stage) კი უცხოელ ჰედლაინერებთან - Slowdive, Hooverphonic, Molchat Doma და სხვებთან ერთად, 4 ივლისს, აქტუალური ქართველი არტისტები და ტრადიციულად პროექტის, TBILISI NEWCOMERS წლევანდელი გამარჯვებული, ბენდი OCD! გახსნის.

Tbilisi Open Air 15 წელია მუსიკალურ ჩარჩოებს სცილდება და დამსწრეებს სრულფასოვან ეკოსისტემას სთავაზობს. წლევანდელ სივრცეში მუსიკის მიღმა რამდენიმე მნიშვნელოვანი აქტივობა გაერთიანდება:

• მსოფლიო ჩემპიონატის მატჩების ჩვენება: ფეხბურთის გულშემატკივრებისთვის ტერიტორიაზე სპეციალური საფეხბურთო ზონა მოეწყობა, სადაც დიდ ეკრანზე მსოფლიო ჩემპიონატის მერვედფინალური მატჩების ერთობლივი ყურება იქნება შესაძლებელი; კოკა-კოლა FIFA-ს მსოფლიო ჩემპიონატის გლობალური პარტნიორი და ერთ-ერთი მთავარი მხარდამჭერია, რაც ამ საფეხბურთო სივრცეს კიდევ უფრო განსაკუთრებულ მნიშვნელობას ანიჭებს.
• ნატურალური ღვინის ფესტივალი / Supernatural Natural Wine Festival: ფესტივალის ფარგლებში ჩატარდება ნატურალური ღვინის ფესტივალი, სადაც სტუმრები საუკეთესო ქართული მარნების პროდუქციას დააგემოვნებენ;
• თავისუფლების სოფელი / Freedom Village: გასართობი და შემეცნებითი აქტივობები მთელი დღის განმავლობაში;
• მრავალფეროვანი ზონები: ტერიტორიაზე მოეწყობა კემპინგის ზონა, კვების ობიექტები, მარკეტი და სხვადასხვა გასართობი სივრცეები.