TOP 5 კერძო სკოლა საქართველოში - ვინ არიან მფლობელები
საქსტატის მიერ Business Insider Georgia-თვის მიწოდებული ინფორმაციის თანახმად 2025 წლის მეოთზე კვარტალში ბრუნვის მიხედვით შემდეგი TOP 5 კერძო სკოლა გამოიკვეთა:
შპს ახალი სკოლა - რეგისტრაციის თარიღია: 08/08/1996. კომპანიის 50%-ის მფლობელია ირაკლი თოფურია, ხოლო 50%-ის მარინა ჟღენტი. დირექტორები - ირაკლი თოფურია და მარინა ჟღენტი.
შპს ევროპული სკოლა - რეგისტრაციის თარიღია: 01/09/2006. კომპანიის 100%-იანი წილის მფლობელია თეა ჭეიშვილი. სამეთვალყურეო საბჭო: თავმჯდომარე/წევრი: გელა ბეჟუაშვილი, წევრი: ნანა მოსიძე, წევრი: გიორგი სიჭინავა, წევრი: სვეტლანა ლამბრიანოვა, წევრი: თეა ჭეიშვილი, წევრი: მარინა ნებიერიძე.
შპს თბილისის ბრიტანული საერთაშორისო სკოლა - რეგისტრაციის თარიღია 05/09/2019: კომპანიის 100%-იანი წილის მფლობელია შეზღუდული პასუხისმგებლობის საზოგადოება ბრიტანულ ქართული აკადემია. დირექტორი - ბადრი ჯირაშვილი.
შპს ნიუტონის თავისუფალი სკოლა - რეგისტრაციის თარიღია: 20/05/1996. კომპანიის 100%-იანი წილის მფლობელია შეზღუდული პასუხისმგებლობის საზოგადოება განათლების განვითარების ჯგუფი. დირექტორი - გიორგი მელაძე. სამეთვალყურეო საბჭო წევრი: ირაკლი მატკავა, წევრი: ქსინფუ ვანგ, წევრი: სიაოწინ შაო.
შპს ბრიტანულ ქართული აკადემია - რეგისტრაციის თარიღია: 03/02/2006. კომპანიის 30%-იანი წილის მფლობელია ნათია ჯანაშია, 70%-ის შეზღუდული პასუხისმგებლობის საზოგადოება შპს საქართველოს განათლების ჯგუფი. დირექტორი - ბადრი ჯირაშვილი.
სხვა სიახლეები
ICT მიმართულება საკმაოდ მზარდია და ციფრებიც ამაზე მეტყველებს - თორნიკე სულაბერიძე
20.05.2026.14:30
ტექნოლოგიური სექტორის პოპულარიზაციისთვის რეგიონებში ცნობიერების ამაღლება და ახალგაზრდებთან უფრო აქტიური მუშაობაა საჭირო, - მიიჩნევს ტექნოლოგიების ასოციაციის თავმჯდომარე, თორნიკე სულაბერიძე. როგორც მან ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა, ასოციაციის გაფართოების შემდეგ ორგანიზაციაში გაერთიანდებიან საგანმანათლებლო და ტრენინგ-კომპანიებიც, რაც ტექნოლოგიური მიმართულებების პოპულარიზაციას არა მხოლოდ თბილისში, არამედ მთელი საქართველოს მასშტაბით შეუწყობს ხელს.
„ეს მიმართულება გასაზრდელია, რადგან ძირითადი აქცენტი და ფოკუსი მაინც დიდ ქალაქებზე - თბილისზე, ბათუმსა და ქუთაისზე მოდის, თუმცა ცნობიერება რეგიონებშიც ასამაღლებელია. მოხარული ვარ, რომ ჩვენი გაფართოების შედეგად შემოგვიერთდებიან ისეთი კომპანიები, რომლებსაც ახალგაზრდებთან ყოველდღიური შეხება აქვთ.
