თიბისის წარმომადგენლებმა, „ფინედუს“ ინიციატივის ფარგლებში, 270-ზე მეტ მოსწავლეს ფინანსური განათლების შესახებ შეხვედრები ჩაუტარეს
ფულის გლობალური კვირეულის ფარგლებში, საქართველოს ეროვნული ბანკის ფინანსური განათლების პლატფორმის „ფინედუს“ ინიციატივის ფარგლებში „მოიწვიე ფინედუ კლასში“, თიბისის თანამშრომლები ფინედუს დესპანების როლში ჩაერთნენ და სკოლის მოსწავლეებისთვის ფინანსური განათლების ინტერაქციული შეხვედრები ჩაატარეს. პროექტის მიზანია, ბავშვებსა და ახალგაზრდებში ფინანსური წიგნიერების ამაღლება და პასუხისმგებლიანი ფინანსური ქცევის ჩამოყალიბების ხელშეწყობა.
პროექტის ფარგლებში თიბისის წარმომადგენლები ქობულეთის, ბათუმის, დაბა ჩაქვისა და რუსთავის 11 სკოლას 270 მოსწავლეს შეხვდნენ. ინტერაქციული ფორმატის ფარგლებში მოსწავლეები გაეცნენ ლარის ისტორიას, მონაწილეობა მიიღეს ფინანსური განათლების თემაზე შემეცნებით თამაშებში და საჩუქრად მიიღეს მათ ასაკზე მორგებული საგანმანათლებლო კომიქსები.
შეხვედრების ფარგლებში, თიბისის წარმომადგენლები, მოსწავლეებს ესაუბრნენ ისეთ მნიშვნელოვან თემებზე, როგორიცაა ფულის გონივრული მართვა, დაზოგვის მნიშვნელობა, გაუთვალისწინებელი მოვლენებისთვის ფინანსური მზადყოფნა, ფინანსური მიზნების დასახვა და მიღწევა, ასევე, ფინანსური უსაფრთხოების ძირითადი პრინციპები. შეხვედრების მიზანი იყო, ბავშვებს ადრეული ასაკიდანვე ჩამოუყალიბდეთ დამოუკიდებლობისა და ფულთან სწორი ურთიერთობის უნარები.
თიბისისთვის ფინანსური განათლების ხელშეწყობა კორპორაციული პასუხისმგებლობის ერთ-ერთი მნიშვნელოვანი მიმართულებაა. სწორედ ამიტომ, ბრენდი აქტიურად მონაწილეობს ინიციატივებში, რომლებიც ბავშვებსა და ახალგაზრდებს ფინანსური ცოდნის გაღრმავებასა და პასუხისმგებლიანი გადაწყვეტილებების მიღების უნარის განვითარებაში ეხმარება.
პროექტი „მოიწვიე ფინედუ კლასში“ ფულის გლობალური კვირეულის ფარგლებში ყოველწლიურად ტარდება და საქართველოს ეროვნული ბანკის ფინანსური განათლების პლატფორმა „ფინედუს“ ორგანიზებით, პარტნიორი ორგანიზაციების ჩართულობით ხორციელდება.
ფულის გლობალური კვირეული (Global Money Week) 2012 წლიდან მსოფლიოს 170-ზე მეტ ქვეყანაში იმართება და მისი მიზანია ბავშვებსა და ახალგაზრდებში ფინანსური, ეკონომიკური და სამეწარმეო განათლების პოპულარიზება. საქართველოში ინიციატივას საქართველოს ეროვნული ბანკის ფინანსური განათლების პლატფორმა - ფინედუ, პარტნიორებთან ერთად, 2026 წელს უკვე მეთორმეტედ შეუერთდა. წლევანდელი კამპანია ახალგაზრდებში ფულთან დაკავშირებულ საკითხებზე ღია საუბრის მნიშვნელობას უსვამს ხაზს და მათ ფინანსურად გააზრებული გადაწყვეტილებების მიღებაში ეხმარება.
სხვა სიახლეები
არქი ჰორაიზონმა ენერგოეფექტურობის მიმართულებით საუკეთესო შედეგები აჩვენა Societe Generale-ის ჯგუფის წევრის, ENVIROS-ის შეფასებით
03.07.2026.19:23
თბილისში, ორთაჭალაში მდებარე Archi Horizon-ის ენერგოეფექტურობის მაჩვენებლები საერთაშორისო საკონსულტაციო კომპანია ENVIROS-მა დამოუკიდებლად შეაფასა, რაც მოიცავს პროექტის სამ საცხოვრებელ A, B და C ბლოკის.
