წარმადობის ზრდა, ახალი შოურუმი და ექსპორტი - როგორია Lepert-ის სამომავლო გეგმები და განვითარების ხედვა
Lepert•ლეპერტ სუვენირებისა და აქსესუარების კომპანიაა, რომელიც ბაზარზე 6 წელია ოპერირებს. კომპანიაში არსებულ სიახლეებსა და სამომავლო გეგმებზე Business Insider Georgia, კომპანიის პარტნიორს, გიორგი გრიგალაშვილს ესაუბრა.
„სიახლე ის არის, რომ ვგეგმავთ წარმოების გაფართოებას და ახალ სივრცეში გადასვლას. პროცესები უკვე დაწყებულია და მალე დავიწყებთ საკუთარი წარმოების მშენებლობას, რაც განსაკუთრებით გვახარებს. ეს შესაძლებლობას მოგვცემს, მრავალმხრივ განვვითარდეთ.
გარდა ამისა, ვგეგმავთ საკუთარი შოურუმის შეძენასა და მოწყობას. სივრცე მრავალფუნქციური იქნება. მომხმარებლებს შევთავაზებთ არა მხოლოდ ჩვენს ნივთებს, არამედ ღვინოსაც. ასევე ვგეგმავთ მასტერკლასების ჩატარებას ნივთების ჩამოსხმის მიმართულებით და შოკოლადის ხაზის განვითარებას. გვაქვს არაერთი იდეა, რომლის ეტაპობრივ განხორციელებასაც ვაპირებთ.
შოურუმისთვის ორ ლოკაციას განვიხილავთ - ერთ-ერთი ფიროსმანის ქუჩაა, რომელიც ამ ეტაპზე ნაკლებად აქტიურია და ვგეგმავთ, თავად შევქმნათ იქ მიზიდულობის ახალი წერტილი, მათ შორის ტურისტული მიმართულებით. პარალელურად, ალტერნატიულ ლოკაციად ძველ თბილისში სხვა სივრცეც გვაქვს შერჩეული და ამჟამად მოლაპარაკების პროცესში ვართ “, - აცხადებს გიორგი გრიგალაშვილი.
მოთხოვნა „ლეპერტის“ აქსესუარების მიმართ საკმაოდ მზარდია.
მოთხოვნა მნიშვნელოვნად არის გაზრდილი, რაც კიდევ უფრო ამძაფრებს განვითარების საჭიროებას. ვგეგმავთ პროდუქციის ექსპორტზე გატანას, თუმცა ამ ეტაპზე წარმადობის შეზღუდული რესურსი და სივრცის სიმცირე გვაფერხებს. სწორედ ამიტომ, დიდ იმედებს ვამყარებთ, რომ რაც შეიძლება მალე დავასრულებთ ახალი შენობის მშენებლობას და გადავინაცვლებთ იქ. შეძენილი გვაქვს დანადგარები, რომელთა სრულად გამოყენებას ამ ეტაპზე არსებული სივრცის გამო ვერ ვახერხებთ, რაც ჩვენთვის ერთ-ერთი მთავარი გამოწვევაა “, - ამბობს კომპანიის პარტნიორი.
კომპანია მუდმივად ანახლებს ასორტიმენტს და მომხმარებელს მრავალფეროვან კოლექციებს სთავაზობს.
„ასორტიმენტს დავამატეთ ახალი კოლექცია - „მონეტების ქარიშხალი დედამიწის გარშემო“. მასში წარმოდგენილია 9 ქართული არქეოლოგიური მონეტა, რომლებიც ალეგორიულად ასახავს საქართველოს როლს მსოფლიო ფულის განვითარებაში. იდეა ეფუძნება იმ ფაქტს, რომ სხვადასხვა ეპოქაში ქართველებს საკუთარი ვალუტა ჰქონდათ, ხოლო კომპოზიციაში მონეტები დედამიწის გარშემო ბრუნავს “, - განმარტავს გიორგი გრიგალაშვილი.
კომპანია, სამომავლოდ სხვადასხვა მიმართულებით განვითარებას გეგმავს.
„ჩვენი სამომავლო გეგმებია წარმადობის ზრდა, ახალ შოურუმში გადასვლა, ექსპორტის მიმართულებით მუშაობის დაწყება და პროდუქციის ასორტიმენტში შოკოლადის ხაზის დამატება “, - აღნიშნავს კომპანიის პარტნიორი.
ინფორმაციისთვის, Lepert-ის მაღაზია ამჟამად მდებარეობს იოანე შავთელის ქუჩა №26-ში.
