საქართველოში სტუმარმასპინძლობის ინდუსტრია მზარდ განვითარებას განიცდის, რომლის მნიშვნელოვან ნაწილს სარესტორნო ბიზნესი წარმოადგენს. ეს მიმართულება ყოველწლიურად იცვლება და ვითარდება, რის შედეგადაც სექტორში კონკურენციის დონეც მნიშვნელოვნად გაიზარდა.

ამ კონტექსტში Business Insider Georgia-მ სარესტორნო სფეროს წამყვანი კომპანიები გამოიკვლია და საქსტატის მონაცემებზე დაყრდნობით წარმოადგინა 2025 წლის მეოთხე კვარტალში ბრუნვის მიხედვით რესტორნების ტოპ 5 საწარმოს სია.

მაშ ასე, 2025 წლის IV კვარტალში ბრუნვის მიხედვით TOP 5 რესტორნები ასე გამოიყურება:

• შპს ანტრე
• სს სასტუმროებისა და რესტორნების მენეჯმენტ ჯგუფი - ემ|გრუპ
• შპს ბი თი ეი ჯორჯია
• შპს წისქვილი ჯგუფი
• შპს ჯი-ემ-თი მთაწმინდა

(სია არ არის დალაგებული რეიტინგის მიხედვით)

ვინ არიან ამ კომპანიების მფლობელები?

შპს ანტრე 2008 - კომპანიის რეგისტრაციის თარიღია 04/03/2008. მისი 100%-იანი წილის მფლობელია თამილა მაისურაძე. დირექტორი - თამილა მაისურაძე.

სს სასტუმროებისა და რესტორნების მენეჯმენტ ჯგუფი - ემ|გრუპ - კომპანიის რეგისტრაციის თარიღია 30/05/2005, გენერალური დირექტორი - უჩა უგულავა. კომპანიის 64%-იანი წილის მფლობელია  უჩა უგულავა, ხოლო 36%-ის ივანე ნიკოლაიშვილი.

შპს ბი თი ეი ჯორჯია - კომპანიის რეგისტრაციის თარიღია 28/11/2006. მისი 100%-იანი წილის მფლობელია სააქციო საზოგადოება ბი თი ეი ჰავალიმინლარი იესეკ ვე იჩესეკ ჰიზმეთლერი. დირექტორები - ბაჰა ბულბულ და მეჰმეთ ბადემ.

შპს წისქვილი ჯგუფი - კომპანიის რეგისტრაციის თარიღია 19/09/2002. მისი 37.99%-იანი წილის მფლობელია ლაშა ჩხაიძე, 17.51%-იანის - ოთარ ლოლაშვილი, 14.5%-ის - ლიდია ბარამია და 30%-ის შოთა საღლიანი. დირექტორი - გიორგი თავაძე.  გენერალური დირექტორია გიორგი შველიძე.

შპს ჯი-ემ-თი მთაწმინდა - კომპანიის რეგისტრაციის თარიღია 26/11/1996. მისი 100%-იანი წილის მფლობელია მთაწმინდა პლატო ჰოლდინგ ქომფანი. დირექტორი - გიორგი თავაძე.