Hilton-ის ხუთვარსკვლავიანი სასტუმროს, Wyndham-ის რეზიდენციებისა და საერთაშორისო გუნდების წარდგენით არქი გრანდ ავენიუ განვითარების ახალ ეტაპზე გადავიდა. პროექტში ინვესტიციის ჯამური მოცულობა 2 მილიარდ ლარს შეადგენს.

8 ოქტომბერს, გრანდ ავენიუზე, ცოტნე დადიანის ქ. 32-ში, არქი გრანდ ავენიუს განვითარების ახალი ეტაპის საზეიმო პრეზენტაცია გაიმართა. ქალაქის ახალი ცენტრის განვითარებაში ჩართული საერთაშორისო პარტნიორები საქართველოში სპეციალურად ღონისძიებისთვის ჩამოვიდნენ და პროექტის ხედვა მოწვეულ სტუმრებს, მედიის წარმომადგენლებსა და არქელებს წარუდგინეს.

ღონისძიებას საქართველოს პრემიერ-მინისტრი, თბილისის მერი და მთავრობის წარმომადგენლები ესწრებოდნენ, რომლებმაც დამსწრე საზოგადოებას სიტყვით მიმართეს.

პრეზენტაციის ერთ-ერთი მთავარი ნაწილი ქალაქის ახალი ცენტრის განვითარების ახალი ეტაპისადმი მიძღვნილი სიმბოლური ხელმოწერისა და კაფსულის საძირკველში განთავსების ცერემონია გახდა, რომელშიც არქის წარმომადგენლებთან ერთად საერთაშორისო პარტნიორებიც მონაწილეობდნენ.

„არქი გრანდ ავენიუ ქალაქის ახალი ცენტრია - ადგილი, სადაც თბილისის ისტორიული მემკვიდრეობა თანამედროვე ცხოვრების შესაძლებლობებს დაუკავშირდება. საერთაშორისო პარტნიორებთან ერთად ჩვენი მიზანია, საცხოვრებელი, სასტუმრო, კომერციული და საზოგადოებრივი სივრცეები ერთიან გარემოდ განვავითაროთ. გვინდა, შევქმნათ უბანი, რომელიც ქალაქს ახალ შესაძლებლობებს მოუტანს და ადამიანებისთვის ცხოვრების, მუშაობისა და დასვენების გამორჩეულ ადგილად იქცევა“, - ილია წულაია, არქის დამფუძნებელი და თავმჯდომარე.

21 ჰექტარზე დაგეგმილი მრავალფუნქციური უბანი 15 ჰექტარ რეკრეაციულ ზონას მოიცავს, სადაც მზიურის პარკზე დიდი რეკრეაციული სივრცე განთავსდება. დასასვენებელი და საბავშვო სივრცეები, ველობილიკები, სკეიტპარკი და ურბანული ამფითეატრი აქტიური ცხოვრებისა და დასვენებისთვის მრავალფეროვან გარემოს შექმნის.

სპორტული და გამაჯანსაღებელი ინფრასტრუქტურა პადელის ცენტრს, ფეხბურთისა და კალათბურთის მოედნებს, 3 200 კვ.მ ფართობის მეგა ჯიმსა და სპას გააერთიანებს. უბანში ასევე განთავსდება რესტორნები, გასართობი სივრცეები, სკოლა და საბავშვო ბაღი. დაგეგმილი მიწისქვეშა გვირაბი კი ქალაქის ახალ ცენტრს წერეთლის გამზირთან რამდენიმე წუთში დააკავშირებს.

არქი გრანდ ავენიუს პროექტის მნიშვნელოვანი ნაწილი ყოფილი ვაგონთმშენებელი ქარხნის თანამედროვე ტრანსფორმაციაა. ისტორიული მემკვიდრეობის სრული შენარჩუნებით, ქარხანა გასტრონომიულ ჰაბს, საერთო სამუშაო, კომერციულ და გასართობ სივრცეებს გააერთიანებს და თბილისში მიზიდულობის ახალ ცენტრად ჩამოყალიბდება.

ქარხნის რენოვაციას ლონდონური არქიტექტურული სტუდია Benoy უძღვება. პროცესში ასევე ჩართულია Alkaş & Han Spaces, რომელიც სავაჭრო და სოციალური თავშეყრის სივრცეების განვითარებაზე სხვადასხვა ქვეყანაში მუშაობს.
გრანდ ავენიუს გენერალური გეგმის შექმნასა და Hilton-ის ხუთვარსკვლავიანი სასტუმროს არქიტექტურაზე Chapman Taylor-ის მადრიდის სტუდია მუშაობს. გენერალურ გეგმასა და ლანდშაფტის დიზაინზე ასევე მუშაობს ავსტრალიური კომპანია OCULUS, რომელსაც ლანდშაფტის დიზაინერი ბობ ერლი უძღვება. Wei Yap Architecture, ვეი აპ ოის სტუდია, პროექტის მთლიან განვითარებაშია ჩართული და ქალაქის ახალი ცენტრის არქიტექტურულ კონცეფციაზე მუშაობს.

საერთაშორისო პარტნიორების თანამშრომლობა პროექტში აერთიანებს არქიტექტურის, ლანდშაფტის, სტუმარმასპინძლობისა და კომერციული სივრცეების განვითარების გამოცდილებას. პრეზენტაციაზე მოწვეული სტუმრები ახალი ეტაპის დეტალებსა და თითოეული გუნდის ხედვას უშუალოდ მათი წარმომადგენლებისგან გაეცნენ.

