IMC არის ციფრული მარკეტინგისა და ვებ-დეველოპმენტის კომპანია, რომელიც ბიზნესებს ეხმარება ინტერნეტში ზრდასა და განვითარებაში. მეტი ინფორმაციისთვის, Business Insider Georgia კომპანიის დამფუძნებელს, ვანო ჭულუხაძეს ესაუბრა.

როგორია IMC-ის საქმიანობის სპეციფიკა და რა როლს თამაშობს კომპანია ბიზნესების ციფრულ განვითარებაში?

“აიემსი” არის ციფრული მარკეტინგისა და ვებ-დეველოპმენტის კომპანია, რომელიც ბიზნესებს ეხმარება ონლაინ სივრცეში სწორად პოზიციონირებაში და ზრდაში.
ჩვენი მთავარი როლი არის არა მხოლოდ სერვისის მიწოდება, არამედ ბიზნესისთვის ციფრული სისტემის შექმნა - ვებსაიტიდან დაწყებული, SEO (საძიებო სისტემის ოპტიმიზაცია) და მომხმარებლის მოზიდვის არხებით დასრულებული.

რა სერვისებზე მოდის დღეს ყველაზე მაღალი მოთხოვნა და როგორ იცვლება ტენდენციები ბაზარზე?

დღეს ყველაზე დიდი მოთხოვნაა: ვებსაიტებებზე, SEO ოპტიმიზაციაზე და სოციალური მედიის მართვაზე.

ტენდენცია აშკარად მიდის შედეგზე ორიენტირებულ მარკეტინგზე - კომპანიებს აღარ აინტერესებთ მხოლოდ ვიზუალი, მათ სჭირდებათ რეალური შედეგი: ტრეფიკი, ლიდები და გაყიდვები.

როგორ ცვლის ხელოვნური ინტელექტი და ახალი ციფრული ტექნოლოგიები მარკეტინგის სფეროს და როგორ ერგება IMC ამ ცვლილებებს?

ხელოვნური ინტელექტი მნიშვნელოვნად აჩქარებს პროცესებს - კონტენტის შექმნას, ანალიზს და აუდიტორიის უკეთ გაგებას.

IMC აქტიურად იყენებს ამ ტექნოლოგიებს, თუმცა ჩვენი მთავარი ფოკუსი რჩება სტრატეგიაზე - AI არის ძალიან კარგი ინსტრუმენტი, მაგრამ შედეგს განსაზღვრავს სწორი მიდგომა და გამოცდილება.

რა არის თქვენი მთავარი კონკურენტული უპირატესობა და როგორ ქმნით შედეგზე ორიენტირებულ ციფრულ სტრატეგიებს?

ჩვენი მთავარი უპირატესობა არის პრაქტიკული მიდგომა - ვმუშაობთ არა თეორიით, არამედ რეალური შედეგებით.

სტრატეგიას ვაწყობთ კონკრეტული ბიზნესის მიზნებიდან გამომდინარე: ვაანალიზებთ ბაზარს, მომხმარებელს და ვქმნით სისტემას, რომელიც მოაქვს რეალური შედეგები.
ჩვენთვის ვებგვერდი არ არის უბრალოდ ვიზუალური პროდუქტი - ეს არის ინსტრუმენტი, რომელიც უნდა ქმნიდეს ლიდებს და რეალურ გაყიდვების შესაძლებლობას ბიზნესისთვის.

როგორია კომპანიის განვითარების სტრატეგია და რა მიმართულებით გეგმავთ სერვისების გაფართოებას უახლოეს პერიოდში?

IMC-ის განვითარების სტრატეგია არის სტაბილური ზრდა და სერვისების სისტემატიზაცია.
ვგეგმავთ პროცესების უფრო მეტად ავტომატიზაციას, სერვისების დახვეწას და ისეთი გადაწყვეტილებების დანერგვას, რომელიც ბიზნესებს საშუალებას მისცემს უფრო სწრაფად და ეფექტურად განვითარდნენ ციფრულ გარემოში.

დღეს, როდესაც ხელოვნურმა ინტელექტმა მნიშვნელოვნად დააჩქარა ყოველდღიური პროცესები, ჩვენც აქტიურად ვმუშაობთ ავტომატიზირებული სისტემების შექმნაზე, რათა ბიზნესებმა სწრაფად მიიღონ გადაწყვეტილებები და უფრო ეფექტურად მართონ საკუთარი ციფრული რესურსები.

დამატებითი ინფორმაციისთვის შეგიძლიათ ეწვიოთ კომპანიის ვებგვერდს - www.imc.ge.