ENVIROS-ის დასკვნა კიდევ ერთხელ უსვამს ხაზს Archi Horizon-ის ენერგოეფექტურობას, მდგრადობასა და დაბალხარჯიან საცხოვრებელ კონცეფციას. დამოუკიდებელი საერთაშორისო აუდიტორის შეფასება წარმოადგენს სანდო, მტკიცებულებებზე დაფუძნებულ მასალას.
ENVIROS ენერგოეფექტურობისა და მდგრადობის მიმართულებით სპეციალიზებული წამყვანი საკონსულტაციო კომპანიაა, რომელსაც 30 წელზე მეტი გამოცდილება აქვს. ის საერთაშორისო Société Générale Financial Group-ის ნაწილია. კომპანია, როგორც ევროკავშირის კანონმდებლობის შესაბამისად სერტიფიცირებული ენერგოაუდიტორი, საქართველოში მოქმედი რეგულაციების შესაბამისად ოპერირებს.
„მოხარული ვარ, რომ მოგვეცა შესაძლებლობა, ხელი მოგვეწერა თანამშრომლობის მემორანდუმზე საქართველოს ბაზარზე წამყვან დეველოპერ „არქისთან“. სულ ახლახან მოვამზადეთ „არქი ჰორაიზონის“ შეფასება, რომელიც ადასტურებს, რომ პროექტს ენერგოეფექტურობის მაღალი მაჩვენებლები აქვს და, ამავდროულად, შეესაბამება ენერგოეფექტურობის მიმართულებით არსებულ ევროპულ მოთხოვნებს“, - აღნიშნა იან ჰანუშმა, ENVIROS-ის აღმასრულებელმა დირექტორმა.
Archi Horizon-ის აპარტამენტები თბილისში მაცხოვრებლებისა და მოიჯარეებისთვის პრაქტიკულ სარგებელსაც ქმნის: შენობის გარსი ამცირებს სითბოს დანაკარგს ზამთარში და ხელს უწყობს უკეთეს თბოკონტროლს ზაფხულში, რაც გათბობისა და გაგრილების ხარჯების შემცირებას განაპირობებს.
აღსანიშნავია, რომ Archi-მ და ENVIROS-მა თანამშრომლობის მემორანდუმი გააფორმეს, რომლის მიზანიც Archi-ს პროექტების ენერგოეფექტურობისა და მდგრადობის მაჩვენებლების გაუმჯობესება იქნება. თანამშრომლობა შეეხება არა მხოლოდ პროექტირების ეტაპს, არამედ შენობების ექსპლუატაციის პერიოდსაც.
„Archi-სთვის, როგორც საქართველოში #1 დეველოპერისთვის, ESG სტანდარტებთან შესაბამისობა, ენერგოეფექტურობა და მდგრადობა გრძელვადიანი განვითარების მნიშვნელოვანი მიმართულებებია. Société Générale Financial Group-ის წევრ ENVIROS-თან თანამშრომლობა კი კომპანიას მისცემს შესაძლებლობას, პროექტებში ენერგოეფექტური გადაწყვეტილებები კიდევ უფრო სისტემურად დანერგოს და მაცხოვრებლებს შესთავაზოს უფრო კომფორტული, მდგრადი და ეკონომიურად ეფექტიანი საცხოვრებელი გარემო“, - განმარტავს Archi-ს გენერალური დირექტორი შიო ხეცურიანი.
საქართველოს ბანკის YouTube პროექტი „Creator ჩემპიონატი” გრძელდება - არ გამოგრჩეთ მეორე ეპიზოდი
03.07.2026.18:20
გაორმაგების დღე Galleria Tbilisi-ში - 5 ივლისს PLUS ქულებით გადახდისას 50%-იანი ფასდაკლებით ისარგებლებთ
03.07.2026.18:07
GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა
03.07.2026.18:03
თიბისის წარმომადგენლებმა, „ფინედუს“ ინიციატივის ფარგლებში, 270-ზე მეტ მოსწავლეს ფინანსური განათლების შესახებ შეხვედრები ჩაუტარეს
03.07.2026.17:39
მასწავლებლის ეროვნული ჯილდოს კონკურსის საუკეთესო მასწავლებლების ათეული ცნობილია - პროექტის მხარდამჭერია საქართველოს ბანკი
03.07.2026.16:56