საზეიმო საღამომ საერთაშორისო პარტნიორების წარდგენა, ოფიციალური გამოსვლები, სიმბოლური ხელმოწერის ცერემონია და მუსიკალური პროგრამა გააერთიანა.

არქი გრანდ ავენიუს ახალი ეტაპის პრეზენტაციას კიდევ ერთი მნიშვნელოვანი თარიღი მოჰყვება — 24 ოქტომბერს არქი გრანდ ავენიუში დიდი ფასდაკლების დღე გაიმართება. განსაკუთრებული შეთავაზება მხოლოდ ერთი დღით იმოქმედებს და ბინების შეძენა ექსკლუზიურად ამ დღისთვის განსაზღვრულ ფასად იქნება შესაძლებელი, რომელიც აღარ განმეორდება. გასულ წელს დიდი ფასდაკლების დღეზე არქი გრანდ ავენიუში რეკორდული რაოდენობის — 644 ბინა — გაიყიდა.

„არქი ჯგუფის” შესახებ

„არქი ჯგუფი“ რეგიონის ერთ-ერთი უმსხვილესი საინვესტიციო ჰოლდინგია. ჯგუფში შემავალი „არქი ფროფერთი“ საქართველოს #1 დეველოპერული კომპანიაა, ბაზრის 18%-ზე მეტი წილით. 2006 წელს ილია წულაიასა და მისი პარტნიორების მიერ დაფუძნებულ კომპანიას 55-ზე მეტი დასრულებული პროექტი აქვს და 70 000-ზე მეტ არქელსა და 34 ქვეყნიდან ინვესტორებს აერთიანებს. 2025 წელს კომპანიამ 3 000-ზე მეტი ბინა გაყიდა.

ჯგუფის საქმიანობა ასევე მოიცავს განახლებად ენერგეტიკას - ჰიდრო, მზისა და ქარის ელექტროსადგურების ჯამური დადგმული სიმძლავრე 219 მეგავატს შეადგენს. „არქი“ საერთაშორისო ბაზრებზეც ვითარდება, მათ შორის ფლორიდაში.

Benoy-ის შესახებ

Benoy, ლონდონური არქიტექტურული სტუდია. ის მართავს პროექტებს ათეულობით ქვეყანაში და სპეციალიზდება მასშტაბური გენერალური გეგმების, აეროპორტების, სავაჭრო ცენტრებისა და მრავალფუნქციური კომპლექსების შექმნაში. დღეს სტუდია არქი გრანდ ავენიუს ფარგლებში ყოფილი ვაგონთმშენებელი ქარხნის თანამედროვე ტრანსფორმაციის პროცესს უძღვება. განახლებული ტერიტორია გასტრონომიულ, საერთო სამუშაო, კომერციულ და გასართობ სივრცეებს გააერთიანებს.

Alkaş-ის შესახებ

Alkaş საკონსულტაციო კომპანიაა, რომელიც სავაჭრო და სოციალური თავშეყრის სივრცეების განვითარებაზე მუშაობს. Alkaş-ის ექსპერტიზა სავაჭრო ცენტრებისა და PropTech-ის გლობალურ განვითარებას მოიცავს. არქი გრანდ ავენიუში კომპანია ყოფილი ქარხნის თანამედროვე და ინოვაციურ სივრცედ გარდაქმნაშია ჩართული.

Chapman Taylor Madrid Studio-ის შესახებ

Chapman Taylor-ის მადრიდის სტუდია საერთაშორისო არქიტექტურული კომპანიის ნაწილია. გრანდ ავენიუში სტუდია გენერალური გეგმის შექმნასა და Hilton-ის ხუთვარსკვლავიანი სასტუმროს არქიტექტურაზე მუშაობს. Chapman Taylor მსოფლიოში ერთ-ერთი ყველაზე ცნობილი და გავლენიანი საერთაშორისო არქიტექტურული სტუდიაა, რომელსაც 60-წლიანი ისტორია, 70-ზე მეტი საერთაშორისო ჯილდო და მსოფლიოს მასშტაბით განხორციელებული მრავალი გამორჩეული პროექტი აქვს.

OCULUS-ის შესახებ

OCULUS წამყვანი ავსტრალიური კომპანია და ინტერდისციპლინური დიზაინის სტუდიაა, რომელიც ლანდშაფტის არქიტექტურაში, ურბანულ დიზაინსა და არქიტექტურაში სპეციალიზდება. კომპანია ბობ ერლიმ დააარსა, რომელიც ახლა არქი გრანდ ავენიუს გენერალური გეგმისა და ლანდშაფტის დიზაინის შექმნის პროცესს ხელმძღვანელობს.

Wei Yap Architecture-ის შესახებ

Wei Yap Architecture ავსტრალიელ-სინგაპურელი არქიტექტორის, ვეი აპ ოის სტუდიაა, რომელსაც 25 წელზე მეტი გლობალური გამოცდილება აქვს ავსტრალიის, აზიის, ახლო აღმოსავლეთისა და კავკასიის ბაზრებზე. სტუდია არქი გრანდ ავენიუს მთლიან პროექტშია ჩართული და ქალაქის ახალი ცენტრის არქიტექტურულ კონცეფციას ქმნის.