თბილისის ურბანულ რუკაზე ახალი, მაღალი კლასის მრავალფუნქციური პროექტი ჩნდება, რომელიც დედაქალაქის ცენტრში მდებარეობს. მერაბ ალექსიძის N9-ში, გმირთა მოედნიდან სულ რამდენიმე წუთის სავალზე, კომპანია „საბურთალო ფიჭვები“ Capital Square-ის მშენებლობას ახორციელებს.

ვაკისა და ისტორიული უბნების გასაყარზე მდებარე პროექტი მიზნად ისახავს თანამედროვე საცხოვრებელი, საოფისე, კომერციული და რეკრეაციული სივრცეების ერთიან, ჰარმონიულ გარემოში გაერთიანებას.

დეველოპერმა პრემიუმ კლასის მშენებლობის მაღალი სტანდარტი უკვე დაამკვიდრა ლისის პრესტიჟულ დასახლებაში განხორციელებული სამი წარმატებული პროექტით. სწორედ მსგავს გამოცდილებებს ეფუძნება Capital Square-ის კონცეფციაც, 22-სართულიანი შენობის არქიტექტურული გადაწყვეტა სრულად არის მორგებული არსებულ გარემოს და ორგანულად ერწყმის იმ ურბანულ არეალს, სადაც კომპლექსი შენდება. ენერგოეფექტურობისა და თანამედროვე ვიზუალური ელემენტების სინთეზი პროექტს არა მხოლოდ ფუნქციურს, არამედ ქალაქის ამ ნაწილისთვის ახალ არქიტექტურულ ორიენტირად აქცევს.

„ჩვენი გამოცდილება დეველოპმენტში 13 წელს ითვლის. ამ პერიოდში წარმატებით განვახორციელეთ მაღალი კლასის პროექტები და კარგად გვესმის ამ სეგმენტის სპეციფიკა. Capital Square არის ექსკლუზიური კომპლექსი, რომელზეც მუშაობისას განსაკუთრებული აქცენტი გავაკეთეთ ხარისხზე, მწვანე არქიტექტურასა და ინოვაციურ გადაწყვეტებზე. ჩვენ ვქმნით სივრცეს წარმატებული ადამიანებისთვის, რომლებიც დროს სწორად აფასებენ და მომავალზე ორიენტირებულ საინვესტიციო გადაწყვეტილებებს დღესვე იღებენ”, - აცხადებს კომპანიის მმართველი პარტნიორი ბათია ჯანაძე.

პროექტის მასშტაბურობასა და საიმედოობაზე მისი ფინანსური მხარეც მეტყველებს. საერთო ინვესტიცია 30 მილიონ ლარს შეადგენს. Capital Square  სრულად არის დაფინანსებული „თიბისი ბანკის“ მიერ, რაც მშენებლობის პროცესის სტაბილურობისა და ფინანსური სანდოობის გარანტიაა.

Capital Square -ის სიახლოვეს მდებარე მუნიციპალური პარკი და კომპლექსის შიდა, 2500 კვ.მ-ის ფართობის კეთილმოწყობილი ეზო მობინადრეებისთვის ეკოლოგიურად სუფთა გარემოს ქმნის. განსაკუთრებული მნიშვნელობა ენიჭება იმ ფაქტს, რომ შიდა ტერიტორია სრულად იქნება თავისუფალი ავტომობილებისგან, რაც უსაფრთხო გარემოს უზრუნველყოფს.

პროექტი მოიცავს :

• საცხოვრებელ ნაწილს დამოუკიდებელი ლობითა და კონსიერჟის მომსახურებით;
• A კლასის ბიზნესცენტრს, დამოუკიდებელი ლიფტებითა და შესასვლელით;
• კომერციულ სივრცეებს;
• დახურულ საცურაო აუზს;
• სავარჯიშო დარბაზს;
• მიწისქვეშა ავტოსადგომებს;
• ელექტრომობილების დასამუხტ სივრცეს;
• ღია საბავშვო მოედანსა და მოსასვენებელ სივრცეებს.

გაყიდვების საწყის ეტაპზე დაინტერესებულ პირებს შესაძლებლობა აქვთ, მიიღონ ექსკლუზიური სტატუსი, რაც მოიაზრებს ინდივიდუალურ შეთავაზებებს.

Capital Square – არის პროექტი რომელიც ნერგავს მომავლის საცხოვრებელ და საინვესტიციო სტანდარტს რეალურ დროში.