მიუხედავად იმისა, რომ ჩვენს კომპანიებშიც ბევრი ახალგაზრდა მუშაობს, მათთან ყოველდღიური შეხება მაინც არ გვქონია. თუმცა, ის საგანმანათლებლო ორგანიზაციები და ტრენინგპროვაიდერები, რომლებიც ტექნოლოგიების მიმართულებით საქმიანობენ, ახალგაზრდებთან ყოველდღიურად ურთიერთობენ არა მხოლოდ თბილისში, არამედ მთელი საქართველოს მასშტაბით. მათთან ერთობლივი მუშაობით ჩვენ შევძლებთ ამ სექტორის პოპულარიზაციას. აქამდე ჩვენი ICT ასოციაცია უნივერსიტეტებსა და ტრენინგპროვაიდერებთან, როგორც გარე პარტნიორი, ისე თანამშრომლობდა და ამ არასაწევრო, პარტნიორული ურთიერთობით საკმაოდ ბევრი პროექტი განხორციელდა. დღეს კი, როდესაც ეს კომპანიები უკვე ასოციაციის ერთიანი ქოლგის ქვეშ იქნებიან, ისინი ბევრად მეტის გაკეთებას შეძლებენ: ექნებათ წვდომა უფრო მეტ ახალგაზრდაზე, დაგეგმავენ მეტ ღონისძიებას და მათ კიდევ უფრო მეტ ტრენინგსა თუ პროგრამას შესთავაზებენ“, - ამბობს სულაბერიძე,
მისივე თქმით, საქართველოში ტექნოლოგიური მიმართულებებით დაინტერესება საქართველოში მზარდია და ამ მიმართულებით უკვე დაახლოებით 12 000 ადამიანი სწავლობს. მისი თქმით, ახალგაზრდებს სექტორი მაღალი ანაზღაურების, ხარისხიანი სამუშაო გარემოსა და განვითარების შესაძლებლობების გამო იზიდავს.
„ეს მიმართულება საკმაოდ მზარდია და ციფრებიც ამაზე მეტყველებს. დღეის მდგომარეობით, თუ არ ვცდები, ზოგადად ამ სფეროში 12 000-მდე ადამიანი სწავლობს, რაც საქართველოს მოსახლეობის მქონე ქვეყნისთვის საკმაოდ დიდი მაჩვენებელია.
ეს ციფრები მზარდია და ამას თავისი ახსნა აქვს. პირველი ის, რომ ადრე ამ მიმართულებაზე თუ ამბობდნენ, მომავლის პროფესიააო, ის უკვე აწმყო და დღევანდელობაა, რაც ახალგაზრდებს ძალიან იზიდავს. მათთვის მნიშვნელოვანია იმის დანახვა, რომ ამ სექტორში საკმაოდ მაღალი ანაზღაურებაა. ამასთანავე, მიზიდულობას განაპირობებს არა მხოლოდ ანაზღაურება, არამედ მაღალკვალიფიციური და კარგი ხარისხის სამუშაო ადგილები. კარგ ხარისხში ვგულისხმობ იმას, რომ ამ კომპანიებში ისეთი გარემოა, სადაც თანამშრომლები თავს რომელიმე „ბოროტი კორპორაციის“ მსხვერპლად არ გრძნობენ. პირიქით, კომპანია მათზე ზრუნავს და ყველანაირად უწყობს ხელს, რათა ნაყოფიერად, ეფექტიანად იმუშაონ და, რაც ყველაზე მთავარია, განვითარდნენ. ამ ახალგაზრდებისთვის უმნიშვნელოვანესია ხელშეწყობა, რათა იმუშაონ საერთაშორისო პროექტებზე, აიმაღლონ კვალიფიკაცია და ყოველდღიური კომუნიკაცია ჰქონდეთ გლობალური დონის კომპანიებთან“, - აცხადებს სულაბერიძე.
მისი თქმით. დღეს უკვე არაერთი საერთაშორისო კომპანია ტექნოლოგიურ პროექტებს სწორედ საქართველოდან მართავს, რაც რამდენიმე წლის წინ წარმოუდგენელი იყო.