მრავალპროფილური საინვესტიციო კომპანია KASS Group, რომელიც საქართველოში 2016 წლიდან საქმიანობს, თბილისის ანძის მოდერნიზაციის პროექტს ახორციელებს. პროექტის მიმდინარეობის, ახალი ტურისტული სივრცის კონცეფციისა და სამომავლო გეგმების შესახებ Business Insider Georgia-ს KASS Group-ის გენერალური დირექტორი ეკატერინე თორდია ესაუბრა.

⁠რა ეტაპზეა დღეს თბილისის ანძის მოდერნიზაციის პროექტი და რა სამუშაოები მიმდინარეობს?

დღეს პროექტი უკვე აქტიურ სამშენებლო ფაზაშია. მიღებულია მშენებლობის ნებართვა, მოწყობილია სამშენებლო მოედანი და დასრულებულია მიმდებარე ტერიტორიაზე არსებული ძველი ნაგებობების დემონტაჟი. მოეწყო ადმინისტრაციისთვის გადასაცემი დამხმარე ფართი.

ამ ეტაპისთვის მიმდინარეობს ანძის ძირითადი შენობის საძირკვლის მოწყობის სამუშაოები. პარალელურად, მეტალის კონსტრუქციების დამამზადებელ ქარხანა-საამქროში შესაბამისი მეტალის დეტალების დამზადება.

რა იქნება პროექტის საბოლოო კონცეფცია და კონკრეტულად რა ინფრასტრუქტურა განთავსდება ანძაზე?

ჩვენი მიზანია, შეიქმნას სრული ტურისტული გამოცდილება, რომელიც სტუმარს რამდენიმე განსხვავებულ ფუნქციას ერთ სივრცეში შესთავაზებს.

პროექტი მოიცავს:

•⁠ ⁠ვიზიტორთა ცენტრი;
•⁠ ⁠პანორამული გადასახედები;
•⁠ ⁠პანორამული რესტორანი.

კონცეფციის მთავარი იდეაა, რომ ვიზიტორმა მიიღოს ერთიანი გამოცდილება - თბილისის ხედები, თანამედროვე არქიტექტურა, გასტრონომია და თავად ანძის ისტორიისა და მნიშვნელობის გაცნობა.

რა საინვესტიციო მოცულობას მოითხოვს პროექტი და როგორია მისი განხორციელების ვადები?

პროექტის სავარაუდო საინვესტიციო ღირებულება 15 მილიონი ლარია, რომელიც დასუზტდება მოგვიანებით.

პროექტის დასრულება 2028 წელს არის დაგეგმილი. მშენებლობის ნებართვის მიღების შემდეგ პროექტი აქტიურ ფაზაში გადავიდა და ჩვენი მიზანია, სამუშაოები დაგეგმილი გრაფიკის შესაბამისად განხორციელდეს.

რა ტიპის ვიზიტორებზეა გათვლილი ახალი ტურისტული სივრცე და რა დატვირთვას ელოდებით?

პროექტი გათვლილია როგორც საერთაშორისო ტურისტებზე, ისე ადგილობრივ ვიზიტორებზე. წარმოადგენს დედაქალაქის სახეს და მთავარ მიზიდულობის ცენტრს.
ჩვენი მიზანია, საქართველოში ჩამოსული ყველა ვიზიტორი ესტუმროს ანძას, როგორც დედაქალაქის სიმბოლოს და მიიღოს უნიკალური გამოცდილება.

⁠რა გავლენას მოახდენს პროექტი თბილისის ტურისტულ მიმზიდველობაზე და რა გეგმები აქვს KASS Group-ს ანძის პროექტის დასრულების შემდეგ?

ჩვენი ხედვით, თბილისის ანძას გახდება თბილისის სიმბოლო და ქალაქის ერთ-ერთი მთავარი მიზიდულობის ცენტრი.

ჩვენი ხედვით, თბილისის ანძა ქალაქის ერთ-ერთი მთავარი ტურისტული მიზიდულობის ცენტრი გახდება. ანძიდან გადაშლილი ხედები სტუმრებს თბილისის უნიკალური ლანდშაფტის სრულიად განსხვავებული კუთხით დანახვის შესაძლებლობას მისცემს. გვჯერა, რომ ეს გამოცდილება კიდევ უფრო გაზრდის თბილისის ტურისტულ მიმზიდველობას.

რაც შეეხება სამომავლო გეგმებს, Kass Group გააგრძელებს საქართველოში ტურიზმის, სტუმარმასპინძლობისა და ინოვაციური ტურისტული ინფრასტრუქტურის მიმართულებით ახალი შესაძლებლობების განვითარებას.