Mio Gelato იტალიური ჯელატოსა და დესერტების ბრენდია, რომელიც მომხმარებელს მრავალფეროვან გემოებსა და ნატურალური ინგრედიენტებით დამზადებულ პროდუქტებს სთავაზობს. ბრენდის მიმდინარე სიახლეებზე, ასორტიმენტში განხორციელებულ ცვლილებებზე, ბაზარზე არსებულ ტენდენციებსა და სამომავლო განვითარების გეგმებზე Business Insider Georgia Mio Gelato-ს დამფუძნებელს, ნათია ფხაკაძეს ესაუბრა.

რა არის Mio Gelato-ს მიმდინარე სიახლეები და რა ცვლილებები შეიტანეთ ბოლო პერიოდში ასორტიმენტში?

Mio Gelato მუდმივად მუშაობს მომხმარებლისთვის ახალი და მრავალფეროვანი გემოების შეთავაზებაზე. ბოლო პერიოდში, გავაფართოვეთ როგორც ჯელატოს, ისე დესერტებისა და სასმელების ასორტიმენტი. განსაკუთრებული ყურადღება ეთმობა სეზონურ არომატებს, ნატურალური ინგრედიენტების გამოყენებასა და მომხმარებლის მოთხოვნებზე მორგებულ პროდუქტებს. ასევე განვაახლეთ ვაფლებისა და ცივი სასმელების ასორტიმენტიც, რათა სტუმრებმა ერთ სივრცეში უფრო მრავალფეროვანი არჩევანი მიიღონ.

როგორია დღეს ნაყინის ბაზრის სეზონურობა საქართველოში და რა ტენდენციებს ხედავთ მომხმარებლის ქცევაში?

საქართველოში ნაყინის ბაზარი კვლავ მკვეთრად სეზონურია, თუმცა ბოლო წლებში ხარისხიანი ჯელატოს მიმართ ინტერესი მთელი წლის განმავლობაში იზრდება. მომხმარებელი უფრო მეტად ეძებს ნატურალურ, პრემიუმ ხარისხის პროდუქტს, ინტერესდება ახალი და განსხვავებული გემოებით და დიდ მნიშვნელობას ანიჭებს პროდუქტის შემადგენლობას. ასევე გაიზარდა მოთხოვნა ვიზუალურად საინტერესო დესერტებზე.

⁠როგორ მუშაობს Mio Gelato ახალი არომატების შექმნისა და ასორტიმენტის განახლების პროცესზე?

ახალი არომატების შექმნა იწყება მსოფლიო ტენდენციების, მომხმარებელთა უკუკავშირისა და სეზონური პროდუქტების ანალიზით. იდეების შერჩევის შემდეგ ვამზადებთ საცდელ ვერსიებს, ვატარებთ დეგუსტაციებს და ვაფასებთ მომხმარებლის რეაქციას. მხოლოდ ამის შემდეგ ხდება ახალი პროდუქტის სრულფასოვნად დამატება ასორტიმენტში. ჩვენი მიზანია შევინარჩუნოთ კლასიკური იტალიური ჯელატოს ტრადიცია და მომხმარებელს მუდმივად შევთავაზოთ სიახლეები.

⁠რა გეგმები აქვს კომპანიას სამომავლოდ - გაფართოების, ახალი პროდუქტების ან კონცეფციის განვითარების მიმართულებით?

Mio Gelato-ს განვითარების სტრატეგია მოიცავს როგორც ახალი ლოკაციების ათვისებას, ისე პროდუქციის ხაზის გაფართოებას. ვმუშაობთ ახალი დესერტების, სასმელებისა და სპეციალური სეზონური შეთავაზებების შექმნაზე.

ასევე ვგეგმავთ ბრენდის კიდევ უფრო გაძლიერებას, თანამედროვე დიზაინისა და მომხმარებლის გამოცდილების გაუმჯობესების მიმართულებით, რათა Mio Gelato ასოცირდებოდეს არა მხოლოდ ნაყინთან, არამედ სასიამოვნო ემოციებთან და ხარისხიან იტალიურ ჯელატოს კულტურასთან.

ინფორმაციისთვის, Mio Gelato ქალაქ ქუთაისში თამარ მეფის ქუჩაზე #7 -ში მდებარეობს.