დღის ტოპ 10 სიახლე
სხვა სიახლეები
არქი მსოფლიო რეკორდების სიმაღლეზეა - Archi Grand Avenue-ში მხოლოდ 5 საათში 1202 ბინა გაიყიდა!
24.10.2026.21:32
განსაკუთრებით მაღალი მოთხოვნის გათვალისწინებით, დამატებით კიდევ 156 მომხმარებელი მომდევნო ბლოკის მომლოდინეთა სიას შეუერთდა.
ამ ისტორიული შედეგით, არქი ევროპის, ცენტრალური აზიისა და ახლო აღმოსავლეთის რეგიონის სამეულშია ერთ დღეში გაყიდული ბინების რაოდენობით, არქის მხოლოდ ორი საერთაშორისო გიგანტი უსწრებს: საუდის არაბეთის NHC - 3 980 გაყიდული ბინით (2024 წლის, 15 ნოემბერი) და დუბაის DAMAC - 3 164 გაყიდული ბინით (2024 წლის 10 დეკემბერი).
„დღევანდელი შედეგი ჩვენთვის მხოლოდ რეკორდული გაყიდვები არ არის. ეს არის ნდობა, რომელიც ათასობით ადამიანმა გამოგვიცხადა და რისთვისაც თითოეულ მათგანს გულწრფელ მადლობას ვუხდით. ამ შედეგის უკან ჩვენი გუნდის უდიდესი შრომა დგას. „არქი“ საქართველოში №1 დეველოპერული კომპანიაა, თუმცა ჩვენთვის მთავარი მხოლოდ ლიდერობა არ არის. მნიშვნელოვანია, რომ ადამიანებს შევთავაზოთ რეალური ღირებულება და გავამართლოთ მათი მოლოდინები. Archi Grand Avenue-ში სწორედ ასეთ გარემოს ვქმნით - ქალაქის ახალ ცენტრს, რომელსაც განვითარების უდიდესი პოტენციალი აქვს. ვფიქრობ, მომხმარებლებმაც სწორედ ეს დაინახეს: პერსპექტიული ლოკაცია, პროექტის მასშტაბი, საერთაშორისო ბრენდების ჩართულობა და განსაკუთრებული ფინანსური პირობები. ამ ყველაფერმა ერთად მოგვცა შედეგი, რომლითაც დღეს ძალიან ვამაყობთ“, - აცხადებს „არქის“ გენერალური დირექტორი შიო ხეცურიანი.
დღევანდელი შედეგით „არქიმ“ გასულ წელს დაფიქსირებული საკუთარი რეკორდი ორჯერ მეტად გააუმჯობესა და ბაზარზე ახალი სტანდარტი დააწესა.
აღსანიშნავია, რომ გასულ წელთან შედარებით, პროექტში ბინების ფასი 27–28%-ით გაიზარდა. პერსპექტიული ლოკაცია და განვითარების მასშტაბი პროექტს მიმზიდველს ხდის როგორც საცხოვრებლად, ისე საინვესტიციოდ. განსაკუთრებული ინტერესი ადგილობრივმა მყიდველებმა, ქართველმა ემიგრანტებმა და საერთაშორისო ინვესტორებმა გამოიჩინეს.
Archi Grand Avenue 21 ჰექტარზე ვითარდება, საიდანაც 15 ჰექტარზე მეტი გამწვანებულ და რეკრეაციულ სივრცეებს დაეთმობა. პროექტი აერთიანებს საცხოვრებელ შენობებს, Hilton-ის ხუთვარსკვლავიან სასტუმროს, Wyndham-ის ბრენდირებულ რეზიდენციებს, სპორტულ კომპლექსს, გასტრონომიულ და კომერციულ სივრცეებს.
„მადლობა თითოეულ მომხმარებელს განსაკუთრებული ნდობისთვის. ეს ჩვენთვის დიდი პასუხისმგებლობაა და ყველაფერს გავაკეთებთ, რომ მათი მოლოდინები არა მხოლოდ გავამართლოთ, არამედ გადავაჭარბოთ კიდეც. მათთვის, ვინც ამ ეტაპზე სასურველი ბინის შეძენა ვერ შეძლო, დამატებითი შესაძლებლობა შევქმენით. ჩვენი მიზანია, რაც შეიძლება მეტი ადამიანი გახდეს ქალაქის ახალი ცენტრის ნაწილი“, - აცხადებს „არქის“ დამფუძნებელი ილია წულაია.
